Yeremiya 27:5 - Bible en Guidar

⁵ Intə nəzəməɗ dəlvafuŋ, ɗəf titire gəm zəga mamayã naka dəlvafuŋ də əɓap naw metiŋgini gəm də vaw paparra, yaŋ nədepsin ɗəf an nəŋgələ.

Yeremiya 27:5 ပူးပေါင်းရင်းမြစ်များ

Va'Atəŋ 1:25

Maŋgəlva aɗɗek zəgeɗ nawra va zeŋvit asan, zəgeɗ memeyẽɗ neŋgil va zeŋvit asani, dit vẽvẽɗe temtem naka dələv va zeŋvit asani. Maŋgəlva awlak na, moggoni.

Va'Atəŋ 9:6

«Məs dəzi mbel na ɗəfa, ɗəfi yi dədawzi mbel nani'e; vi Maŋgəlva aɗɗak ɗəf va ndən səɗeki.

1Milyeŋge 8:42

vi kaprəmi əpel aka iya nok metiŋgini, gbogboŋ noko gəm na vok mətələn, an azzoŋguk wəkkam addəv Gəlaŋka,

Ezra 1:2

Aŋki Sirus məlĩ na Persiya, apeli: Maŋgəlva Yawe apsiwik milyeŋge naka dələv pak ammba vawa, ndən sən kiyən, anah suwək nərkə səngən Gəla a Yerusalem na Yuda.

Nehemi 9:22

Kipsitik dəlveŋge dit ɗiyi, kuɗeket sitik dəlveŋge na maŋgava an neti. Azəmnənək dələv na Sihon məlĩ na Hesbon, gəm dələv na Og, məlĩ na Basan.

Gəlyaɗe 102:25

Nəmna: Maŋgəlva nawa Kəgəmu addəv wəɗak na pay naw ɓa! Nok əzva nok hã faɗi yi.

Gəlyaɗe 96:5

Meŋgilveɗ net ɗiy-ɗar pak zəgeɗ ɗarəŋ, Yawe yi dəɗɗa disiŋ.

Əgilye 20:11

Vi aka pay sləre yi, Yawe azəməɗ: disiŋ də dəlvafuŋ, pehe dit zəgeɗ naddəvən pakə, pay mabuhulon affeti. Vini yi, Yawe aɗɗa əzaɓ aka pay naffete, dəsangən ka nani.

Əgilye 6:6

Vini, anah sit mə Israyelɗe na: «Intə Yawe. Wanəgilgukum səka wəza na balam na Eziptə, wanəpəlkum səka balam neti, wanəkõhgukum də vaw gbogboŋgo gəm də wətawwən gədakə,

Isaya 42:5

Vaŋ Yawe Maŋgəlva məs dəzəməɗ disiŋ aweɗe, dəppar dəlvafuŋ dit zəgeɗ akani dəpsit əmpəs sit ɗiyi əmpəs sit məzədawaŋ akani.

Isaya 44:24

Aŋki an Yawe məzukõhguko, məs dezəməɗuk addəvət mok far anahə: «Intə Yawe, məs dəɗɗa an dəsan pakə. Intə takərgu nəpak disiŋ. Pay nəsloprokon dəlvafuŋgu, naway dəsan dəndu di?

Isaya 45:12

Intə nəɗɗa dəlvafuŋ gəm intə nəzəmiɗ ɗiy nakani. Vaw dəppar disiŋ gəm məzəɗi wən sit məzəlpaɗe nan pakə.

Isaya 48:13

Vaw dəzəməɗ dəlvafuŋgu gəm vaw dəzəŋ dəppar disiŋ. An nəyeke wazzoŋ əziw aŋ biyo.

Isaya 51:13

Is əzgət ki Yawe məs dəɗɗuko, məs dəpak disiŋ məs dəziwgin dəlvafuŋ. Pay pak is tat əkker sən geslne aba ədagədəv na məsər ma ɗəfa, va kəɓəs na azaɓanək zən nawzoko. Ya ŋgay ədagədəv na məsər ma ɗəf van di?

Yeremiya 27:4

Kənah sitgin an nəɗi wən nan sit deyeɗe net dawnəh na: An Yawe Məzuɓappak Maŋgəlva na Israyel anah yaŋka: An kədawnah sitin deyeɗe nokum yaŋka:

Yeremiya 32:17

Aw, Yawe Maŋgəlva, istə kəzəməɗ disiŋ də dəlvafuŋ də əɓap nok metiŋgini gəm də gbogboŋ na voko, zəga tay naɗɗa gərəŋ akan azok ɓa.

Yeremiya 51:15

Daya dəɗɗa dələv də gagdak nani; aziwgin dəlvafuŋ də maɗɗula nani apakək disiŋ də əsən nani.

Daniyel 2:38

Avoki appet ɗiyi, zəgeɗ memeyẽɗ nawra gəm biŋgeɗ na disiŋ, istə məlĩ aka təki assoŋ pakə: kiya na meleŋgeŋka, istə.

Daniyel 4:14

Aski əpel maslay aziwgini, ya əpel van səmet ɗiy en salala ade vi ɗiy dəsənəngən na Məsəɗəɗə, ndəni məlĩ aka məlĩ net ɗiyi, tay əɗi ɗəf məs aŋgələ aka məlyã, dəsan ɗəf məgəsən nammbet ɗiy zlaŋgə.

Daniyel 4:17

Wəlaŋga məs kəwəl məɓayən ɓəɓəl məs əɓay nan hã a disiŋ, dədawla hã sə təki dələv abaymanəŋ,

Daniyel 4:22

Karɓuhki sə weleŋgit ɗiyi, wakəsok sap dit zəgeɗ memeyẽɗ nawra; zəga nawzəm nok wasan kevile va net wasliɗe, minɗe waziyaŋ akoko; wakəsok əzva buhul awra, hã an kəsənək na Məsəɗəɗə na, ndəni daya aka məlĩ net ɗiyi, tay əɗi ɗəf məs aŋgəl aka məlyã.

Daniyel 4:25

As pak arəhək məlĩ Nabukodonozor.

Daniyel 5:18

Məlyã, Maŋgəlva Məsəɗəɗə dəpsən məlyã, mẽmẽtiŋge, gagdaka gəm əwiɗ sən Nabukodonozor afuko.

Wəza net Masləŋɗe 14:15

Aɓɗaŋ na: Ɗiyi, mədəray kədaɗɗaŋ vaŋ di? Nam pak ɗiy mənan va munokum! Nam mədawnah sukum alabara meleketen na, vi kəkkpaŋgən səzet tuyeŋge zəgeɗ ɗariŋki, kətafəngən Maŋgəlva madaran məs dəzəməɗ disiŋ də dəlvafuŋ, pehe dit zəgeɗ naddəvən pakə.

Wəza net Masləŋɗe 17:24

Maŋgəlva məs dəɗɗa dələv də zəga nakan pakə. Ndəni Daya na disiŋ də dəlvafuŋ, awsan addivit Gəlaɗe na matuya mərket də va ɗəf ɓa.

Wəza net Masləŋɗe 17:26

Səza ɗəf taka yi azəmiɗ ɗiy pak dəssoŋgən aka dəlvafuŋ gboŋgu. Səza aziwgin pay nan aɗiya, azi meŋge na təki nassa neti.

Əmsak aka Mahenziŋ 2:19

Kəgapgən dakadaka də dələv net mə Ammonɗe, kədawrəŋgit ɓa, kədawgay dənɗaŋ ɓa; vi zəga tay nədapsuk səka dələv net kirtin Ammon ɓa, vi sit kirtin Lot nəpsit ka neti.»

Əmsak aka Mahenziŋ 2:21

Ɗiy gembereɗiŋ, kuɗiskuɗis, məɓeyit va mə Anakɗe, Yawe azetik səbet mə Ammonɗe; amõhənək dələv neti, yaŋ assoŋ a gəleti.

Əmsak aka Mahenziŋ 2:7

Vi Yawe Maŋgəlva nok aɗɗak əzaɓ aka wəza na vok pakə, asənək va kədaw a kapta-muyã; awle yaŋ wəzva kaklaw poɗo Yawe Maŋgəlva nok tay də isi, zəga tay dəkkpap suk ɓa.»

Əmsak aka Mahenziŋ 2:9

Yaŋ Yawe aɓsu na: «Kədawrəŋgən Mo'ab ɓa, kədawgay dəndən ɓa; vi zəga tay nədapsuk səka dələv nan ɓa, vi sit kirtin Lot nəpsit Ar ka neti.»

Əmsak aka Mahenziŋ 32:8

Gala Maŋgəlva Məsəɗəɗə awɗak dələv sit ɗiyi, pay agohet ɗiyi, azi sitik meŋge a weleŋti; aza wəŋɗa net mə Israyelɗe.

Əmsak aka Mahenziŋ 4:17

zeŋgile na zəga mamayã awandi naka dəlvafuŋ pakə, zeŋgile bəŋga məzuveŋ a disiŋ pakə,

Əmsak aka Mahenziŋ 4:25

An kəzvaŋgək diyɗa də gəla aka dəlva, kuwaŋgək kirni, kirtukum awaŋka, an kəraygənənək kiykum, də wəzaɓ zəgakamaŋgəlva va zəga awandi pakə, an kəɗɗaŋgək mbərayən a mahara Yawe Maŋgəlva nokum gap nawdan sən gədəvən,

Əmsak aka Mahenziŋ 4:32

Kamə assohẽt ɗiy en far daabəŋ kiyko, seza Maŋgəlva azəməɗ ɗəf titir aka dəlvafuŋ, assõh ammba dələv gboŋgu: zəga naɗɗa gərəŋ akan agəɗək ɗah vas sa? Awaniɓa məprəmi zevən ɗah sa?

Əmsak aka Mahenziŋ 4:35

Nok na, mərban suki, vi kəsənəngən na Yawe yi Maŋgəlva: tay maɓɓan abbər kiyin ɓa.

Əmsak aka Mahenziŋ 5:16

Agagdakan afuk dət moko, va Yawe Maŋgəlva nok aɗi suk wən nani, vi əvoŋ nok dəzzekgəni, kənangən nek aka dələv məs Yawe Maŋgəlva nok apsuko.

Əmsak aka Mahenziŋ 9:29

Ya ɗiy nokəŋ, nawray noko, məs kəgilgit də gbogboŋ nok metiŋgini gəm də vok paparə!»

Kolosi 1:16

vi dəndəni Maŋgəlva azəməɗ zəga pakə, a disiŋ də aka dəlvafuŋ pakə, an hara ɗəf adawla də an hara ɗəf awlan ɓa pakə, dəssoŋ mezeŋgeɗ na məlyã, gagdak net deyeɗe, gagdakɗe, əɓapɗe pakə. Zəga pak dəndəni gəm səni məzəməɗən.

Ibriɗe 1:2

ya aza wəgrak na pay nan kan na, Maŋgəlva apel səmək də ma Wətəni, məs aɗi aka zəga pakə, ndəndəni Maŋgəlva azəməɗ zəgeɗ pakə.

Hənhən 4:11

Daya Maŋgəlva namə, kəgapək nawrəh gagdaka, əɗi kiya gəm əɓapa. Vi istə kəzəməɗ zəgeɗ pakə, kəŋgələk dəssoŋgəni, yaŋ kəzəməɗe.