Yeremiya 25:3 - Bible en Guidar

³ Təŋ səza əzva kəlaw kiyən hoku na Yosiyas wətən Ammon məlĩ na Yuda hã gap pay dəpaŋka agəɗək əzva kaklaw sula kiyeŋ hoku, nəpel sukumuk əpel an Yawe apel su məza əppan gabban dawpelin ɓa, ya kəprəmən ɓa.

Yeremiya 25:3 ပူးပေါင်းရင်းမြစ်များ

Va'Atəŋ 22:3

Abraham alvəɗək pumu, aynanək mazaŋga na koro nani, agəmək səret gewleɗ nan sula, gəm Isak, wətəni. Apɗakək motoffoɗe naɗɗa əvəl nawzla kurmbuɗuku. Ambatək a təki an Maŋgəlva anah sən naka.

1Milyeŋge 22:3

Məlĩ na Israyel, aɓsit gewleɗ nan na: «Kəsənənək na, walaŋgəla-metiŋ na Ramot aka va na Galad əŋ namiyi lahəŋka, yaŋ mədaɗɗa gərət gərət dəmnda wətafən səva məlĩ na Aram sa?»

2Milyeŋge 17:13

Yawe, akol sit slemet mə Israyelɗe dit mə Yudeɗ də met məskəleŋɗe gəm məzulaŋ pakgit, dawnəh na: «Məmil səka tive nokum mbəraynəŋka, mərme wəsəɓɗe nawa, wəzga'ɗe naw va mahenziŋ an nəɗi sit wən nan sit efiŋgiɗkum, gəm nəgapgən sukum də met məɗɗaŋ wəza naw məskəleŋɗe.»

2Alabaraɗe Də Mabərkiziti 24:19

Yaŋ Yawe aslən məskəleŋɗe a weleŋti, vi dəsəɓ sitingini, dəmə'aŋgən azani, ya dəprəmnən met ɓa.

2Alabaraɗe Də Mabərkiziti 34:1

Yosiyas tay də wəzva dədopoɗo aka akkpaŋ məlyã, yaŋ azəm məlĩ wəzva kaklaw hoku kiyən taka a Yerusalem.

2Alabaraɗe Də Mabərkiziti 34:3

Addəv wəzva madədopoɗon nawzəm məlĩ nan, aka asan gawla ba'ə, ndən təŋ əkayan Maŋgəlva na Davit afəni. Addəv wəzva ma kəlaw kiyən sulan na, ndən təŋ əbbur gədəv Yuda gəm Yerusalem, azet gəleɗe-nettuyeŋge, Astera, zəgeɗkamaŋgəlva may zəgeɗ na təbəz məhisit dəhəs.

2Alabaraɗe Də Mabərkiziti 34:8

Addəv wəzva makəlaw kiyən dədopoɗon aka əzəm məlĩ nani, səza abbur heslepe səka dəlva gəm gəla na Yawe, Yosiyas slən əslən Safan wətən Asalya, Maseya məlĩ na walaŋgəla-metiŋ gəm məzuver Yo'a wətən Yowakaz, vi kawzaɓan gəla na Yawe Maŋgəlva nani.

2Alabaraɗe Də Mabərkiziti 36:15

Ya Yawe Maŋgəlva net efiŋgiɗit dəyə dawslən maslənɗe nan əsəɓ sit ɓa, vi ɗiy nan də təki nassa nan tahəŋ sãh arani.

Gəlyaɗe 81:13

nəppetik addoŋ də mekret ɓərəsɓərəsə: dəzbanən va mekret aɗɗumu!

Əgilye 8:20

Yawe aɗɗak vaska. Bembirɗe azzoŋguk gədak addəv gəla na Farawən, addəv gəleɗe net məɗɗaŋ wəza nani gəm aka dələv na Eziptə pakə; dələv arayək viyit bembirɗe.

Isaya 55:2

Vimi kədawzanən dala məza aka zəga an nazgəl ɗəfi ɓa, mənokum gəm əyan zukum ammba an aban na ɗəf ɓa di? Məprəma, məprəmwa, məzəm zəga moggoni, gəm əban zukum də da'asə.

Yeremiya 1:2

Yawe apel sənək aka pay na Yosiyas wət Ammon, məlĩ na Yuda aka əzva makəlaw kiyən hoku na wəzəm məlĩ nani.

Yeremiya 11:7

Vi nəsəɓsitik efiŋgiɗukum gala nəgilgit səka dələv na Eziptə, hã gap dəpaŋka, nəppan gabba əsəɓ sit dawnəh na: məprəm əpel nawa ɓa.

Yeremiya 19:15

An Yawe Məzuɓappak Maŋgəlva net mə Israyelɗe anah yaŋka: In yakəŋ əki tatwãh aka walaŋgəla-metiŋgiŋ dit walaŋgəleɗe nan pak va nənahə. Vi aɓɓəlanənək kiyti ka adaprəmən əpel naw ɓa.

Yeremiya 22:21

Nəpel sukuk aka kəsok kiyuk foŋgo, ya kənahək na: nəprəm na ɓa. Aski ədaw nok far səka gawloko; vi kəprəm maw ɓa.

Yeremiya 25:4

Yawe azbanək əslin sukum məɗɗaŋ wəza nan məskəleŋɗe məza əppan gabban dawslinit ɓa, ya kəprəmaŋ ɓa, kəpakən sləmokum vi kaprəmən ɓa.

Yeremiya 26:5

ka kaprəm əpel net məɗɗaŋ wəza naw məskəleŋɗe məs nəslən sukum məza əppan gabban ɓa, məs nədawslən sukum kaprimnin ɓaŋka,

Yeremiya 29:19

Adan dəprəmən əpel naw ɓa Yawe aɗiymani, ndəɗaŋ məs nəzban əslən sit məɗɗaŋ wəza naw məskəleŋɗe məza əppan gabban ɓa, ya yaŋ dəprəmaŋ ɓa.» Yawe aɗiymani.

Yeremiya 32:33

Akkpaŋgan suwənək doŋgbolti məza heret ɓa. Nəppan gabba ərbə sit zəga ɓa ya dəprəmən əyak ka kawrəh maɗɗula ɓa.

Yeremiya 35:14

Mətafni əpel na Yonadab wətən Rekab məs aɗi sit kirtin na: «kədawsaŋ mbazla ɓa, ya dəsaŋ ɓa hã dəpaŋka, aprəmənək an afit aɗi sit wən nani. Ya naw nəyək sam əpel sukum, kəprəmən maw ɓa.

Yeremiya 35:15

Nəbew dawslən sukum məskəleŋɗe məɗɗaŋ wəza naw pak azokum ɓa, əslinit dawnəh na: Ɗəf pak dəmil səka tive nan mbərayən, dəzaɓan wəza nan moggoni. Adazbet meŋgilveɗ meɓɓet kawgəɗ sit wəza ɓa. An kətafənka wakəssoŋ də gəla aka dələv məs nəpsukum anokum gəm sit efiŋgiɗkum. Ya kəpakən sləmokum ɓa, kəprəmwən ɓa.

Yeremiya 36:1

Aka əzva mopoɗo'ən na Yoyakim wətən Yosiyas məlĩ na Yuda aka məlyã, əpel na Yawe vanəŋ ade sənək Yeremiya dawnəh na:

Yeremiya 36:2

«Agəm ɗerewel məktəmən, kevergən əpel an nəpel suk aka Israyel, aka Yuda gəm aket ɗiy naket dəlveŋge pak təŋ səza pay nəpel suko, təŋ səza pay na Yosiyas hã gap pay dəpaŋka.

Yeremiya 44:4

Naw nəppan əslən sukum məɗɗaŋ wəza naw məskəleŋɗe ɓa, əslinit dawnəh na: Kədaɗɗaŋ zəga daryaw məs nəzel ɓa.

Yeremiya 7:13

Ya kakaŋ na, Yawe aɗiymani, adan kəɗɗetin wəzeɗes pakə, də nəpel sukum pay pakə zlaŋ na, kəprəmnən ɓa; də nəyukum zlaŋ na, kəzlanən ɓa.

Yeremiya 7:25

Təŋ səza efiŋgiɗit agilyoŋ sə Eziptə hã gap dəpaŋka, nəbew dawslin məskəleŋɗe gewleɗ naw ɓa.

Ezekiyel 33:4

Ɗəf dəprəm ɓaɓəlma gozloro, dula əssak va zəga azan ɓa: masalam wade wabaya, mbel nan akan adassoŋgu.

Zakarya 1:4

Kədassoŋ va efiŋgiɗkum en məskəleŋɗe maddaabəŋ adawyetin lahəŋ də wənahaŋ na: “An Yawe Məzuɓappak adawnəh yaŋka: Məmili, məppan tive nokum mbərayən də wəza nokum mbəraynəŋka,” ya dəprəmaŋ ɓa, dəzgaŋ sləma akaw ɓa, Yawe aɗiymani.

Markus 1:35

Pumpum nani Yesu alvəɗək də mompumo pumu, ambatək amapoho takərgəni, akkamək adaka.

Yohanna 8:2

Də mompum pum amilik addəv Gəla na Maŋgəlva, ɗiy pak azzoŋguk azani. Ndən ɗew, ayegeti.

Yohanna 8:47

Ɗəf dəde səza Maŋgəlva waprəm əpel na Maŋgəlva. Sən aski nokum kaprəmnən ɓa, vi kəzzoŋ səza Maŋgəlva ɓa.

2Timote 4:2

Arban wən na Maŋgəlva pay pakə, wasan sit lewi də asan sit na lew ɓa pakə. Arban sit mbərayən neti, aheyẽti, asəɓsiti, də əɓəs addəv əyaka.