Yeremiya 26:9 - Bible en Guidar

⁹ Vimi kəgəɗ kəleŋ də iya na Yawe dawnəh na, gəlaŋ wasan va təki nakkaman Maŋgəlva na Silo gəm walaŋgəla-metiŋgin warayə ɗəf tay nassan addəvən ɓaŋ di? Ndəni ɗiy pak akkalaŋ aka Yeremiya addəv gəla na Yawe.

Yeremiya 26:9 ပူးပေါင်းရင်းမြစ်များ

2Alabaraɗe Də Mabərkiziti 25:16

Aka tay əpel sən vas naka, Amatsiya aɓsən na: «Məɗikuk ka məzəsəɓ sən məlĩ sa? Ampan moko, kəŋgəl dəbaykungən sa?» Məskəleŋ ɓatə, yaŋ amsak ənəh na: «Nəsənək na, Maŋgəlva aynanək nawzoko, vi kəɗɗa vas məza əprəm maw ɓa.»

Isaya 29:21

Məzəmaŋ ki ɗəf də əpele, tay əmpaŋ mazzaɗ aba mətawwən na walaŋgəla-metiŋ vasna ndəɗaŋ əzgan ɗəf təstəs addəv əza.

Yeremiya 32:3

Sedekiya məlĩ na Yuda arma adak dawnəh na: Vimi kədaɗɗa kəleŋ də wənəh na: Vaŋki Yawe anahə: Wanəppan walaŋgəla-metiŋginiŋ ammba va məlĩ na Babilon, wazəma di?

Yeremiya 33:10

Vaŋki Yawe anahə: «A təkiyəŋ məs kədawnəhaŋ na: Aŋkəlka, ɗiy tahəŋ ɓa, zəgeɗ memeyẽɗ tahəŋ addivit walaŋgəleɗe gugriɗ na Yuda ɓa may tiveɗ na Yerusalem seŋseŋgəŋ məza ɗiy ɓa, ɗiy tahəŋ də gəla ɓa zəgeɗ memeyẽɗ tahəŋ ɓa əŋka, kaprəmi əmpa:

Yeremiya 36:29

Kənahgən aka Yoyakim məlĩ na Yuda, na: An Yawe anah yaŋka: “Nok kəzlak ɗerewel məktəmənəŋ dawnəh na: Vimi kəver addəvən dawnəh na: Məlĩ na Babilon wade, wazan dəlvəŋka, wazet ɗiy dit zəgeɗ memeyẽɗ nakani di?”

Yeremiya 9:11

Naway ɗəf məsmaɗɗula naprəm gabba wənəs di? An Yawe apel sənək na dərban sit ɗiy na, vimi dələv azə, məɗi sən offo kpaŋ va kapta-muyã ɗəf awtoŋ dədak ɓa di?

Əɓuhma 4:13

As pak agəɗ na aka mambray net məskəleŋɗe nani, gəm an məsdəlveŋge nan araygənəni yi, abeyinik ɗiy təstəs addəvni.

Amos 5:10

Tahəŋ əzelen məzukiyit aka tive a təki nawtawwən na walaŋgəla-metiŋ gəm əzel ɗəf an məzupel də tiveni.

Mika 2:6

Ɗiy tay əklopoŋ suwən na, appan zev əklopəska, ɗəf adaklop vas ɓa; aka wənəs na əra agrak ɓa.

Matiye 21:23

Adan Yesu atoŋ addəv gəla na Maŋgəlva, deyeɗe net məsdəlveŋge dit ɗiy məsɓet azzoŋguk azan aka adawyaget ɗiyi, aɓsənən na: Də gagdak na mi kədaɗɗe zəgeɗiŋ di? Naway dəpsuk gagdak nan di?

Matiye 27:20

Yaŋ deyeɗe net məsdəlveŋge dit ɗiy məsɓet askanən wəlet ɗiy pak vi dəssohonəngən dəppangən Barabbas, dəbaygən Yesu.

Markus 15:11

Yaŋ deyeɗe net məsdəlveŋge ahhaɗanən vanday, vi dəppan sitgin Barabbas.

Yohanna 8:20

Wən apelis na a təki nawzaɓ zəga addəv Gəla na Maŋgəlva dawyeget ɗiyi. Ɗəf tay dərma ɓa, vi pay nan dəɓəl əgap tagay ɓa.

Yohanna 8:59

Yaŋ andaŋ gərmeŋge vi kaskani. Yesu aɗamka, ndən vit səddəv Gəla na Maŋgəlva.

Wəza net Masləŋɗe 13:50

Yaŋ mə Yudeɗ ahheɗetin gil məgeslne'eŋ sənən Maŋgəlva en gagdakɗe dit ɗiy gugriɗ na walaŋgəla-metiŋ. Asilgənən əsər met mãy Pol də Barnabas, arɓehtin səka va neti.

Wəza net Masləŋɗe 21:30

Walaŋgəla-metiŋ də wən nan aɓəlka, hã ɗiy pak akkalaŋka, armanənək Pol, akdəhənək appaka səddəv Gəla na Maŋgəlva. Amsetin maddambaɗe go'ləŋ.

Wəza net Masləŋɗe 22:22

Ɗiy aprəmənək hã gap aza əpel aka wən net ɗiy-ɗarə. Yaŋ aŋzlaŋgək vaŋvəl dawnəh na: Məzan zev ɗəf vas səka dəlvafuŋ! Kədappanən madaran ɓa.

Wəza net Masləŋɗe 3:11

Ɗəf nak dəŋgəm əzar səza Piyer də Yohanna ɓa, ɗiy pak anzoŋguk gidigidi əzza azeti ammba balak məs adawyaŋ na balak na Salmoŋ, aggətaŋgək sawɓa.

Wəza net Masləŋɗe 5:12

Maslənɗe aɗɗaŋgək sekeneɗi gəm zəgeɗ naggət aket diyɗa a weleŋgit ɗiyi. Məzutafaŋ tahəŋ məslerti, əkkalaŋ baymet ammba balak na Salmoŋ.

Wəza net Masləŋɗe 5:28

Aɓsit na: Məɗi sukum wən nan dəɗi na, kədawyegetin ɗiy də iya na ɗəfəŋ ɓa ɓa sa? Yaŋ kəknəhən Yerusalem də iyak nokum, mokum aka əki mbel na ɗəfəŋ akamə!

Wəza net Masləŋɗe 6:14

Vi məprəmək ənəh na: Yesu mə Nazaret əŋka waɓzlu təkiyəŋka gəm waddəɗan əsərək an Moyis apsəmə.

Yosuwa 18:1

Səza abayən ma əzəm dələv na, sap net mə Israyelɗe beymet akkalaŋgək a Silo, ampanən gizlirke nalma də Maŋgəlva adaka.