Yeremiya 3:17 - Bible en Guidar

¹⁷ Pay nan dəpaska, Yerusalem adawyaŋ na mazaŋga na məlĩ na Yawe. Ɗiy-ɗar pak wakkalaŋ vi iya na Yawe a Yerusalem, azbanən na makra ɓəɓəl net mbəraynəŋ əmpa ɓa.

Yeremiya 3:17 ပူးပေါင်းရင်းမြစ်များ

Va'Atəŋ 8:21

Yawe affokuk məŋgənən hõyu, Yawe anah a makran na: «Nəzban na əraygən dəlvafuŋ ɗah aka batam ɗəf titir əmpa ɓa. Nəsənək na, əɗɗum na makra ɗəf titir pak, aka mbərayni far səka sawãni, səni yi nəzan na ɗah zəga madaran va nəgəɗəŋ əmpa ɓa.

1Milyeŋge 8:41

Molhõyõ dayday, məza ɗəf naret ɗiy nok na Israyel ɓa zlaŋ, an adek sə guw faraɗa vi iya noko

Gəlyaɗe 102:23

pay ɗiy adakkalaŋ sap dit milyeŋge kawgəɗ sən wəza sən Yawe.

Gəlyaɗe 78:8

adassoŋ va efiŋgiɗit ɓa, sayit ɗiy məɓoŋti gəm mətemti, sayit məs mekret awziw ɓa, məsmaɗɗulet tay aka Maŋgəlva ɓa.

Gəlyaɗe 87:3

Zəgeɗ gagdakɗe məpelit akoko, walaŋgəla-metiŋ na Maŋgəlva! Əziwe

Isaya 26:8

Gegesiŋ aka tive an ətawwən nok antarə, akoki məɗi əɗɗum namə Yawe. Əya iya noko, əɗɗum akoko, ndəni an ɗəf aŋgələ.

Isaya 56:6

Molhõyẽɗ məs dəsapaŋ aza Daya vi kawgəɗ sən wəza, məs dəŋgluwən iya na Yawe vi kasso məgəɗ sənən wəza, naway di pak məs dərma pay naffet məza əraygən ɓa gəm məs dəziweŋ aka wənmiyna nawa,

Isaya 59:19

Asna kawgeslne səni iya na Yawe hã səmmba pay na moskoyo, hã səmmba pay nampum tamə gagdak nani, vi an məzuzel adek va məlpa məknahən əmpəs na Yawe wafu' gabbani.

Isaya 6:1

Aka əzva məlĩ Oziyas amtə, nulak Daya addəv ula tay ɗewwe aka mazaŋga məɓayən məɗiyən na məlyã, gabba lukut nan aknahək gəla-na-Maŋgəlva.

Isaya 66:1

Vaŋ Yawe anahə: Disiŋgi mazaŋga na məlĩ nawa, dəlvafuŋ tamə təki nawɗi təlwa. Gəla mi kədarkaŋ suwən di? Təki mi gala naffet naw di?

Isaya 66:18

Nəsənək wəza gəm əɗɗum neti, pay naw agapək nakkelet mahəlfa net ɗiy pakə. An azzoŋko, wawlanən gagdak nawa.

Isaya 66:20

Wakinin milmiŋgiɗkum səweleŋgit ɗiy-ɗar pak va əvəl sən Yawe, aket pilseŋge, mawteŋɗe net pilseŋge gəm mawteŋɗe nawgaya, aket koropilseŋge gəm zlogomeɗ a Yerusalem aka mossorgo salala nawa, va mə Israyelɗe adawkiyaŋ əvəl na zəga nawzəm addəv gəla na Yawe dit hiliŋgiɗ salala, Yawe anahə.

Yeremiya 11:8

Ya dəprəmaŋ ɓa, dəpakən sləmet ɓa, naway pak azbanək əɓɓəlan kiyni. Ndəni nəɗɗa əpel naddəv wənmiynaŋ pak aketi, məs nəɗi sit wən nan dəɗɗanəngəni ya dəɗɗanən ɓa.

Yeremiya 12:15

Sədərɓaga an niptiwik na, wanəmsak ula sasẽhti, wanəmndegeti, ɗəf pak aka va nani, ɗəf pak aka dələv nani.

Yeremiya 12:16

An iyak ayaganən ədaw net ɗiy naw kasway də iya naw na: «Də Yawe madarani!» Va ayagan sitin ɗiy naw əsway də ba'al asna wassoŋ də gəla a waleŋgit ɗiy nawa.

Yeremiya 14:21

Vi iya noko, kəzgam ɓa, kədawla gagdak na mazaŋga na məlĩ nok va zəga ɗar ɓa. Aɗɗumon na is tat ərsla wənmiyna nok də mənamə ɓa.

Yeremiya 16:12

Nokum tamə kəɗɗaŋgək mambray day kiy an net efiŋgiɗkum; Naway pak tay əzban an makra ɓəɓəl daryaw aŋgələ, məza əprəm maw ɓa.

Yeremiya 16:19

Yawe istə gbogboŋ nawa, təki nawzeŋ nawa, təki nawɗam naw aka pay na tatwãha. Azoki ɗiy-ɗar adazzoŋ hã səket meŋge na dəlva. Wanahaŋ na: Uwawəni kaka' efiŋgiɗim armaŋgə awziweŋ aka wən taka ɓa tay an nawtər wəray azet ɓa.

Yeremiya 17:12

Gəla salala nami yi mazaŋga na məlĩ an gagdak məɓayəŋ də ətəŋ nani!

Yeremiya 18:12

Ya tay ənahaŋ na: Gabban tay ɓa, əɗɗum nam mədazba. Ɗəf pak wasan addəv ki ɓəɓəl nani, mbərayən mədaɗɗa.

Yeremiya 3:19

Naw nənahək na: Nəŋgəl kəta na kəssoŋgən temme səret kirtuwa, kapsuk dələv moggoni, təki an lalaw day səka dəlva. Nənahək na wakəyu əbba, kəmil na səzaw əmpa ɓa.

Yeremiya 31:23

An Yawe Məzuɓappak Maŋgəlva na Israyel anah yaŋka: Pay nədawzaɓan əssa neti, wapelin əpeləŋ aka dələv na Yuda gəm addivit walaŋgəleɗe gugriɗ nan əmpa na: Kəta Yawe dəzoɓoko, Təki na təstəsə mossorgo metiŋ na salala.

Yeremiya 33:9

Wakkpaŋ azaw iya na ənnek də əɗi kiya, ka zəga na gawla azet ɗiy naka dəlvafuŋ məs dədapprəmnən moggon an nəgəɗ sitiŋ pakə. Wakkereŋgi, wassoŋ gərəŋ aka wən na moggoni gəm aka wən na zazay məs nəgəɗ sit gbaŋkəŋka.

Yeremiya 4:2

an kəswayək na, Yawe madarani addəv gegesiŋ, addəv ətawwəna gəm addəv təstəsə, asna ɗiy-ɗar pak warahaŋ əzaɓ də iya nani gəm wakaɓaŋ addəvən.

Yeremiya 7:24

Ya dəprəmən ɓa, dəpakən sləmet ɓa. Azbanənək əɗɗum na makra ɓəɓəl net mbərayən, aktuhunək dəɓet suwa məza heret aziyaŋ akaw ɓa.

Yeremiya 9:14

Vi vaski Yawe Məzuɓappak Maŋgəlva na Israyel anah vaŋka: Wanəzəmgit ɗiyin də ndərzla, wanəpsit iŋkile də muhun areti.

Ezekiyel 1:26

Disiŋ ki təki berŋgeŋge naket naka, zəga tay va gərəm na sləma titire, vit va mazaŋga na məlyã; disiŋ ki zəga va mazaŋga na məlĩ vanəs na, zəga tay va ɗəf akan a disiŋ.

Ezekiyel 43:7

Aɓsu na: Wətən ɗəfa, aŋki gəla mazaŋga nawa, təki nawɗi təlwa məs nədawsaw aŋ awaleŋgit mə Israyelɗe faɗə. Mə Israyelɗe arnokonən na iya naw salalaŋ ɗah əmpa ɓa, ndəɗaŋ ɓa, milyeŋge net də əɗɗa polkoyo net ɓa, may də ki gəbeyit milyeŋge net məndəkit addivit gəleɗe-nettuyeŋge net ɓa.

Ezekiyel 48:35

Tərwəsl pakə: kilo metər vaytakə. «Təŋ səza dəpaska, iya na walaŋgəla-metiŋ van dəsangən na: Yawe tay aŋka.»

Zakarya 2:11

Haya! Siyon, akõhgən kiyko, is məs kəsok də gəla a Babilon əŋka.

Zakarya 8:8

Wanəmilgiti, wassoŋ də gəla a Yerusalem. Wassoŋ ɗiy nawa, wanəsaw Maŋgəlva net də gegesiŋ gəm də təstəsə.

Əŋɗa 15:39

Kəguloŋgən lukutɗe də moksoyɗe azet kana, pay kədawlenin moksoyɗe vet na, wakəɗɗumonən əpel na ənziya an Yawe aɗi naɗɗa, wakəɗɗaŋ wəza dənɗaŋ. Vasna, kəppanən kizukum ətoŋ addəv matuya sən ərak na mokrokum may əsim zəga nawtoŋgukum addəv əɗɗa mambray ɓa.

Roma 1:21

Vi asənənək Maŋgəlva ya dəgagdakanən va Maŋgəlva ɓa, dəfeteŋ akan ɓa. Yaŋ akkpaŋgaŋ ɗar addəv əɗɗum neti, mekret məs aprəm gabba zəga ɓaŋ kpaŋ guzliyo.

Roma 6:14

Mambray azəm na məlĩ akokum əmpa ɓa, vi ammba gagadak na mahenziŋ kənanən ɓa, ya ammba mbəlembəle yi.

Galatiyen 4:26

Ya Yerusalem an na disiŋ, balamək təɓa, ndəttə mamə.

Mətawaŋwəna 2:19

Ya an mətaw wən amtəka, ndəɗaŋ əmsak əɗɗaŋ mambray daykiyit efiŋgiɗti, əzbetin meŋgilveɗ meɓɓeti, əɗɗaŋ sitin wəza may əppu'oŋ abeti; tay adappaŋ səza zəga naɗɗa neti may səza ədaw na kiɓəɓəl net ɓa.