Yeremiya 30:16 - Bible en Guidar

¹⁶ Ɗiy en dəzlatkuməni kawzletti yi; məzuseɓɗe nok pak waddoŋ baymet aka balamə; məzundolokun wakkpaŋgaŋ ka zəgeɗ nawndoleti, məzuppohõkuni, wanəpet sən popoho.

Yeremiya 30:16 ပူးပေါင်းရင်းမြစ်များ

Yeremiya 10:25

Ake herɗe nok aket ɗiy en ɗar məs dəsənkun ɓa, aket ɗiy en awyanən iya nok ɓa, vi azanənək Yakob azanənka, akkãhnənka, araygənək dələv nani.

Isaya 33:1

Əray wasan suko, is məzan zəga pakə məza nan məzani ɓa məzəm kiyit ɗiyi məza məzəmni kiyən ɗah ɓa! An kəgrakək əraygən zəga na, kawrayguki tamə. An kəgrakək əzəm kiya, kawzəmni kiyuk tamə.

Əgilye 23:22

An is tat əprəm mani, is tat əɗɗa an nənah pakə, asna wanəzel məzuzelkuni, wanəsaw məzuseɓ net mərmaŋ mama azoko.

Zakarya 2:8

Yaŋ aɓsu na: «Anzok anah sən wiyən ndaka, is na: Yerusalem wasan va walaŋgəleɗe gugriɗ məs kiyit viŋŋge, vi ɗiy dit zəgeɗ memeyẽɗ nassoŋ addəvən diyɗaŋka.

Hənhən 13:10

Ɗəf məs məpsən nadda aka balamə, wal aka balamə, ɗəf məs məpsən namta ama masalam, wamtə ama masalam. Pay na əsok zə ɗəfa gəm na ətafi azet ɗiy na Maŋgəlva.

Zakarya 12:2

In yakəŋ əkkpaŋgan Yerusalem ka huloŋguk na mbazla nakkpaŋgan kiyit ɗiy en dətərwəslnən pakə. Na Yuda pak wasan məstaka'e va pay məsərŋgəsl Yerusalem.

Isaya 14:2

Israyel watef molhõyẽɗi, wamndeget aka dələv neti. Aka dələv na Daya na, Israyel wagim ɗiy veti, zel dit gil ka belemɗe nani. Warme ɗiy en dirmetin a fərsəna, waɗi a fərsəna, wasan daya aket ɗiy en dəsərnən mani.

Gəlyaɗe 129:5

Məzuzelenən Siyon pak wil dədenini, dəddereŋ dirɓe!

Sefanya 2:8

Nəprəmək əra na Mo'ab, ətuɗok wən net kirtin Ammon, ndəɗaŋ dəretin ɗiy nawa, aɓaygənənək dələv net də ərras an net ɗiy nawa.

Habakuk 2:16

Dit wili yi kəbə day ki də gagdaka! Asə tam ɗa, kəppangən gaŋyã nok appaka: məɗawak na va dəzəŋ na Yawe watəkkpaŋ akok gəm ərba wil aka gagdak noko!

Nahum 1:8

an vovolum nawza tay ətoŋ daydayə. Tay əpalkat walaŋgəla-metiŋ warɓehet məzuzelɗe nan ara guzliyo.

Mika 7:10

Məzuzelu wawla wil wadanəni, ndən mənah su wən nak na: Aŋgay Yawe Maŋgəlva nok di? Haraw wawla kawndapani kakaŋ ammba təl ɗəf va ndərɓa aka tive.

Mika 4:11

Kakaŋ na dəlveŋge diyɗa tahəŋ əkkal akoko. En məzunahaŋ na, walaŋgəla-metiŋ van dərayə, haram dəwəl də Siyon!

Ezekiyel 35:5

Vi is tat də wəzel an faɗə, vi kəreɗik mə Israyelɗe ama masalam aka pay nawray neti, pay nətawwən aka heslepe net dədayəŋka,

Ezekiyel 29:6

Ɗiy naka dələv na Eziptə pak wasənnən na, intə Yawe. Vi assoŋguk va mikke na eflere ɗar sit ɗiy na Israyel.

Əɓuhma 1:21

Aprəm wənək əŋɗəsa: Ɗəf tay nawɓətgu ɓa. Məzuzelɗe naw pak aprəmənək əzəmsahã nawa. Annekeninək ziti vi istə kəɗɗa. Kəgapgənək pay məs kəɗi ka dəssoŋgən va ina.

Yeremiya 2:3

Israyel məwele na Yawe yi va zəga na mabardaw nan dəsəɓ maddaabəŋgi. Ɗəf an dəzəm pak tay də wən akani; tatwãh warəha, Yawe aɗiymani.

Isaya 54:17

Zəga məzaɓən nawgay də is pak ahhar na ɓa. Wakəslbe məkaŋ dolgoy akok pakə. Hara ərəh net məɗɗaŋ wəza na Yawe yaska, ndeni təstəs net məs dəsil səzawa Yawe aɗiymani.

Isaya 54:15

An ɗəf awaksukuko, wən nan dəsil səzaw ɓa. Ɗəf dəwaksuk əgay pak waskot aboko.

Zakarya 14:2

Wanəkkelet ɗiy naket dəlveŋge meɓɓet pak a Yerusalem vi kawgaya. Kawgəmni walaŋgəla-metiŋ, kakkporti zəgeɗ səŋgili, kawvoŋgiti gil na gagay. Wəɗak net ɗiy kawsimgiti na gagay, en dədappaŋ kawzeti sə walaŋgəla-metiŋ van ɓa.

Zakarya 1:14

Maslay dədawpel də in nak aɓsu na: «Aslan wəloko, anah na: Vaŋ Yawe Məzuɓappak anahə: Sələh tay əɗɗəm ammba Yerusalem də Siyon. Sələh an dərwadərwa.

Yeremiya 50:28

Məprəm wəlet məs dənzoŋgu, en dəndəwəɗaŋ hã səka dələv na Babilon əpel alabara na əmpəlkiya na Yawe Maŋgəlva nam a Siyon: əmpəlkiya ammba gəla nani.

Yeremiya 25:12

An əzva kaklaw buhul aggrakək kan na, wanəsil aka məlĩ na Babilon gəm aket ɗiy nan vi mambray neti, Yawe aɗiymani; wanəsil aka dələv net mə Kaldiyeɗi, wanəkkpaŋgan ka kiməski hã faɗə.

Yeremiya 12:14

Aŋki an Yawe anah aket meggeŋgiɗu mbəreyit pakə, en məzurəŋgənən zəganawzəmgəla naw məs nipsit ɗiy naw ka neti: sən Israyel. In yakəŋ əptiwit səka dələv neti, wanəptiw ɗiy na Yuda səweleŋti.

Yeremiya 8:16

Hã sə Dan mədaprəm əhəm net pilseŋge na məzuzel namə. Sən ɓaɓəlma əhəm net pilseŋge dələv tay əɓla. Azzoŋko, azanənək dələv də an naddəvən pakə. Gəm walaŋgəla-metiŋ dit ɗiy nan pakə.

Yeremiya 30:15

Vimi kədawɓuh mok sən əssa na vamvi nok məs ammbeɗ ɓaŋ di? Nəɗɗa suk vasna vi heslepe nok metiŋgini mambray nok adayka.

Əmsak aka Mahenziŋ 30:7

Yawe Maŋgəlva nok waggbo' əray net mefɗekeŋ pak aket məzuzelɗe nokum gəm aket məzuzelkumən en dədarɓohokuməni.

1Samiyel 17:53

Mə israyelɗe appetinik də wərɓeheti, amndoŋguk əmõhẽt zəgeɗ en dəppaŋ a dibirgidik net mə Filistiɗe.

Wənməkkpaŋga 22:23

Vi Yawe wahãy ammbeti, wagəm zeŋgilet ɗiy en dəmohẽtin veti.

Əɓuhma 1:22

Mambray net pak dəde aboko, agəɗ dənɗaŋ va kəgəɗ də in aka əɓoŋ naw temtemi. Vi ənɗəs naw adayka, makraw tay əssawa.

Zakarya 1:15

Makraw fiyõh fiyõhĩ aket dəlveŋge məs dərəhən kiyti; vi naw gədəvu siɗikke adə, ya net abbahaŋ sənənək əraya.

Zakarya 2:12

Vi an Yawe Məzuɓappak anah yaŋka: aslənu də gagdak azet dəlveŋge məs dəgəmkumən ka ərəh na mawgaya: «Vi ɗəf an dərəŋgukum pak mawyãk haran arəŋgəni.»