Yeremiya 27:4 - Bible en Guidar

⁴ Kənah sitgin an nəɗi wən nan sit deyeɗe net dawnəh na: An Yawe Məzuɓappak Maŋgəlva na Israyel anah yaŋka: An kədawnah sitin deyeɗe nokum yaŋka:

Yeremiya 27:4 ပူးပေါင်းရင်းမြစ်များ

Əgilye 5:1

Sissiŋgi may Moyis də Aron azzoŋ anah sənən Farawən na: «Yaŋ an Yawe Maŋgəlva na Israyel anahə: Appet ɗiy naw dəmbataŋ wəɗɗa əzləra a kapta-muyã aka iya nawa.»

Yeremiya 10:10

Ya Yawe yi Maŋgəlva gegesiŋ, ndəni Maŋgəlva madarani, məlĩ an faɗə. An adək gədəva, dələv tay əkkere; ɗiy naket dəlveŋge awɓəsən ədagədəv nan ɓa.

Yeremiya 10:16

An na Yakob na va zəgeɗiski ɓa, ndən dəzeɓ zəgeɗ pakə, Israyel dəsan mahəlfa an haran nani. Iya nan na Yawe Məzuɓappakə.

Yeremiya 25:27

Ya kənah sitgin na: «An Yawe Məzuɓappak Maŋgəlva net mə Israyelɗe anah yaŋka: Məsə hã kpe'i, hã əpara, hã əskoto gəm məza əɓap əsilye səba masalam məs nədawki akokuməŋ ɓa.»

Yeremiya 27:3

Asna kəslingin sən məlĩ na Edom, məlĩ na Mo'ab, məlĩ net mə Ammonɗe, məlĩ na Tir gəm məlĩ na Sidon də vet maslənɗe məs dəzzoŋ a Yerusalem aza Sedekiya məlĩ na Yuda.

Yeremiya 27:5

Intə nəzəməɗ dəlvafuŋ, ɗəf titire gəm zəga mamayã naka dəlvafuŋ də əɓap naw metiŋgini gəm də vaw paparra, yaŋ nədepsin ɗəf an nəŋgələ.

Yeremiya 28:14

Vi an Yawe Məzuɓappak Maŋgəlva na Israyel anah yaŋka: Nəklak zuk na təbəz a ma wəlet ɗiyəŋ pak na, vi dəɗɗaŋgən wəza sən Nabukodonozor məlĩ na Babiloni, ya waɗɗaŋ sənən wəza, zəga mamayã nawra zlaŋ nəpsənəka.

Yeremiya 51:19

An na Yakob na va zəgeɗiski ɓa, ndən dəzeɓ zəgeɗ pakə, Israyel dəsan mahəlfa an haran nani. Iya nan na Yawe Məzuɓappakə.