Yeremiya 3:22 - Bible en Guidar

²² «Məmil azawa, kirin kiyɓəɓəlɗe, wanəmbəlgukum səka ma sula sula nokum!» «Mənam yakəŋkə, midek azoko, vi istə Yawe, Maŋgəlva namə.»

Yeremiya 3:22 ပူးပေါင်းရင်းမြစ်များ

Gəlya net Gəlyaɗe 1:4

Arma vawa, anzamsəmə. Məlĩ tay ətoŋgu a giziŋ nani: «Makram dəvoŋgu, zəm dənek viko» məgagdakan səm ərreɗ nok məzə ənneken zə ɗəf day ki mbazla. Təsiy kirin muguluŋgit aŋglukəni!

Isaya 1:2

Disiŋ, aprəma! Dəlvafuŋ, apak sləmoko, ha'aw Yawe dəpeli: Nəɓaygitik kirni akkpaŋgaŋgək ɗiy gugriɗe yas net aɓoŋgoŋ akawa.

Isaya 27:8

Atawək wən aket də əɓɓihti, də əgilgiti. Aɓɓehik də səmyã nan kituw-kituw pay səmyã nammba pay nampum adaɓla.

Isaya 31:6

Məmndoŋ aza ɗəf məs kuktuhun dəɓokum səni mə Israyelɗe.

Isaya 57:17

Vi heslepe na əsim zəga nani yi nədə gədəva. Addəv ədagədəv nawa nərbəsənəka maw tay aka ulan ɓa aɓɓəlanək kini, agəmək tive məs aŋgələ.

Yeremiya 3:12

Dok əpel wənəŋ aka dələv na kəla disiŋ kənahgən na: Amili Israyel məs man sula sula, Yawe aɗiymani. Wanətok haraw akok ɓa, vi ɗəf təstəs nani, narma wən a makraw faɗ ɓa, Yawe aɗiymani.

Yeremiya 30:17

Də adanzlaŋ vaŋvəl na: Siyon məzgani yi ɗəf tay məzukayan ɓa zlaŋ na, wanəɗɗa huweɗ nok dərmanəngən hereti, wanənzeɗ huweɗ noko Yawe aɗiymani.

Yeremiya 31:18

Əprəm nəprəm Efrayim əɓuh man na: Kəzgasuwəka, nətafək əzga' van va wasli məyagani ənse ɓa. Amndagawa, wanəmndawa vi istə Yawe Maŋgəlva nawa.

Yeremiya 33:6

Wanənzaɗa, əmbilgit nədawmbəlgiti, wanəkolsit tive na zəzay metiŋgin nassa fedeŋgi.

Yeremiya 4:1

Israyel, an is tat əmilyok na, azaw kədawmilyeko Yawe aɗiymani. An kəzargitik zəgeɗ daryawɗe nok səma harawa, an kəsok slorslor ɓa,

Ezekiyel 18:30

Vini ɗəf pak aza ədaw nan nədawtawwən akani, ɗiy na Israyel, Daya Yawe aɗiymani. Məmndoŋ məmil səka wəɓoŋ nokum pakə, vi zəga nawtoŋgukum addəv heslepe adawsan ɓa.

Ezekiyel 33:11

Anah sit na: Va nəsaw madarawa Daya Yawe aɗiymani, nəŋgəl məsdaraw əmta ɓa, neŋgəl na məsdaraw dəmilgin səka ədaw nani, dəsangən madaran dərəŋgə! Məmili, məmil səket tiveɗ nokum mbəreytiŋki: Viymi kədamtaŋ di mə Israyelɗe?

Hose'a 13:4

Intə, Yawe Maŋgəlva nok far səka dələv na Eziptə, Maŋgəlva tay kədawsən abbəru ɓa, məzukõh mbərən tay an intə ɓa ɓa,

Hose'a 14:1

Samari araygənəka, vi aɓoŋguk aka Maŋgəlva nani: kawbeyti ɗiy nan də masalam, kaŋkinti kirtin na met bide, gil nan də daweyɗe kawbekti.

Hose'a 14:4

Asiri aɓap na kawkõhgəm ɓa, məpeŋ na aka pələs ɓa gəm wamənah əmpa na “Maŋgəlva namə” sən an məgəɗ də vam ɓa, vi azoki mitiwe adawrəh ula sasãh kaka'ə!»

Hose'a 14:5

Wanənzeɗ səka əskot neti, wanəŋgliw də makraw taka: ədagədəv naw azarək səketi,

Hose'a 14:8

En dəssoŋ də gəla ara zeŋgilen wamndoŋgu, wenseŋ haykəmari, waffiyoŋ va megezlembirke, sləmet wagil va mbazla na Liban.

Hose'a 3:5

Dərɓaga asna, mə Israyelɗe wamndoŋ wakayanən Yawe Maŋgəlva neti, gəm Davit məlĩ neti. Abe na, wakkpaŋgaŋ də əkker aza Yawe də moggon nani.

Yo'el 2:12

Yawe aɗiyman na, təŋ səza kakaŋka, məmndoŋ məde azaw də mokrokum paparə də wəɗɗa meme, də wəhəma, də əɓuh mokum.

Zakarya 13:9

Wanətoŋgən taka naret hokuŋ dəka offo, wanəhəs va adawhəsaŋ təbəz babara, wanəsla va adawslaŋ meleŋge. Nan waya iya nawa, wanəprəm səni. Wanənah na: «Ɗiy nawəŋgə», net tam wanahaŋ na: «Yawe yi Maŋgəlva nawa.»