Yeremiya 23:2 - Bible en Guidar

² Vini Yawe Maŋgəlva na Israyel apel aka wən net məzuteɗeŋɗe məzuteɗnin ɗiy nan vaŋka: Nokum kəppetinik gilew naw ətrayaŋgə, kəzetinke, kəzgaŋ sləma aket ɓa. Naw in yakəŋ əsilyew akokum sən daraw na wəza nokum, Yawe aɗiymani.

Yeremiya 23:2 ပူးပေါင်းရင်းမြစ်များ

Əgilye 32:34

Ya kakaŋ na, doko! Ake ɗiy a təki nənoh suko, maslay naw yaŋ wambat aboko. Ya pay nədaɗɗum aka wən nan na, asna wanəzge'sit aka mambray neti.»

Yeremiya 10:21

Vi ɗiy gugriɗ pak mətemtiŋgə, dəkayanən Yawe ɓa, vini, dədaw ammbet ɓa, gibek net atrayək pakə.

Yeremiya 11:22

Vi vaski Yawe Məzuɓappak anah na: «In yakəŋ əsilyaw aketi. Gewleɗ wamtaŋ a ma masalam, kirtit mezeŋgleket dit muguluŋgit wamtaŋ sən mayã.

Yeremiya 13:17

An kəprəmən əzga'əs ɓa, wanəhəm mahaɗama sən əkaɓ nokum, wanəmet sini, haraw wasan zletzlet dit sini, vi məkani gazlaŋ na Yawe aka balamə.

Yeremiya 13:20

Məsilgin horokum mule ɗiy en dədazzoŋ sə kəla disiŋ. Ngay gazlaŋ net gilew məppan avok lahəŋ məzənnek zukuŋ di?

Yeremiya 13:21

Mə kədawnah pay adawgayaŋ də is di? Kəsərəkgitik də bayna nok ka kiyko, Kəttəman na tatwãh va guluk məɓay uwa ɓa sa?

Yeremiya 17:10

In Yawe in tat ula an dəsan a makra ɗəfa, in tat əkoson əɗɗumo. Wanəfaɗ sən naway pak va aza ədaw nani, gəm aza wəza nani.

Yeremiya 21:12

Zev Davit: An Yawe anah yaŋka: Aza va addaŋ pak məgəɗ moggoni. Məmõh məs adappətaŋ səmmba va məzəppətni. Vas ɓa na ədagədəv naw wagil va offo məzuzla, məza ɗəf tay namtan ɓa, vi wəza daryaw nokum.

Yeremiya 23:34

Ya an məskəleŋgi, məsdəlva awaniɓa ɗəf səret ɗiy dənah na: Əpel na Yawe zəga miynan nawslay yi na, asna wanətawwən aka ɗəf van də gəla nani.

Yeremiya 44:22

Yawe dəɓap əɓəs daraw na wəza mbərayən nokum məs kəɗɗaŋ ɓa, aba zəga daryaw məs kəɗɗaŋgəŋ ɓa, ndəni dələv nokum akkpaŋ kiməskiya, hoŋhoŋ də mefɗeke məza ɗəf akan ɓa va pay dəpaŋkəŋka.

Yeremiya 5:29

Nəhãy na aka wən net zəgeɗis ɓa sa? Yawe aɗiymani, gəm nəmpəl na kiya aket ɗiy məɗɗaŋ zev as ɓa sa?

Yeremiya 5:9

Nəhãy na aka wən net zəgeɗis ɓa sa? Yawe aɗiymani, gəm nəmpəl na kiya aket ɗiy məɗɗaŋ zev as ɓa sa?

Yeremiya 8:12

Wil adetinke vi zəga narba wil aɗɗaŋgə, Wil dədetin ɓa, dəsənaŋ zəga wil ɓa, Vini waskotoŋ aret ɗiy en dədaskotoŋgu; Pay nədassõh an aɗɗaŋgə waskotoŋgu Yawe anahə.

Ezekiyel 34:5

Atərayaŋgək vi məzutaɗa tay ɓa, akkpaŋgaŋgək ka zəga nawzəm net zəgeɗ nawra.

Hose'a 2:13

Wanəɓətgən ənnek nat pakə, wəzləra nata, təlaper də pay naffet nata, gəm dit wəkkalɗe na wawya nata.

Mika 7:4

Ɗəf məs ədaw nan moggon səret tay va dewrege, ɗəf təstəs naret adayək kiy ŋgərəɓ net gedirgeɗi. Pay na tatwãh nan tay əzzani pay nan dəgapə. Kakaŋ pay nattap neti yi!

Zakarya 10:3

Aket məzuteɗeŋɗe gədəvu adə, aket porsokɗe nədawsilyewa. Vi Yawe Məzuɓappak azgək sləma aka gazlaŋ nani, gəla na Yuda. Akkpeŋgetik va pələs narban gagdak nan a ma əlpa.

Zakarya 11:16

Vi wanəsilgən məzutaɗa maɓɓan aka dəlvəŋka: wən nan tay də an dəhhi ɓa, akayan na an dəzə ɓa; aynan na təl an dəŋgəzl ɓa; an məs petpeti, azəmgən na ɓa. Wampər slu net en məkirti, wappoŋ eperkeperke tilti.»

Matiye 25:36

Zu mekeleŋ, kəgul suwənək lukutu, nəsawək gbəgba'a kəzzoŋguk uluwəni, nəsawək a fərsəna kəzzoŋguk azawa.

Matiye 25:43

Nəsawək malaka kətafwən ɓa, zu mekeleŋ kəguloŋ suwən lukut ɓa, gbəgba'a mãy a fərsəna kəzzoŋ uluwən ɓa.

Yakob 1:27

Aba Maŋgəlva Afən na, əzba an dəslə yaŋka: əzga sləma aket mitiwɗeŋge gəm aket gil net gəbayɗe addəv əzəmsãhã neti, gəm ətaɗ kizə ɗəf ka adawraygən zən dit zəgeɗ negge ɓa.