Yeremiya 3:24 - Bible en Guidar

²⁴ Matuya na Ba'al, maŋgəlva net wil azanənək wəza net efiŋgiɗmə, gilew neti, wasliɗe neti, kirtit mezeŋgleket dit muguluŋgiti, far səka sawã namə.

Yeremiya 3:24 ပူးပေါင်းရင်းမြစ်များ

Yeremiya 11:13

Yuda əŋɗa net walaŋgəleɗe gugriɗ nok tay gba net meŋgilveɗ noko gəm gəleɗe net matuyaɗe məs kərkaŋ sən ərba wili, Yerusalem, əŋɗa net gəleɗe net matuyaɗe nok nawzla tursan sən Ba'al tahəŋ gba tiveɗ noko.

Yeremiya 22:21

Nəpel sukuk aka kəsok kiyuk foŋgo, ya kənahək na: nəprəm na ɓa. Aski ədaw nok far səka gawloko; vi kəprəm maw ɓa.

Yeremiya 44:7

Ya kakaŋ na, vaŋ Yawe Maŋgəlva Məzuɓappak, Maŋgəlva na Israyel anahə: Vimi kədaɗɗaŋ mbərayən metiŋgin vaŋ sən zukum ka kappan Yuda məza zel ɓa, gil ɓa, kirin gəm məpriŋgeɗ ɓa gəm ka ɗəf adambra ɓa di?

Yeremiya 8:16

Hã sə Dan mədaprəm əhəm net pilseŋge na məzuzel namə. Sən ɓaɓəlma əhəm net pilseŋge dələv tay əɓla. Azzoŋko, azanənək dələv də an naddəvən pakə. Gəm walaŋgəla-metiŋ dit ɗiy nan pakə.

Yeremiya 9:18

Vaŋvəl na gəlabay tay əprəm sə Siyon: Haya mbar məzam vaŋ di? Mərbə səm wil gbaŋ di? Vi məppanək dəlva, gəleɗe nam aɓzlaŋka!

Ezekiyel 16:19

Way naw an nəpsuko, haykəmari dadabya, mẽlẽ gəm amama nəzəmguko, kəmbatək əɗiyit abet ka tursan məs məŋgənən naffeten mekreti; an kəgəɗ yaska Daya Yawe aɗiymani.

Ezekiyel 16:20

Kəndek kirtuk mezeŋgleket dit muguluŋgit en kəwə suwa, kətewik wəlet a meti. Polkoyo nok gəsi sa?

Ezekiyel 16:61

Wakəɗɗumon ədaw noko, wil wadukun pay kədawtef milmiŋgiɗuk muguluŋgit daya nok dit en sawãɗe noko; wanipsuk ka kirtuk muguluŋgiti, məza ətoŋ addəv wənmiyna naw is ɓa.

Ezekiyel 16:63

Vi kəɗɗumongən an dətoŋgu, wil dədukungəni, mok adawkol ɓa sən ərba wil nok pay nədavvuyon suk an kəgəɗ pakə, Daya Yawe aɗiymani.»

Hose'a 10:6

Nan van pak kawkani a Asiri ka əvəl sən məlĩ Yareb. Efrayim waslet wil akani, wil wadannən Israyel aka wən na keket nan an azbə.

Hose'a 2:8

Vini, nədamsan tive nat dit gedirgeɗi, wanəmpa mambara, tərəh na batamət əmpa ɓa.

Hose'a 9:10

Va megezlembirke awra nərəh Israyel, va mədəvərziyo na sokoyo, də wətəŋ nan nulek efiŋgiɗkum. Səza agapaŋ a Ba'al-Pe'or, appannək ki zit sit ərba wili, akkpaŋgaŋ daryawɗe va zəga an aŋglaŋgə.