Yeremiya 25:9 - Bible en Guidar

⁹ Yawe aɗiyman na, in yakəŋ əslən əkeyet ɗiy na kəla disiŋ pak gəm wanəki Nabukodonozor məlĩ na Babilon gawla naw dəgaygən də dəlveŋka, dit ɗiy naddəvən, dit ɗiy naket dəlveŋge en dəssoŋ kiyən tərwəslə, wanəzet kakãhə, wanəkkpeŋget zəga naggət gəm nawmas aketi, wasan kiməski faɗə.

Yeremiya 25:9 ပူးပေါင်းရင်းမြစ်များ

2Milyeŋge 24:2

Yawe aslin ngaɓeɗ net mə Kaldiyeɗi, net mə Aramɗe, net mə Mo'abɗe, net mə Ammonɗe, ake aka Yuda vi kawzan va əpel na Yawe anah də met məɗɗaŋ wəza nan məskəleŋɗe.

2Alabaraɗe Də Mabərkiziti 29:8

Ndəni ədagədəv na Yawe ateh aka Yuda gəm Yerusalem, akkpaŋgan ka zəga daryaw, nawgeslne' səni, va zəga nawseske' akan va kədawlanən də horokuməska.

2Alabaraɗe Də Mabərkiziti 36:21

vas əpel na Yawe məs apel də ma Yeremiya aknahə: «Kappani dələv dəman gap wəzva kaklaw buhul, hã pay neffet nan gərakə, vi kaknahan pay məs məppani əffet ɓaŋka.»

Wənməkkpaŋga 21:1

Makra məlĩ tay va lolohõ a dagrakay va Yawe, tay ədawgən dəka an dədannek zən pakə.

Isaya 10:5

Əray aka Asiri, tandaŋ na ədagədəv nawi, zleŋge navanəŋ na herɗe nawəŋ.

Isaya 13:3

In vattə nəɗi wən nan sit ɗiy en duwelin kiyit suwa, gəm nəye gammbereɗ naw məzəlpaŋ vi karban ədagədəv nawa, məzənnekeŋ sən gagdak nawa.

Isaya 39:7

Wagəmaŋ simmbet kirtuk məs dəgilyoŋ səddəvko en kəwə, karget dəssoŋgən məɗɗaŋ wəza ana məlĩ na Babilon.

Isaya 44:28

Ndən dəpel aka Sirus na: Məzutaɗa naw kənani. Waɗɗa an məs nəŋgəl pakə. Ka kawnah aka Yerusalem na, karkani gəm aka gəla nakkam na, kamsaki ərkani.»

Yeremiya 1:14

Yas Yawe anah su na: Sə kəla disiŋgi yi tatwãh adazzan aket ɗiy naka dələv pakə.

Yeremiya 1:15

Yawe aɗiymani, vi inyakən kawye mahəlfaɗe dit milyeŋge na kəla disiŋ pakə. Asna wazzoŋgu naway pak waɗi mazaŋga na məlĩ nan a maddamba na Yerusalem go'o. Wassoŋ ki zlava nan tərwəslə, warmaŋ mama aza Yuda.

Yeremiya 10:22

Məprəma, alabara tay əzani. Gogoyo metiŋgin tay əzan səka dələv na kəla disiŋ; kawzet walaŋgəleɗe gugriɗ na Yuda kakkpaŋget ka təki nassa net kirɗemuyã.

Yeremiya 12:14

Aŋki an Yawe anah aket meggeŋgiɗu mbəreyit pakə, en məzurəŋgənən zəganawzəmgəla naw məs nipsit ɗiy naw ka neti: sən Israyel. In yakəŋ əptiwit səka dələv neti, wanəptiw ɗiy na Yuda səweleŋti.

Yeremiya 18:16

Akkpaŋganənək dələv net va təki məpiweni gəm nafyok akan pay pakə. Məzutoŋ kəla dak pak wasan gərəŋ, waɓlan kini.

Yeremiya 2:15

Bigawleɗ net ɓooliɗ tay əbayaŋ sənən gagay. Tay əbayaŋ gagay zit soksoku. Araygənək dələv nan kuɗupu. Məzleti walaŋgəleɗe gugriɗ nani, ɗiy tahəŋ addivit ɓa.

Yeremiya 20:4

Vi an Yawe anah yaŋka: In yakəŋ kappok addəv geslne, is dit beyneŋgiɗuk pakə. Waskotoŋ pak ama masalam net məzuzelɗe neti, horok wawla. Yuda də wən nan pak wanəppan ammba va məlĩ na Babilon. Wasimgit a Babilon, wabey də masalam.

Yeremiya 24:9

Wanəkkpeŋget ka zəga nawki geslne' metiŋgini, ka zəga na geslne' mbərayən viyit milyeŋge naka dələv pakə. Kawreti yi, kawyə siti gəlya, kawmasi aketi, əray wasan aket a təki məs nədeɓɓehit adak temtemi.

Yeremiya 25:8

Vini Yawe Məzuɓappak anah vaŋka: Adan kəprəmnən əpel naw ɓa na,

Yeremiya 29:18

Wanəzbet də masalam, də mayã gəm də gəbaymərma, wanəkkpeŋget ka zəga nawgeslnegit milyeŋge naka dələv pakə, ɗiy naket dəlveŋge məs nəɓɓeh adak pak waŋglaŋ sitin əraya, tatwãha, waggətaŋ aketi gəm waretini.

Yeremiya 35:11

Gala Nabukodonozor məlĩ na Babilon agul dəlva, mənahək na mənzamsəmə, mətoŋsəm a Yerusalem səbet məzəlpaŋ net mə Kaldiyeɗi gəm sebet məzəlpaŋ na Aram, məsamgən də gəla a Yerusalem.

Yeremiya 36:2

«Agəm ɗerewel məktəmən, kevergən əpel an nəpel suk aka Israyel, aka Yuda gəm aket ɗiy naket dəlveŋge pak təŋ səza pay nəpel suko, təŋ səza pay na Yosiyas hã gap pay dəpaŋka.

Yeremiya 36:29

Kənahgən aka Yoyakim məlĩ na Yuda, na: An Yawe anah yaŋka: “Nok kəzlak ɗerewel məktəmənəŋ dawnəh na: Vimi kəver addəvən dawnəh na: Məlĩ na Babilon wade, wazan dəlvəŋka, wazet ɗiy dit zəgeɗ memeyẽɗ nakani di?”

Yeremiya 4:7

Ɓoolu agilik səddivit geslembeɗi, məzet ɗiy tay aka tive, agilik səgəlani vi kawzan dələv noko. Kaɓzluti walaŋgəleɗe noko, ɗiy assoŋ na addəvit ɓa.

Yeremiya 40:2

Yaŋ daya net məzugaŋ agəm Yeremiya aɓsən na: Yawe Maŋgəlva noki dəɗi wən nan lahəŋ nawki tatwãh aka təkiyəŋka.

Yeremiya 43:10

Kənah sitgin na: An Yawe Məzuɓappak Maŋgəlva na Israyel anah yaŋka: Inyakəŋ əslən gawla naw Nabukodonozor məlĩ na Babilon, wanəɗi mazaŋga na məlĩ nan aket gərmeŋge məs nəndəkiŋki. Wazlzlar gizlirke na məlĩ nan aketi.

Yeremiya 46:20

Eziptə, Bəlatək lelewkə! Bembir tay əzzan sə kəla disiŋ akata.

Yeremiya 49:19

In yakəŋ va ɓoolu məzugilyen səddəv kevile kpiŋ na Yurden əmbat də təki nawtaɗ ɗayɗayə. Vi in tat əgəm zuwa, in tat ərɓahan ɓa' sədaka. Naway məwelin nawɗi adak di? Naway va in nawnah su an naɗɗa ɓa di? Məlĩ mawani as van nawziw abaw di?

Yeremiya 6:1

Mənzoŋ sə Yerusalem kirtin Benyamin. Muffon moho a Tekowa məmpa gabaga na dələv a Bet-Kerem Vi tatwãh arbək sə kəla disiŋ, əza metiŋgini.

Yeremiya 8:16

Hã sə Dan mədaprəm əhəm net pilseŋge na məzuzel namə. Sən ɓaɓəlma əhəm net pilseŋge dələv tay əɓla. Azzoŋko, azanənək dələv də an naddəvən pakə. Gəm walaŋgəla-metiŋ dit ɗiy nan pakə.

Ezekiyel 12:20

Walaŋgəleɗe gugriɗ məs ɗiy addəvit wassoŋ kiyməskiya, kawraygəni dəlva. Wakəsənnən na intə Yawe.»

Ezekiyel 16:40

Wasilgənən vanday net ɗiy akoko; waskukun dit gərmeŋge, wabakokun dit masalamɗe neti,

Ezekiyel 21:11

Ya is wətən ɗəfa, anɗəs gəɓok kpuh; kənɗəsgən nawda gədəv a mahereti.

Ezekiyel 26:7

Vi vaŋki Daya Yawe anahə: In yakəŋ əki Nabukodonozor, məlĩ na Babilon sə kəla disiŋ aka Tir, məlĩ net milyeŋge; wade dit pilseŋge, mawteɗ nawgaya, məpeŋgeŋ pilseŋge, wəsap net məzəlpaŋ diyɗa.

Ezekiyel 36:5

Vini, an Daya Yawe anah yaŋka: Sessel də kotorok naw vakvak nədawpel aket dəlveŋge na guw meɓɓeti, gəm aka Edom dəwənnani, vi atakənək dələv nawa. Də ənnek a mekreti gəm əzel sə mekret gərakə, vi kappohon təki nawtaɗ nani.

Daniyel 5:18

Məlyã, Maŋgəlva Məsəɗəɗə dəpsən məlyã, mẽmẽtiŋge, gagdaka gəm əwiɗ sən Nabukodonozor afuko.

Habakuk 1:12

Gala də ətəŋga, istə Yawe nawa, Maŋgəlva naw gəm Salala naw ɓa sa? Məmtə na ɓa! Yawe, kəɗi na kawtaw wəni; kəɗi milɓe na, sən kazga'i.

Habakuk 1:17

Vasna, wazzuk zəga səddəv zəva nani, kazban əbey ɗiy naka dələv ɗayɗay məza awəl na sasãh ɓa sa?

Əmsak aka Mahenziŋ 28:37

Wakəkkpaŋ va zəga nawgeslne səni, wawlukun va zəga na mamba, wamasaŋ akok a təki Yawe Maŋgəlva nok adawkuk adakəŋka.