Yeremiya 3:14 - Bible en Guidar

¹⁴ Məmili, kirin kiyɓəɓəlɗe, Yawe aɗiymani, vi intə afukum! Wanəgəm taka səmbokum sə walaŋgəla-metiŋ pakə, sula səddəv mahəlfa, wanəkikum a Siyon.

Yeremiya 3:14 ပူးပေါင်းရင်းမြစ်များ

2Alabaraɗe Də Mabərkiziti 30:6

Maslənɗe abbalanənək dələv na Israyel də Yuda, dit ɗerewelɗe məverit məs məlĩ dit ɗiy gugriɗ naban nek avereŋ va məlĩ aɗi wən nan də ənəh na: «Mənokum kirtin Israyel, məmil aza Yawe Maŋgəlva na Abraham, na Isak gəm na Israyel; wamil azokum mənokum məs kəmbraŋ kəkohoŋ səmmba va məlĩ na Asiri kəŋkə.

Isaya 1:9

Va Yawe Məzuɓappak dəpəl səm ɗiy en dəndəwəɗaŋ ɓa na, kəta məkkpaŋgək va Sodom, kəta waməgil va Gomorra.

Isaya 10:22

Israyel, an ɗiy nok anzləraŋgək va hoyoŋko a məlpa zlaŋgə, en dəndəwəɗaŋ kaka dədawmilyoŋ azani. Əza tay məzaɓan gərak narban təstəsə.

Isaya 17:6

Əffek dəpəl ananda va pay naslba uwa net heremeɗ də əzləmbirit də zleŋge: uwa sula awaniɓa hoku səka wəlaŋga gəm poɗo awaniɓa sle' səka kivani. Aski an Daya Maŋgəlva net mə Israyelɗe aɗiymani.

Isaya 27:12

Pay dəpaska, Yawe warga hay nani, təŋ sə ma məlpa metiŋ hã gap a lolohõ na Eziptə. Ya waŋgbukum takataka, mənokum, mə Israyelɗe.

Isaya 31:6

Məmndoŋ aza ɗəf məs kuktuhun dəɓokum səni mə Israyelɗe.

Isaya 44:22

Wanəvvuyon əɓoŋ nokum va slaybuwna. Mambray nok va maŋglavay, məmil azawa, vi nəkõhgukumko.

Isaya 54:5

Vi məs dəɗɗuk ndəni zilko, Yawe Məzuɓappaki iya nani. Məzukõhguko, ndəni Salala na Israyel, dawyanən na Maŋgəlva na dələv pakə.

Isaya 55:7

Məsdaraw dəppan tive nani, məs mambray dəppan əɗɗum nani, dəmil aza Yawe, nan wawəlsahã akani, aza Maŋgəlva namə, vi muvvuy mambrayi sawɓa.

Isaya 57:17

Vi heslepe na əsim zəga nani yi nədə gədəva. Addəv ədagədəv nawa nərbəsənəka maw tay aka ulan ɓa aɓɓəlanək kini, agəmək tive məs aŋgələ.

Isaya 6:13

An taka dayday səret ɗiy kəlaw en dəssoŋ adak apəlka, wazlə aka offo. Va Korvoŋ gəm va terebentə məbilti məs gebbet dəmbərə, Gabban van hara na zeŋve salala yi.

Yeremiya 2:19

Mambray nok dəzga suko, kəta əppan Maŋgəlva dəkisuk əzga'a! Vasna asəna kulagən na wəzgan Yawe Maŋgəlva nok gəm wəgeslne sən tay ɓa na, wən nan təraŋhi, mbərayni, Yawe Maŋgəlva Məzuɓappak aɗiymani.

Yeremiya 2:2

Doko, kəpelgən a sləmet ɗiy na Yerusalem də wənah na: Vaŋ Yawe anahə: In tat əɗɗumon moggon nok aka kəsok gore. Aka əŋgla na gəre noko! Gala kədazbaw a kapta-muyã, aka dələv məza guli adak ɓa.

Yeremiya 23:3

Naw wanəkkelet gilew naw an dəppaŋ səket dəlveŋge məs nətreyet adak pakə. Wanəmilgit a təki nawtaɗ neti, wawanən kiyti, wanzləraŋgə.

Yeremiya 29:14

Wanəppan zu kərəhwəngəni Yawe aɗiymani, wanəzaɓan wən nokum gəm wanəkkolokum səket dəlveŋge də sə təki temtem məs nərɓokum adakəŋ pakə Yawe aɗiymani, wanəmndogokum a təki məs nəsimgukum sədaka.

Yeremiya 3:1

Yawe aɗiyman na: An ɗəf appatək guluk nani yas təgili təkkpaŋ ga ɗəf mbərni, wamsak əgəmət ka gon əmpa sa? As waraygən dələv tipi. Mbaraka nok na, kəgəɗək əku dit gəreŋgiɗuk diyɗa, kawmilyok anawda sa?

Yeremiya 3:12

Dok əpel wənəŋ aka dələv na kəla disiŋ kənahgən na: Amili Israyel məs man sula sula, Yawe aɗiymani. Wanətok haraw akok ɓa, vi ɗəf təstəs nani, narma wən a makraw faɗ ɓa, Yawe aɗiymani.

Yeremiya 3:8

Nulak va nəzgan Israyel məppan Maŋgəlva, va nuɗak dəndən dapsən ɗerewel nawɗaka vi agəɗ polkoyo. Də as pak na Yuda məgəɗ mbərayən məlmən dəgeslne ɓa. Ambatək əɗɗa polkoyo tamə.

Yeremiya 31:12

Wamilyoŋ də əŋzla vaŋvəl sən ənnek aket mossorgoɗe na Siyon; wazzoŋ zletete aka zəga na va Yawe: Haykəmari, mbazla na meketepe, mẽl məɗotun kakaŋka, gilewi gəm wasliɗe. Wassoŋ va guli net wəleŋɗe məpsən iŋkile; azəmaŋ na sãhã əmpa ɓa.

Yeremiya 31:32

Asan na va wənmiyna nəziwgin dit efiŋgiɗit aka pay nərme aza vet kawgilgit səka dələv na Eziptə ɓa, net araygənənək wənmiyna nawa, də nəsaw daya net zlaŋ Yawe aɗiymani.

Yeremiya 31:6

Vi Pay wade məs məgaɗe adanzlaŋ vaŋvəl aket mossorgo metiŋ na Efrayim: Misil məpeŋgən a Siyon aza Yawe Maŋgəlva namə.

Hose'a 5:15

Wanəmbatə, wanəmndaw agəlawa, hã gap dəsənəngən na araygənənka, addəv əzəmsahã net na dəkayawəngəni dəkkpaŋgaŋgən azawa.

Zakarya 1:4

Kədassoŋ va efiŋgiɗkum en məskəleŋɗe maddaabəŋ adawyetin lahəŋ də wənahaŋ na: “An Yawe Məzuɓappak adawnəh yaŋka: Məmili, məppan tive nokum mbərayən də wəza nokum mbəraynəŋka,” ya dəprəmaŋ ɓa, dəzgaŋ sləma akaw ɓa, Yawe aɗiymani.

Roma 9:27

Isaya apelik aka wən net mə Israyelɗe na: An əŋɗa net məs Israyelɗe asanək va hoyoŋko a pehe zlaŋ, en məs dəmbraŋ nawkõhoŋgu.