Yeremiya 3:18 - Bible en Guidar

¹⁸ Pay nan dəpaska, ɗiy na Yuda wasapaŋ azet ɗiy na Israyel, wamilyoŋ matak səka dələv na disiŋ aka dələv məs nəpsit efiŋgiɗkum ka neti.

Yeremiya 3:18 ပူးပေါင်းရင်းမြစ်များ

Va'Atəŋ 12:7

Yawe arbanək zən aza Abram, amna: «Sən mazlalwõkiy nədapsən dəlvəŋka»; adak arkə təki nawzaɓ-Maŋgəlva sən Yawe dərban zən azanəŋka.

Isaya 43:5

Kəgeslne ɓa, vi in tat də isi, wanəmilgit kirtuk hã səmmba pay nampum, wanəkkelet ɗiy nok hã səmmba pay na moskoyo.

Isaya 43:6

Wanənah sən tapaslay pay na disiŋ na: dəppetgin ədda, sən dohoŋ na: Kətek ɓa. Məmilgit kirtu mezeŋgleket hã sə faraɗa, kirtu muguluŋgit sə təki dələv abaymani;

Yeremiya 16:15

Kawnəhi dərəŋ na, də iya na Yawe madaran məs dəmilgit mə Israyelɗe səka dələv na kəla disiŋ gəm səket dilveŋge məs aɓɓehet adak pakə, wanəmndeget aka dələv net məs nəpsit efiŋgiɗti.

Yeremiya 23:8

Ya dərəŋ na: Də Yawe madaran məs dəpeŋgit gəm dəmndeget kirtit mə Israyelɗe səka dələv na kəla disiŋ gəm səket dəlveŋge məs arɓeh adak ka dəssoŋgən aka dələv neti.

Yeremiya 3:12

Dok əpel wənəŋ aka dələv na kəla disiŋ kənahgən na: Amili Israyel məs man sula sula, Yawe aɗiymani. Wanətok haraw akok ɓa, vi ɗəf təstəs nani, narma wən a makraw faɗ ɓa, Yawe aɗiymani.

Yeremiya 30:3

Vi pay yaŋ əzzani, Yawe aɗimani. Wanəzaɓan wən net ɗiy naw mə Israyelɗe dit mə Yudeɗi Yawe anahə. Wanəmilgit aka dələv məs nəpsit efiŋgiɗti, wagəmnən ka neti.

Yeremiya 31:8

In yakəŋ əkiyit səka dələv na kəla disiŋ wanəkkelet hã səket meŋge na dəlva. Aweleŋti, deŋgerɗe, vədalɗe, gil en də daway dit en məɓayaŋ uwa sapə vanday metiŋgin dədawmilyen aŋka.

Yeremiya 50:20

Əvoŋ nan aka pay dəpaska, Yawe aɗiymani: Kawkayani heslepe na Israyel ya kawrahi ɓa, gəm mambray na Yuda, zəga tay mərəhən ɓa. Vi wanəvvuyoŋ sən ɗəf an nədambra pakə.

Yeremiya 50:4

Əvoŋ nan aka pay dəpaska Yawe aɗiymani: Mə Israyelɗe dit mə Yudeɗ wazzoŋ matakə wadawaŋ də əhəma, wakayanən Yawe Maŋgəlva neti.

Yeremiya 50:5

Wassohõnən tive naddo a Siyon, wazinən heret dədaka. Wasapaŋ aza Yawe də wənmiyna an faɗ nazgəti kiyən ɓa.

Yeremiya 7:7

Asna wanəppokum kəssoŋgən a təkiyəŋka, dələv məs nəpsit efiŋgiɗkum na sete hã faɗəŋka.

Ezekiyel 11:17

Vini, anah na: Vaŋ Daya Yawe anahə: Wanəkkolokum sə weleŋgit ɗiyi, wanəsapokum səket dəlveŋge məs nətəraygukum aketi; wanəpsukum dələv na Israyel.

Hose'a 2:2

Mə Yudeɗ dit mə Israyelɗe wakkalaŋ sapə, waɗiyaŋ ɗəf taka aketi, wazəmən dələv vani. Vi pay na Yizrel wasan metiŋgini.

Amos 9:15

Wanəzi aka dələv an nawray veti. Ɗəf tay narɓehet əmpa səka dələv məs nəpsitiŋ ɓa. Yawe Maŋgəlva nok anahə.»

Zakarya 10:6

Wanəɓɓəlet ɗiy na Yuda, wanəkõhgən gəla na Yosef. Wanəzi də gəla, vi wanula sasẽhti, wassoŋ va nəzget ɗah ɓa, vi Yawe Maŋgəlva net nani, wanəzlan a meti.

Zakarya 2:6

Nəssõhon na: «Aŋga kədaddok di?» Yaŋ aɓsu na: «Əsla Yerusalem, kawla zezek nan də slosloprok nan gbaŋgbari di?»