Yeremiya 26:6 - Bible en Guidar

⁶ asna wanəkkpaŋgan gəlaŋ va təki nakkaman Maŋgəlva na Silo, wanəkkpaŋgan walaŋgəla-metiŋginəŋ va zəga naɗɗa mefɗeke amet ɗiy naka dələv pakə.

Yeremiya 26:6 ပူးပေါင်းရင်းမြစ်များ

2Milyeŋge 22:19

adan arəŋgən mokroko, kəvoŋgən kiyuk aba Yawe, aka kəprəm an nəpel aka təkiyəŋ dit ɗiy nakan pakə, təkiyəŋ wasan ki məski də mefɗeke akani, yaŋ kəŋgeret lukutɗe noko, kəhəm abawa; lewi yi, nəprəməka Yawe aɗiymani;

Isaya 43:28

Ndəni nərnoket deyeɗe naddəv gəla Salala, nəppanək Yakob addəv əraya, gəm Israyel addəv əra.

Isaya 65:15

Məweleɗe naw wayanən iya nokum addəv əsway neti, wanahaŋ na: «Kəta Yawe Maŋgəlva dəbayuk va ɗəf ana awaniɓa va na ɗəf anda!» Ya kawyeti məɗɗaŋ wəza naw də iya mbərni.

Yeremiya 24:9

Wanəkkpeŋget ka zəga nawki geslne' metiŋgini, ka zəga na geslne' mbərayən viyit milyeŋge naka dələv pakə. Kawreti yi, kawyə siti gəlya, kawmasi aketi, əray wasan aket a təki məs nədeɓɓehit adak temtemi.

Yeremiya 25:18

nəpsəntək Yerusalem, walaŋgəlaɗe gugriɗ na Yuda dit məlyeŋge nani, ɗiy gugriɗ nani, kakkpaŋget va kiməskiya, kafyok aketi gəm nawsla kiva əraygən ɗəf dənɗaŋ va pay dəpaŋgənənka.

Yeremiya 29:18

Wanəzbet də masalam, də mayã gəm də gəbaymərma, wanəkkpeŋget ka zəga nawgeslnegit milyeŋge naka dələv pakə, ɗiy naket dəlveŋge məs nəɓɓeh adak pak waŋglaŋ sitin əraya, tatwãha, waggətaŋ aketi gəm waretini.

Yeremiya 29:22

Məket aka balam sə Yuda a Babilon pak wapeleŋ na mefɗeke də iya net dawnəh na: Yawe dəgəɗ suk va agəɗ sən Sedekiya gəm Akab məs məlĩ na Babilon azle akoffo.

Yeremiya 42:18

Vi aŋki an Yawe Məzuɓappak Maŋgəlva na Israyel anahə: Va ədagədəv naw gəm makraw turõh turõh azlalbay aket ɗiy na Yerusalem vaski makraw turõh turõh adawzlalbay akokum an kəddoŋguk a Eziptə, wakəkkpaŋgaŋ va zəga na mefɗeke, kawmasi akokum, kawpeli əpel nawraya gəm zəga net wili də iya nokum; ya Kulanən na ɗa təkiyəŋ ɓa.

Yeremiya 44:22

Yawe dəɓap əɓəs daraw na wəza mbərayən nokum məs kəɗɗaŋ ɓa, aba zəga daryaw məs kəɗɗaŋgəŋ ɓa, ndəni dələv nokum akkpaŋ kiməskiya, hoŋhoŋ də mefɗeke məza ɗəf akan ɓa va pay dəpaŋkəŋka.

Əɓuhma 2:15

Məzutoŋgoŋ tivetive pak ərganən vet akoko. Əɗiyaŋ fofyoko, əɓlanən kiyit aket ɗiy na Yerusalem, ənahaŋ na: «Aŋki walaŋgəla-metiŋ məs adawnəhaŋ lahəŋ na lelewi sawɓa, ənnek na dələv paki nak sa?»

Əɓuhma 2:16

Məzuzelɗe nok pak met hĩyõhĩyõ akoko. Ndəɗaŋ əfyokoŋ Əhar veti. Ənəhaŋ na: «Məsɗəkək səɗəkə, pay an mədawga naki kana. Məgapək azani, mənam tat ulani.»

Daniyel 9:11

Mə Israyelɗe pak amzlahaŋgək səka mahenziŋ noko, aɓoŋgoŋko dəprəmən mok ɓa. Ndəni wəray məsway akan məverin addəv mahenziŋ na Moyis məgəɗ wəza nok is Maŋgəlva ade akamə vi məgəɗ sukuk mbərayən.

Zakarya 5:3

Aɓsu na: «Aŋki mefɗeke an dədazzan aka dələv gboŋgu. Məhãla pak karɓahani, gəm ɗəf an dəsway dəkan pak karɓahani.

Yosuwa 18:1

Səza abayən ma əzəm dələv na, sap net mə Israyelɗe beymet akkalaŋgək a Silo, ampanən gizlirke nalma də Maŋgəlva adaka.