Yeremiya 24:9 - Bible en Guidar

⁹ Wanəkkpeŋget ka zəga nawki geslne' metiŋgini, ka zəga na geslne' mbərayən viyit milyeŋge naka dələv pakə. Kawreti yi, kawyə siti gəlya, kawmasi aketi, əray wasan aket a təki məs nədeɓɓehit adak temtemi.

Yeremiya 24:9 ပူးပေါင်းရင်းမြစ်များ

1Milyeŋge 9:7

asna, wanərɓahan Israyel səka dələv nəpsənəŋka; wanəppan Gəla məs nəɗi aka iya nawəŋka, wanəzgan sə maharaw faraɗa, Israyel wakkpaŋ va zəga na mamba, va zəga nawmas net ɗiy pakə.

2Alabaraɗe Də Mabərkiziti 7:20

Asna wanəzargukum səka dələv məs nəpsukum, wanəzlambrakan gəla məs nəɗi ammba iya naw nak faraɗa səzawa. Asna, wanəkkpaŋgan ka zəga na mamba gəm va zəga nawmas akan aweleŋgit ɗiy pakə.

Gəlyaɗe 69:11

Nəhəmək də wəɗɗa meme, ya akkpaŋsuwək əra.

Isaya 43:28

Ndəni nərnoket deyeɗe naddəv gəla Salala, nəppanək Yakob addəv əraya, gəm Israyel addəv əra.

Isaya 65:15

Məweleɗe naw wayanən iya nokum addəv əsway neti, wanahaŋ na: «Kəta Yawe Maŋgəlva dəbayuk va ɗəf ana awaniɓa va na ɗəf anda!» Ya kawyeti məɗɗaŋ wəza naw də iya mbərni.

Yeremiya 15:4

Wanəkkpeŋget mbəreyit a maheret milyeŋge na dələv pakə. Vi Manase wətən Hizkiya məlĩ na Yuda sən an agəɗ a Yerusalem.

Yeremiya 19:8

Wanəzan walaŋgəla-metiŋginiŋka, wakkpaŋ təki məraygəni. Ɗəf dədawtoŋ də maŋgavan pak wageslne'i, gəm waggət aka an dəgəɗə.

Yeremiya 25:18

nəpsəntək Yerusalem, walaŋgəlaɗe gugriɗ na Yuda dit məlyeŋge nani, ɗiy gugriɗ nani, kakkpaŋget va kiməskiya, kafyok aketi gəm nawsla kiva əraygən ɗəf dənɗaŋ va pay dəpaŋgənənka.

Yeremiya 26:6

asna wanəkkpaŋgan gəlaŋ va təki nakkaman Maŋgəlva na Silo, wanəkkpaŋgan walaŋgəla-metiŋginəŋ va zəga naɗɗa mefɗeke amet ɗiy naka dələv pakə.

Yeremiya 29:18

Wanəzbet də masalam, də mayã gəm də gəbaymərma, wanəkkpeŋget ka zəga nawgeslnegit milyeŋge naka dələv pakə, ɗiy naket dəlveŋge məs nəɓɓeh adak pak waŋglaŋ sitin əraya, tatwãha, waggətaŋ aketi gəm waretini.

Yeremiya 29:22

Məket aka balam sə Yuda a Babilon pak wapeleŋ na mefɗeke də iya net dawnəh na: Yawe dəgəɗ suk va agəɗ sən Sedekiya gəm Akab məs məlĩ na Babilon azle akoffo.

Yeremiya 34:17

Vini Yawe anah vaŋka: Nokum kəprəmwən ka nawtəlma na, ɗəf pak dəppangən balam nan məs dəsan məlmən may meggen ɓa. Yawe aɗiyman na: inyakəŋ ətəlma nappokum ama masalam, ama gəbaymərma, ama mayã. Wanəkkpoŋgokum ka zəga narban gəslne', zəga narban geslne' sit milyeŋge naka dələv pakə.

Yeremiya 42:18

Vi aŋki an Yawe Məzuɓappak Maŋgəlva na Israyel anahə: Va ədagədəv naw gəm makraw turõh turõh azlalbay aket ɗiy na Yerusalem vaski makraw turõh turõh adawzlalbay akokum an kəddoŋguk a Eziptə, wakəkkpaŋgaŋ va zəga na mefɗeke, kawmasi akokum, kawpeli əpel nawraya gəm zəga net wili də iya nokum; ya Kulanən na ɗa təkiyəŋ ɓa.

Yeremiya 44:12

Wanəgim en dəmbraŋ sə Yuda, məs dəɗinən heret nawbat aka dələv na Eziptə kassa adaka, wagrakaŋ pak aka dələv na Eziptə. Waskotoŋ ama masalam, sən mayã. Wagrakaŋ təŋ səka muzliya gap ɗəf metiŋgin, wamtaŋ ama masalam gəm sən mayã. Wakkpaŋgaŋ zəga na mahanay, məreygit tipi, ka zəgeɗ net mefɗeke gəm zəgeɗ na əra.

Yeremiya 44:13

Wanəsil aket ɗiy en dəssoŋ aka dələv na Eziptə va nəsil aket ɗiy na Yerusalem də masalam, də əki mayã gəm gəbaymərma.

Yeremiya 44:22

Yawe dəɓap əɓəs daraw na wəza mbərayən nokum məs kəɗɗaŋ ɓa, aba zəga daryaw məs kəɗɗaŋgəŋ ɓa, ndəni dələv nokum akkpaŋ kiməskiya, hoŋhoŋ də mefɗeke məza ɗəf akan ɓa va pay dəpaŋkəŋka.

Ezekiyel 23:46

Vi vaŋ Daya Yawe anahə: «Vanday net ɗiy dəderze aketi, kappet sən geslne də popoho;

Ezekiyel 25:3

Kənah sitgən mə Ammonɗe na: Məprəm əpel na Daya Yawe. Vaŋki Daya Yawe anahə: Vi kəmasaŋgək kəɗek kəɗek aka gəla naw gala arayə, gəm aka dələv na Israyel gala arayə, may aket ɗiy na Yuda pay məsimgit aka balam.

Ezekiyel 26:2

«Wətən ɗəfa, adan Tir amas kəɗek kəɗek aka Yerusalem dawnəh na: Maddamba metiŋgin net ɗiy aŋgəslka! In nəpəl nawba, nan məbzluni yi!

Ezekiyel 5:8

Vini Daya Yawe anah vaŋka: In yakəŋ əzzaw akok tamə; wanətawwən akok a maheret dəlveŋge na guwa.

Əmsak aka Mahenziŋ 28:25

Yawe waddokok abet məzuzelɗe noko: dəka tive taka kədaddok azeti, wakənzoŋ səbet dəka tiveɗ temtem buhulu. An dəgəɗ akokəŋ wageslnegit milyeŋge naka dələv pakə.

Əmsak aka Mahenziŋ 28:37

Wakəkkpaŋ va zəga nawgeslne səni, wawlukun va zəga na mamba, wamasaŋ akok a təki Yawe Maŋgəlva nok adawkuk adakəŋka.