Yeremiya 22:6 - Bible en Guidar

⁶ Vi an Yawe anah aka gəla na məlĩ na Yuda yaŋka: Law kənan azaw va Galad va ki Liban, wanəkkpaŋgok kapta-muyã walaŋgəla-metiŋ məs ɗiy nan tahəŋ akan ɓa.

Yeremiya 22:6 ပူးပေါင်းရင်းမြစ်များ

Va'Atəŋ 37:25

Yaŋ assoŋ kawzəma. Heret le'gən na, awlenin mə ismayelɗe yeŋ əzzoŋ sə Galad, dit zlogomeɗ net məzukiyaŋ makarɓaɓay, telembe, gəm timbe məs məŋginit nek kawtoŋgit a Eziptə.

Gəlyaɗe 107:34

dələv məs ba'ar ka təki mukuro, vi mbərayən net ɗiy nakani.

Gəlya net Gəlyaɗe 4:1

Gamaralək kənanə, gəraw na makrawa, gamaralək kənanə! Harok na biŋgeɗ na mahaŋgə ara məsərət kiya noko. Muhur kiyuko tay va gazlaŋ net gilew məzəprikeŋ də kakara səka mossorgo na Galad

Gəlya net Gəlyaɗe 5:15

Tələn dədəka na ɗoroy məkrəkən aka gabban na meleŋge saksakə. Məɗa haran tay va Liban: Məwele va Mugugulo.

Isaya 27:10

Vi walaŋgəla-metiŋ gbogboŋ wasan də mani, va təki nawtaɗ məppan firik va Kapta-muyã. Kirtit wasliɗe wataɗaŋ adaka, wadikeŋ adaka wazəmən vet geslemɓeɗi.

Isaya 37:24

Də met maslənɗe nok kəran Daya. Yas kənah na: Də diya net mawteɗ nawgay naw nəpeŋ aka dadwar kiyit mossorgoɗe gugriɗe addak Liban, vi kawbəl wəleŋɗe ɓəɓəlɗe məɓeyti kawbəl wəleŋɗe məwele lelewɗe. Wanəgap a metteɓere, anet wəleŋɗe nan ngərəɓə.

Isaya 6:11

Ndəni nəttokku: Hã dewe di Daya? Azlanək na: Gap walaŋgəleɗe gugriɗe mbo'oŋgu, ɗiy assoŋ na addəvən ɓa, ɗəf taka asan na addəvit gəleɗe ɓa, dəlvafuŋ wasan va kapta.

Yeremiya 21:11

Anah sən gəla na məlĩ na Yuda na: aprəm an Yawe anahə,

Yeremiya 21:14

Wanətaw wən aka wəza nokum Yawe aɗiymani. Wanəɗi offo sit wəleŋɗe rəɓ nani wazlzlir tutu'u.

Yeremiya 22:24

Va nəsaw madarawa Yawe aɗiymani: Kəta is Koniya wətən Yoyakim, məlĩ na Yuda asok va ndama aka vaw dəzəŋ zlaŋgə, wanəggbukko.

Yeremiya 26:18

Aka pay na Hizkiya məlĩ na Yuda, Mika, ɗəf na Moreset məgəɗ kəleŋ apel sitik ɗiy na Yuda baymet də wənah na: An Yawe Məzuɓappak anah yaŋka: Siyon wakkpaŋ guli minseni, Yerusalem kiməskiya, gəla nakkam məɓayən wakkpaŋ wəleŋɗe kpəŋgə.

Yeremiya 4:20

Tay ənahaŋ na əza aka əza, vi dələv pak azəka. Gurzik ləŋ mipiwwet gizlirkeɗe nawa, hara ɗəf pilim taka ləŋ mipiwwet məzlaraɗe naddəvit gizlirkeɗe nawa.

Yeremiya 4:7

Ɓoolu agilik səddivit geslembeɗi, məzet ɗiy tay aka tive, agilik səgəlani vi kawzan dələv noko. Kaɓzluti walaŋgəleɗe noko, ɗiy assoŋ na addəvit ɓa.

Yeremiya 50:12

Wil tay ədətən mokum diyɗa mərbəsəti wil sət akən təwukum: ndəttə dərɓe faɗ sədəmbet ɗiy-ɗarə kpaŋ kapta-muyã, dələv məkuro gəm təki warwarə.

Yeremiya 7:34

Wanəɓətgən gəlya nanneke gəm nawbabyakan zə ɗəf sə waleŋgit gəleɗe gugriɗ na Yuda gəm səket tiveɗ na Yerusalem gəm gəlya net kirin dəgəmən ziti, vi dələv wasan kiməskiya.

Yeremiya 8:22

Miha' nawɗan gəla əssa tay a Galad ɓa sa? Awaniɓa zloktor tay adak ɓa sa? Vimi huwwa net ɗiy naw anzaɗ ŋgbəlay ɓa di?

Yeremiya 9:11

Naway ɗəf məsmaɗɗula naprəm gabba wənəs di? An Yawe apel sənək na dərban sit ɗiy na, vimi dələv azə, məɗi sən offo kpaŋ va kapta-muyã ɗəf awtoŋ dədak ɓa di?

Mika 3:12

Aka wən nokum Siyon wakkpaŋ guli minseni, Yerusalem kiməskiya, gəla nakkam məɓayən wakkpaŋ wəleŋɗe kpəŋgə.

Zakarya 11:1

Liban akol maddambeɗe noko, offo dəzimgin muguguleɗ noko.

Əŋɗa 32:1

Kirtin Ruben dit kirtin Gad tahəŋ dit gazlaŋɗe ɗəkɗəkə. Aza ula dələv na Yazer gəm dələv na Galad, arəhənək na, kivadələv nan aslək aza təki nawtaɗa.

Əmsak aka Mahenziŋ 3:25

Kamə, nəggar nula dələv moggon dəsan dəgar ki Yurden əŋka, ki mossorgo moggonəŋka gəm Liban!»