Yeremiya 28:9 - Bible en Guidar

⁹ Məskəleŋ dəgəɗ kəleŋ na zazaya, an agəɗək va əpel nani asna kawsənni na Yawe dəslən gesiŋ.

Yeremiya 28:9 ပူးပေါင်းရင်းမြစ်များ

Isaya 44:26

Nəziwik aka əpel na gawla nawa, nəɗɗak an maslənɗe naw aɗɗumongu. Nənahək na Yerusalem na: Waknah dit ɗiyi. Walaŋgəleɗe gugriɗ na Yuda na: karketi yi. Kawsilgini əɓzla nani.

Yeremiya 14:13

Yaŋ nəzlan na: Aw! Daya Yawe nawa, məskəleŋɗe yeŋ ənah sitin na: Masalam ane'kum na ɓa, may ɓa, Maŋgəlva wapsukum zazay an gegesiŋ a təkiyəŋka.

Yeremiya 4:10

Yas nəmnah: A', Yawe Maŋgəlva, əmakemeket ɗiyiŋki, gəm Yerusalem də wənah na, zazay wasan sukum, tak ma masalam tay ama wəlamə!

Yeremiya 6:14

Tahəŋ əgəm tatwãh net ɗiy naw va zəga an ɗarə, də wənah na: wən tay ɓa, wən tay ɓa, mbara wən tayi.

Yeremiya 8:11

Tahəŋ əgəm tatwãh net ɗiy naw va zəga an ɗarə, də wənah na: wən tay ɓa, wən tay ɓa, mbara wən tayi.

Ezekiyel 33:33

Pay an kəpel adaɗɗa, yaŋ tay əzzani, wasənnən na, məskəleŋ tay a weleŋti.»

Əmsak aka Mahenziŋ 18:21

Kuzuŋ wakənah də mokrok na: «Mbar mədawsənən na, wəpeliŋ seza Yawe ade ɓa di soko?»

Əmsak aka Mahenziŋ 18:22

An məskəleŋ apelək də iya na Yawe, yaŋ zəga nan dəgəɗ ɓa, wəpel nan dəde səza Yawe ɓa, nawɓaygən kiyzəni məskəleŋ van apeli. Kədawgeslne sən wən nan ɓa!