Yeremiya 23:5 - Bible en Guidar

⁵ Pay tay əzzani, Yawe aɗiymani, wanəsilgin zev Davit an təstəsə Wazəm məlyã, wagəɗ zəga də maɗɗula, də tiveni.

Yeremiya 23:5 ပူးပေါင်းရင်းမြစ်များ

2Samiyel 23:3

Maŋgəlva na Israyel dəpel suwa, milɓe na Israyel dəpeli: «Tay əzəm məlĩ aket ɗiy təstəsə, də geslne na Maŋgəlva adawzəm məlyã.

Gəlyaɗe 45:4

Aynan masalam nok agzeko, məs makrani, memetiŋ də gagdak noki yi.

Gəlyaɗe 80:15

Maŋgəlva Məzuɓappak, amndok ade kamə; azi horok sə disiŋ, awla. Azgə sləma aka guli na megezlembirkeŋka,

Gəlyaɗe 99:4

Gbogboŋ na məlĩ na, əŋglu zəga də tiveni. Istə kəsɓan əssa təstəsə. Istə kəɗɗa ədaw sarra də təstəs a Israyel:

Isaya 33:5

Yawe metiŋgini vi a disiŋ asani aknahək Siyon də wədaw sarara gəm wəɗɗa təstəsə.

Isaya 4:2

Pay dəpaska, zeŋve an Yawe agilgini, wasan moggoni gəm gagdak aka dəlva. Wakkpaŋ əmasa gəm ənnek azet ɗiy en dəndəwəɗaŋ na Israyel.

Isaya 42:6

Intə Yawe, nəyuk na addəv təstəs nawi yi. Nərmak voko, nəgukko, nəɗiykuk kəssokgən wənmiyna sit ɗiy nawa əkeɗeɗe net ɗiy naket dəlveŋge.

Isaya 45:24

Kawnəhi akaw na: Aza Yawe kaka' gbogboŋ də ədaw təstəs asani. Məzuzelɗe nan pak wamilyoŋ abani, wil wadenni.

Isaya 52:13

Awla wahhar ammba gawla nawa. Waɓayə, wasan metiŋgini, kawɗiyni kiyən diyɗa.

Isaya 53:10

Yawe dəŋgəl əŋgrofən də əzəmgən sahã. Səɓɓa appan kiyzən ka Maŋgəlva-məzaɓən nawvuyoŋ mambray na, wawəl uwa, payɗe nan wazzekeŋgi, əŋgla na Yawe waknahə.

Isaya 53:2

Vi aɓayək aban va wəlaŋga məgilyani, va siwere digil a təki məkuro. Aza ulan na, tay lalaw ɓa, awiɗ ɓa, aza əzəməɗ nan tamə tay məs dəgəm haram ɓa.

Isaya 9:5

Vi məwəsəmi wiyna, məpsəmi wiyin mizilin. Gagdak na məlĩ tay akani. Kawyani də iyaŋka: Məzusəɓ sən ɗəf va ndən tuwãhə, Maŋgəlva gbogboŋgo, afən an faɗə, Daya na zazaya.

Isaya 9:6

Waɓaygən gagdak na məlĩ nani, wapsən zazay gəm əzəm məlĩ məza əgrak ɓa sən Davit. Wasɓan aka məlĩ nani, watawwən net ɗiy təstəs aka tiveni, təŋ kakaŋka hã faɗə, aski an Daya Məzuɓappak adaɗɗa addəv əŋgla nani.

Isaya 9:7

Daya azkanək əpel nan aka Yakob, yaŋ abət aka Israyel.

Yeremiya 22:15

Mok aka ərban na temme kənan səzet milyẽŋge meɓɓet də ərka gəla nok də wəlaŋga ɓəɓəl sa? Afuk azəmka, asəka, atawək wən təstəs də tiveni, vini arah zazaya.

Yeremiya 22:3

An Yawe anah yaŋka: Məgəɗ təstəsə gəm an sarara, məmõh ɗiy en adappətaŋ səvet məzəppitetini. Kədawzəmgənən sahã na molhõyõ, mitiwe gəm gagəbay ɓa, kədaɗɗaŋ gəgay ɓa. Kədawbayən ɗəf də mazlibezlibe na man a təkiyəŋ ɓa.

Yeremiya 22:30

An Yawe anah yaŋka: Məver iya na ɗəfəs va tay də uwa ɓa, ɗəf məs ənziya nan dəhhar ammban ɓa vi ɗəf təttaka səddəv mazlalwan tay nawsan aka mazaŋga na məlĩ Davit kawzəm məlĩ aka Yuda əmpa ɓa.

Yeremiya 23:6

Aka pay nani, Yuda wakõhu, Israyel wasan kiyən foŋgo. Iya an adawyanən yaŋka: Yawe yi təstəs namə.

Yeremiya 29:11

Vi naw nəsənək an nədaɗɗum naɗɗa aka batamkum, zazay yi ɓa na tatwãhi ɓa, vi kapsukum əssa nokum nabe də əɗɗum nawga zəga, Yawe aɗiymani.

Yeremiya 30:3

Vi pay yaŋ əzzani, Yawe aɗimani. Wanəzaɓan wən net ɗiy naw mə Israyelɗe dit mə Yudeɗi Yawe anahə. Wanəmilgit aka dələv məs nəpsit efiŋgiɗti, wagəmnən ka neti.

Yeremiya 30:9

Waɗɗaŋ wəza sən Yawe Maŋgəlva neti. Davit nədawɗi sit ka məlĩ neti.

Yeremiya 31:27

Pay tay əzzani Yawe aɗiymani, wanəwan zev ɗəf titir gəm zev zəga mamayã aka dələv na Israyel gəm aka dələv na Yuda.

Ezekiyel 21:27

Aka van dəzəŋ, zəga naska heliki, Yerusalem yi, “nawziwgit zəgeɗ nabzlu gəla adaka, kawtəŋ əlpa naŋgroɓ ɗiyi, kaŋsla vaŋvəl nalpa, kawziwgit zəgeɗ nabzlu gəla heret sek aket maddambeɗe, kakkpot təkiya, kawso' vov nawɗama.”

Ezekiyel 34:16

An dəzə, wanəkayani; an dəgohu, wanəmndagani; məs tələn dəŋgəzlə, waniynani; məs gbəgba'a, wanəsɓani. Zəga mamayãn məkərən də an gbusgbus hara na, wanəzani; wanəteɗ va an dəslə.»

Ezekiyel 34:29

Wanəpsit gulyenge mogget məs ba'arə. May abey na ɗiy naka dələv nan əmpa ɓa; ɗiy-ɗar arbaŋ sitin na wil əmpa ɓa.

Ezekiyel 45:8

na dələv vani; dəsangən ka təki nan a Israyel. Vasna deyeɗe naw asərnən na met ɗiy naw əmpa ɓa; wapsitin dələv sit mə Israyelɗe hilfiŋgiɗti.

Daniyel 9:24

Mətaw siti lumu taka təl kaklaw buhul sit ɗiy noko də walaŋgəla-metiŋ nok salala, vi kawtak əggbak ma gəm kawziwgin mambraya, kavvuyon heslepe, təstəs dəsangən hã faɗə, vi ula də kəleŋ dəsoŋgən gesiŋ gəm kawpesl məwele an salala day.

Hose'a 3:5

Dərɓaga asna, mə Israyelɗe wamndoŋ wakayanən Yawe Maŋgəlva neti, gəm Davit məlĩ neti. Abe na, wakkpaŋgaŋ də əkker aza Yawe də moggon nani.

Amos 9:11

«Pay dəpas na: wanəsilgin guɗuk na Davit. An dəɓəsl na, wanəsuko, an diɓlu gəm an dəray na wanəsilgini, wanərkan va aka pay asan lahəŋka.

Mika 5:3

Wasili, wateɗ timeŋgiɗ nan də gbogboŋ na Yawe, də gagdak na iya na Yawe Maŋgəlva nani. Wassoŋ zay vi kawsənni mẽmẽtiŋ nan hã gap meŋge na dəlvafuŋ.

Zakarya 3:8

Aprəm ɗa Yosuwa, daya net məsdəlveŋge, is dit geleŋgiɗuk en dəssoŋ ɗewɗew aboko, vi ndəɗaŋgə ɗiy dədawlaŋ an nabe: Vi in yakəŋ əɗɗa ka məgəɗ wəza naw dədegini, iya nan na, Maməŋkənzeŋve.

Zakarya 9:9

Anneken zuk diyɗa, waŋ na Siyon! Aɗɗəl nanneken zuko, waŋ na Yerusalem! Məlĩ nok yaŋ tay əzzan azoko; təstəsi yi gambaray, avoŋgənək kini, apeŋgik aka koro, aka wət koro.

Matiye 2:2

Assohoŋ na: Aŋgay wiyən muwan nawsan məlĩ net mə Yudeɗiŋ di? Mulak ngərzla nan ambra pay nampum vini məde kawgagdakani.

Yohanna 1:45

Filip mbat ərəh Natanayel, aɓsən na: An məs Moyis aver wən nan addəv mahenziŋ gəm an məskəleŋɗe apeleŋ akan naka mərəhəka, ndəni Yesu na Nazaret wətən Yosef.

Yohanna 1:49

Yaŋ Natanayel azlan sən na: Mərbəzəga, istə Wətən Maŋgəlva, istə məlĩ na Israyel.

1Korintus 1:30

Dendəni, nokum, kəssoŋ addəv Yesu Kristu, məs dəkkpaŋ maɗɗula dəde səza Maŋgəlva vimə, gəm əmpa təstəsə, salala gəm əbite.

Ibriɗe 8:8

Vi əhãy adawhẽyẽti amna: Awle, Daya amna, pay tay əzzani, məs nədaynan wənmiyna meleketen dit ɗiy na Israyel gəm dit ɗiy na Yuda.

Hənhən 19:11

Yaŋ nula disiŋ kollo, pələs babar tay adak ziwwe, ɗəf nakan dawyanən na ɗəf təstəs gəm gesiŋ. Tay ətawwən gəm əlpa va an dəslə.