Yeremiya 27:10 - Bible en Guidar

¹⁰ Kəleŋ na uwwa wən adaɗɗaŋ sukuməni vi kawzargugkum faraɗa səka dələv nokum gəm nəɓɓahkumgəni kəzaŋgəni.

Yeremiya 27:10 ပူးပေါင်းရင်းမြစ်များ

Əgilye 22:18

Ɗəf dərka' sən zəga mamayãni, kawbayni.

Yeremiya 14:14

Yawe azlan suwək na: Məskəleŋɗe wən adawaŋ də iya nawa. Nəslin ɓa, wən tay məs nəɗi sit naɗɗa ɓa. Nəpel sit ɓa. Wən ɗar adawlaŋgə, əpel mekeleŋgi, mekret dədawmbəɗet nawgəɗ sukum kəleŋ!

Yeremiya 23:16

An Yawe Məzuɓappak anah yaŋka: Kədaprəmən əpel net məskəleŋɗe ɓa en məzupeleŋ sukumən va məskəleŋɗeŋ na əza adawzokumuni, əɗɗum na mekret adawpeleŋgi səmaw in Yawe yi ɓa.

Yeremiya 23:25

Nəprəmək an məskəleŋɗe anahaŋgə. Məzupeleŋ va məskəleŋɗe də iya naw də uwawən dawnəh na: Nissinik na, nissinik na!

Yeremiya 27:14

Ya kədaprəmən met məskəleŋɗe məzupeleŋ sukumən dawnəh na: Kəɗɗaŋ na wəza sən məlĩ na Babilon ɓa vi kəleŋ na uwwa wən adaɗɗaŋ sukuməni.

Yeremiya 27:15

Naw nəslin ɓa Yawe aɗiymani, ya net tahəŋ əɗɗaŋ kəleŋ na uwwa wən də iya nawa, ka nərɓohkumgən kəzaŋgəni, mənokum dit məskəleŋɗe məzəɗɗaŋ sukumən kəleŋgi.

Yeremiya 27:16

Ya sit məsdəlveŋge dit ɗiyiŋ pak nəpel sitik dawnəh na: An Yawe anah yaŋka: Kədaprəmən mət məskəleŋɗe nokum məzəɗɗaŋ sukun kəleŋ dawnəh na: Kamndegeti zəgeɗ naddəv gəla na Yawe kakaŋkakaŋ də kakara sə Babilon! Net kəleŋ na uwwa wən adaɗɗaŋ sukuməni.

Yeremiya 28:11

Yaŋ Hananiya apel keret ɗiy pak dawnəh na: An Yawe anah yaŋka: Vas nədaŋzlu zuk məs Nabukodonozor, məlĩ na Babilon aklak awlet ɗiy pak tak əzva sula adagraka, Məskəleŋ Yeremiya tive nan kaw mbatə.

Yeremiya 28:16

Vini Yawe anah na: Wanəzarguk səka dəlvəŋka, wakəmtə dəbyaŋka vi kəpelik nawɓoŋgit ɗiy aka Yawe.

Yeremiya 32:31

Walaŋgəla-metiŋgiski dədan su gədəvu gəm dəsilgin makrawa, təŋ səza pay mərkani hã gap pay dəpaŋka, maw tay aka nulagən ama haraw ɓa,

Yeremiya 8:19

In tat əprəm wəlat wətit ɗiy naw iya hã səka dələv faraɗa, vas na Yawe tay a Siyon ɓa sa? Məlĩ nan tay addəvən ɓa sa? Vimi adansuwən gədəvu də zəgakamaŋgəlva net gəm dit zəgeɗ ɗar na guw di?

Əɓuhma 2:14

Məskəleŋɗe nok tepelke awlaŋ sukuni gəm wən ɗar loloh lolohu. Dəppasanən heslepe nok kawzaɓan wən nok ɓa. An awlaŋ sukun na, tepelke atawaŋgə, gəm əraka.

Daniyel 4:7

Aka nəsaw aka zəga nafno nawa, an nəwəl addəv əssine naw yaŋka: wəlaŋga məɓayən diyɗa məmpan addak dəlva.

Zakarya 10:2

Vi terafimɗe wən ɗar apeleŋgi, məskaŋ helig tepelke awlaŋgə, dit issineɗ ɗar adazzayanən mekreti. Vini ɗiy adaddoŋ də met va gilew tiŋgbirtiŋgbir məza məzutaɗa ɓa.

Malakiya 3:5

Wanədder azzokum vi kawtaw wəna. Wanəsaw məziwe nawgəm zən əpel aket məɗɗaŋ tetele, aket məkuwa a gizbe, aket əswayɗe na tepelke, aket ɗiy məzutakən hanza na məgəɗ wəza, nat gagəbaya gəm na mitiwe, məzəzəmgənən sahã na molhõyõ gəm en awgeslne'eŋ suwən ɓa, Yawe Məzuɓappak anahə.

Əmsak aka Mahenziŋ 18:10

Ɗəf adawsan məzaɓ-Maŋgəlva də wətəni awaniɓa dət wətəni, məgəɗ tetele, məpel dit məsvevɗe, məgəɗ sekene, may məsgarzlaw sərokum ɓa.