Yeremiya 3:12 - Bible en Guidar

¹² Dok əpel wənəŋ aka dələv na kəla disiŋ kənahgən na: Amili Israyel məs man sula sula, Yawe aɗiymani. Wanətok haraw akok ɓa, vi ɗəf təstəs nani, narma wən a makraw faɗ ɓa, Yawe aɗiymani.

Yeremiya 3:12 ပူးပေါင်းရင်းမြစ်များ

Va'Atəŋ 4:7

An moggon kəgəɗ na, wakəsilgin kiyko. Ya an moggon kəgəɗ ɓa na, mambray tay a maddambok ɗuffo, man aka əska wəloko. Dəɗah nok, aska wəlani.»

2Milyeŋge 15:29

Aka pay na Peka, məlĩ na Israyel na, Tiglat-Pileser, məlĩ na Asiri, adek əmõh Iyon, Abel-Bet-Ma'aka, Yano'a, Kedes, Hasor, Galad, Galile, gəm dələv na Neftali baymani; asimgit ake a Asiri.

2Milyeŋge 17:23

Hã gap Yawe arɓehet səban va anah də met məɗɗaŋ wəza nan məskəleŋɗe. Məketiŋ mə Israyelɗe səka dələv net faraɗa a Asiri hã gap pay dəpaŋka.

2Milyeŋge 17:6

Aka wəzva mavaytakan na Hose'a aka məlĩ yi, məlĩ na Asiri amõh Samari, ake mə Israyelɗe a Asiri. Azi aka va na Hala, aka va na Gozan, dədaki məlpa Habor adawtoŋgo, gəm a walaŋgəleɗe gugriɗ na Mediya.

2Milyeŋge 18:1

Aka wəzva mohokon na Hose'a wətən Ela aka məlĩ na Israyel, Hizkiya wətən Akaz məlĩ na Yuda, akkpaŋ məlyã.

2Alabaraɗe Də Mabərkiziti 29:10

Gəgaŋ na, maw aka inan wənmiyna də Yawe Maŋgəlva na Israyel, vi henzil offo nawda gədəv nan dəkkpaŋgən səkamə.

2Alabaraɗe Də Mabərkiziti 30:9

Vi an kəmulyoŋguk aza Yawe na, milmiŋgiɗkum dit kirtukum warəhaŋ ula sahã səzet ɗiy en dəkenin aka balam, wamulyoŋ aka dəlvəŋka. Vi Yawe Maŋgəlva nokum tay də mbəlembəle gəm ulasahã, akkpaŋgan na haran səkokum an kəmulyoŋguk azan ɓa.»

Gəlyaɗe 103:17

Ya moggon na Yawe, farfari, wasan hã faɗə. Tay aket en dədawgeslne'eŋ sənəni, təstəs nan sit kirtit kirtiti yi,

Gəlyaɗe 103:8

Yawe muwəl sasãhĩ, məgəɗ mbəlembəle, awdagədəv go' ɓa, məgəɗ moggoni diyɗa.

Gəlyaɗe 103:9

Azban əraygən sit ɗiy ɓa, arma wən a makran ka faɗ ɓa.

Gəlyaɗe 145:8

Yawe məgəɗ mbəlembəle yi, muwəl sasãhĩ, awdagədəv go' ɓa, moggon nan man awsla ɓa.

Gəlyaɗe 79:5

Yawe, wədagədəv nok akam faɗəŋ aŋga adawbay man, də kotorok məzuzla va offo əŋdi?

Gəlyaɗe 86:15

Ya Daya Maŋgəlva na, muwəl sasãhĩ, məgəɗ mbəlembəle, awdagədəv go' ɓa, məgəɗ moggoni gəm gegesiŋ diyɗa yi,

Gəlyaɗe 86:5

Daya, vi istə moggoko, məvvuyon mambraya, moggon nok diyɗay aket məzuyukuni,

Wənməkkpaŋga 28:13

Dəɗaman mambray nan na, ahhar na ammban ɓa; ya an dəɗi marava dəppan gabbani, warah ulasahã.

Isaya 31:6

Məmndoŋ aza ɗəf məs kuktuhun dəɓokum səni mə Israyelɗe.

Isaya 44:22

Wanəvvuyon əɓoŋ nokum va slaybuwna. Mambray nok va maŋglavay, məmil azawa, vi nəkõhgukumko.

Yeremiya 11:6

Yawe anah suwək əmpa na: Aslan wəlok a walaŋgəleɗe gugriɗ na Yuda gəm aket tiveɗ na Yerusalem apel əpeləŋ də ənəh na: Məprəm əpel na wənmiynaŋka, vi kəɗɗaŋgən wəza dəndən.

Yeremiya 12:15

Sədərɓaga an niptiwik na, wanəmsak ula sasẽhti, wanəmndegeti, ɗəf pak aka va nani, ɗəf pak aka dələv nani.

Yeremiya 23:8

Ya dərəŋ na: Də Yawe madaran məs dəpeŋgit gəm dəmndeget kirtit mə Israyelɗe səka dələv na kəla disiŋ gəm səket dəlveŋge məs arɓeh adak ka dəssoŋgən aka dələv neti.

Yeremiya 3:1

Yawe aɗiyman na: An ɗəf appatək guluk nani yas təgili təkkpaŋ ga ɗəf mbərni, wamsak əgəmət ka gon əmpa sa? As waraygən dələv tipi. Mbaraka nok na, kəgəɗək əku dit gəreŋgiɗuk diyɗa, kawmilyok anawda sa?

Yeremiya 3:14

Məmili, kirin kiyɓəɓəlɗe, Yawe aɗiymani, vi intə afukum! Wanəgəm taka səmbokum sə walaŋgəla-metiŋ pakə, sula səddəv mahəlfa, wanəkikum a Siyon.

Yeremiya 3:18

Pay nan dəpaska, ɗiy na Yuda wasapaŋ azet ɗiy na Israyel, wamilyoŋ matak səka dələv na disiŋ aka dələv məs nəpsit efiŋgiɗkum ka neti.

Yeremiya 3:22

«Məmil azawa, kirin kiyɓəɓəlɗe, wanəmbəlgukum səka ma sula sula nokum!» «Mənam yakəŋkə, midek azoko, vi istə Yawe, Maŋgəlva namə.»

Yeremiya 3:5

Wakərma ədagədəv nok akaw faɗ sa? Wakərmu a mokrok sa?» Vas kədawpele, ya kəzbanək əɗɗa mambrayə!

Yeremiya 3:7

Naw nəmna, dərɓaga aɗɗa as pak na wamil azaw soko. Ya dəmil ɓa. Yuda hinzere məlmən awlaka.

Yeremiya 30:11

In tat də is vi kawkõhguko Yawe aɗiymani; pay nədawki əza aket dəlveŋge en nətraygukum adak pak na, istə kaka' məs nəzok na ɓa. Wanəzga suk va an dəslə nuluk na va ɗəf məs də mezlibezlibe na man ɓa!

Yeremiya 31:20

Efrayim, wətu an na makrawi sa? Wətu an nəŋgəl dayi hara nəpelgən akan nəɗɗum əɗɗum akan əmpa sa? Vini makraw adaɗɗa birbir vini, ulasãh na, nulak sasãhni. Yawe aɗiymani.

Yeremiya 31:21

Ampə zəga narban tive noko aɗi meŋge; aɗi mokrok aka tive kədadawa, amili Israyel, amil addivit walaŋgəleɗe gugriɗ nokəŋki.

Yeremiya 31:8

In yakəŋ əkiyit səka dələv na kəla disiŋ wanəkkelet hã səket meŋge na dəlva. Aweleŋti, deŋgerɗe, vədalɗe, gil en də daway dit en məɓayaŋ uwa sapə vanday metiŋgin dədawmilyen aŋka.

Yeremiya 33:26

asna wanəndol zev Yakub də Davit gawla nawa, məza əgəm ɗiy nassoŋ aka mahəlfa na Abraham, na Isak gəm yakob səddəv mahəlfa nan ɓa sa? Vi wanəzaɓan wən neti, wanəwəl sahã aketi.

Yeremiya 4:1

Israyel, an is tat əmilyok na, azaw kədawmilyeko Yawe aɗiymani. An kəzargitik zəgeɗ daryawɗe nok səma harawa, an kəsok slorslor ɓa,

Əɓuhma 3:22

Ulasãhã na Yawe dəgrak ɓa, ula-əzəmsãhã nan dəbayman ɓa.

Ezekiyel 11:17

Vini, anah na: Vaŋ Daya Yawe anahə: Wanəkkolokum sə weleŋgit ɗiyi, wanəsapokum səket dəlveŋge məs nətəraygukum aketi; wanəpsukum dələv na Israyel.

Ezekiyel 33:11

Anah sit na: Va nəsaw madarawa Daya Yawe aɗiymani, nəŋgəl məsdaraw əmta ɓa, neŋgəl na məsdaraw dəmilgin səka ədaw nani, dəsangən madaran dərəŋgə! Məmili, məmil səket tiveɗ nokum mbəreytiŋki: Viymi kədamtaŋ di mə Israyelɗe?

Ezekiyel 39:25

Vini yi, an Daya Yawe anah yaŋka: Kakaŋ wanəzaɓan wən na Yakob, wanəwəl sãhã aket mə Israyelɗe baymeti, wanərban kotorok vi iya naw salala.

Hose'a 6:1

«Mide, məmndamsəm aza Yawe, vi ndəni dəbakamə, ya wanzaɗmə, argəməka ya waynan səm huwweɗ namə.

Məsdəlveŋge 26:40

Ya waɗiyaŋ marava aka mambray net də an net migilti, də wənah na aɗɗaŋgək vurum azawa, argaŋgək makra də ina.

Zakarya 1:4

Kədassoŋ va efiŋgiɗkum en məskəleŋɗe maddaabəŋ adawyetin lahəŋ də wənahaŋ na: “An Yawe Məzuɓappak adawnəh yaŋka: Məmili, məppan tive nokum mbərayən də wəza nokum mbəraynəŋka,” ya dəprəmaŋ ɓa, dəzgaŋ sləma akaw ɓa, Yawe aɗiymani.

Əmsak aka Mahenziŋ 30:2

wakəmndok ammba təl Yawe Maŋgəlva noko, wakəprəm man va nəɗi suk wən nan dəpaŋka, is dit kirtuko, də mokrok pakə, megenegenok pakə.