Yeremiya 23:3 - Bible en Guidar

³ Naw wanəkkelet gilew naw an dəppaŋ səket dəlveŋge məs nətreyet adak pakə. Wanəmilgit a təki nawtaɗ neti, wawanən kiyti, wanzləraŋgə.

Yeremiya 23:3 ပူးပေါင်းရင်းမြစ်များ

Gəlyaɗe 106:47

Akõhgəmə, Yawe Maŋgəlva namə: akkalam səret ɗiy-ɗarə. Vasna waməɗi ki iya nok salala, waməgagdakan zəm də wəɗi kiyko.

Yeremiya 16:15

Kawnəhi dərəŋ na, də iya na Yawe madaran məs dəmilgit mə Israyelɗe səka dələv na kəla disiŋ gəm səket dilveŋge məs aɓɓehet adak pakə, wanəmndeget aka dələv net məs nəpsit efiŋgiɗti.

Yeremiya 29:14

Wanəppan zu kərəhwəngəni Yawe aɗiymani, wanəzaɓan wən nokum gəm wanəkkolokum səket dəlveŋge də sə təki temtem məs nərɓokum adakəŋ pakə Yawe aɗiymani, wanəmndogokum a təki məs nəsimgukum sədaka.

Yeremiya 30:10

Is Yakob gawla nawa, kəgeslne ɓa Yawe aɗiymani; Israyel kəkker ɓa, vi inyakəŋ kawkõhguk sə faraɗa gəm kirtuk səka dələv an məket aka balamə. Yakob wamili wasan kiyən foŋgo məza əɗɗum ɓa; ɗəf tay nazlzlaɓan ɓa.

Yeremiya 30:3

Vi pay yaŋ əzzani, Yawe aɗimani. Wanəzaɓan wən net ɗiy naw mə Israyelɗe dit mə Yudeɗi Yawe anahə. Wanəmilgit aka dələv məs nəpsit efiŋgiɗti, wagəmnən ka neti.

Yeremiya 31:7

Vi vaŋ Yawe anahə, məŋgəsl vaŋvəl nannek sən Yakob, mənnek babyak-babyak sən daya naket dəlveŋge, mərban ənnek nokum, məgagdakani, mənah na: Yawe, akõhgit ɗiy noko, madambirgit na Israyel.

Yeremiya 31:8

In yakəŋ əkiyit səka dələv na kəla disiŋ wanəkkelet hã səket meŋge na dəlva. Aweleŋti, deŋgerɗe, vədalɗe, gil en də daway dit en məɓayaŋ uwa sapə vanday metiŋgin dədawmilyen aŋka.

Yeremiya 32:37

In yakəŋ əkkelet səket dəlveŋge məs nətreyet adak pak də ədagədəv nawa gəm dit herɗe nawa, də makraw fuyõfuyõ. Wanəmndeget a təkiyəŋka, wanəɗɗa dəssoŋgən kiyit foŋgo.

Yeremiya 46:27

«Is Yakob, gawla nawa, kəgeslne ɓa; kəkker ɓa, Israyel, vi in yakəŋ əkõhguk sə faraɗa. Gəm kirtuk səka dələv na balam neti. Yakob wamili, wasan kiyən foŋgo, wasan məza də əɗɗum ɓa, ɗəf tay nattapan ɓa.

Yeremiya 50:19

Wanəmndagan Israyel a təki nawtaɗ nani. Wataɗ aka Karmel gəm aka Basan; aka mossorgo metiŋ na Efrayim gəm a Galad, wabə.

Yeremiya 8:3

Ɗiy en dəppaŋ səmmbet ɗiy mbəreytiŋki, a təki məs nətreyet pak wanahaŋ na, dəɗah sit əmta ki əssa egge, Yawe Məzuɓappak aɗiymani.

Ezekiyel 11:17

Vini, anah na: Vaŋ Daya Yawe anahə: Wanəkkolokum sə weleŋgit ɗiyi, wanəsapokum səket dəlveŋge məs nətəraygukum aketi; wanəpsukum dələv na Israyel.

Ezekiyel 36:11

Wanəwet ɗiy dit zəgeɗ memeyẽɗ akokum; wassoŋ diyɗa, wawaŋgə, wanəkkpaŋgokum hõyõ'hõyõ' va lahəŋka, wanəpsukum ərəh day ki lahəŋka; wakəsənnən na, intə Yawe.

Ezekiyel 36:24

Wanəgəmkum səret ɗiy-ɗarə, wanəkkolokum səket dəlveŋge pakə, wanəkiykum aka dələv nokumu.

Ezekiyel 36:37

Vaŋ Daya Yawe anahə: An nədaɗɗa yaŋ əmpa: wanəppan zu mə Israyelɗe dəkayawəngən vi kaɗɗa an aŋglaŋgə, wanəwet diyɗa va gilewi.

Məsdəlveŋge 26:9

wanəkkpaŋ kəla zokum, wanəpsukum uwa, wanənzlər gukum; wanərma wənmiyna naw də mənokum;

Mika 2:12

Wanəkkolokum gərak mənokum ɗiy na Yakob, wanəkkelet mə Israyelɗe dəppaŋ medereti. Wanəsopokum va gilew a gazlaŋ va wasli a mawtaɗa. Wakəssoŋ ɗiy məɗɗaŋ hoyohoyo.

Mika 7:12

Pay nan dəpaska kazzoy anokda sə Asiri gəm sə walaŋgəleɗe gugriɗ na Eziptə, sə Eziptə gəm sə ma məlpa, sə ma pehe hã ama pehe mbərən, gəm sə mossorgo metiŋ aza mossorgo metiŋ.