Yeremiya 22:3 - Bible en Guidar

³ An Yawe anah yaŋka: Məgəɗ təstəsə gəm an sarara, məmõh ɗiy en adappətaŋ səvet məzəppitetini. Kədawzəmgənən sahã na molhõyõ, mitiwe gəm gagəbay ɓa, kədaɗɗaŋ gəgay ɓa. Kədawbayən ɗəf də mazlibezlibe na man a təkiyəŋ ɓa.

Yeremiya 22:3 ပူးပေါင်းရင်းမြစ်များ

2Samiyel 23:3

Maŋgəlva na Israyel dəpel suwa, milɓe na Israyel dəpeli: «Tay əzəm məlĩ aket ɗiy təstəsə, də geslne na Maŋgəlva adawzəm məlyã.

2Milyeŋge 24:4

gəm viyit mbel net ɗiy en də mezlibezlibe na met aziyə məs aknəh Yerusalem dənɗaŋ məs Yawe dəŋgəm əvvuyon ɓa.

Ɗerewel na Yob 22:9

Kərɓehik gil net gəbayɗe vet halayhalayə, gəm kəddeketik mitiweɗi.

Ɗerewel na Yob 24:9

Tay əmõhnin mitiweɗ na gəgay səmet bide, tay ətafaŋ zəga taf bas səva məssahã.

Gəlyaɗe 68:5

Miyə sən gəlya sən Maŋgəlva, məlvan iya nani; məkol tive sən məs dəsan kərəkka aka slaybuwna. Iya nan na: Yawe; mənneken zukum abani.

Gəlyaɗe 82:4

məpəl məssahã də məzuraya, məkõhgit səvet məsdarawɗe.

Gəlyaɗe 94:21

Tay əkkalaŋ aka ɗəf an təstəsə, ɗəf an dəsən akan ɓa, ənəhaŋ na araygənka.

Gəlyaɗe 94:6

tay əŋgrofnin: Ga gəbay də molhõyõ, tay əbeynin mitiwɗe.

Əgilye 22:21

Ga gəbaya də mitiwe pak kəzəmgitin sahã ɓa.

Əgilye 22:22

An əzəm kədawzəmgit sahã, an ahəmaŋ suwənka, wanəprəm əhəm neti,

Wənməkkpaŋga 23:10

Kədaddergit meŋge məzvet ɓa, kədarsla guli net mitiweɗ ɓa.

Wənməkkpaŋga 6:17

Ula na əkuwa, herzləm ɗəf məwə wəna, va ɗəf məzi mbel na ɗəf də mezlibezlibe na man,

Isaya 1:23

Ɗiy gugriɗ nok mitemtiŋgə, met təp dit məhelɗeŋgeŋ, naway pak tay əŋgla zəga na mekeleŋ, tahəŋ əzban zəga naɗɗa soko, aɗɗaŋ təstəs sən mitiwe ɓa, wən nat gagəbay awgepit ɓa.

Isaya 58:6

Aŋki əɗɗa meme an nəŋgələ, əpil ngiyamɗe səka tilit ɗiy məs miynet na Darawə. Əpəl helegeɗ sulet ɗiy məɓrukit dəssoŋgən də meti, wənzlu zuk səma wəleti.

Isaya 58:7

Uɗakan way nok də ɗəf məs may adawda, əkol metive nok sit məssehẽŋɗe, an kəwələk ɗəf məza lukut azan ɓa, apsən əgulo, kədawgo' zuk səza məlmuk ɓa.

Yeremiya 19:4

Vi azgawənka, araygənənək təkiyəŋ də əzla tursan sit meŋgilveɗ meɓɓet məs ndəɗaŋ zək net dəsinnin ɓa, efiŋgiɗit ɓa, milyeŋge na Yuda ɓa. Aknahənək təkiyəŋ dit mbel net ɗiy məs də mezlibezlibe na meti.

Yeremiya 21:12

Zev Davit: An Yawe anah yaŋka: Aza va addaŋ pak məgəɗ moggoni. Məmõh məs adappətaŋ səmmba va məzəppətni. Vas ɓa na ədagədəv naw wagil va offo məzuzla, məza ɗəf tay namtan ɓa, vi wəza daryaw nokum.

Yeremiya 22:17

Ya nok horok də mokrok pak aka ərəh noki, gəm aka əggbo' mbel net ɗiy en də mazlibezlibe na meti, aka əsər met ɗiyi gəm aka əɗɗa darawi yi.

Yeremiya 26:16

Yaŋ ɗiy gugriɗ dit ɗiy pak anah sitin məsdəlveŋge gəm məskəleŋɗe na, ɗəfəŋ dəslə nawbay ɓa vi də iya na Yawe Maŋgəlva nam apel səmə.

Yeremiya 5:28

mikirit lokoɗok lokoɗoku. Akkaɗaŋgək ki meŋge na mambraya. Aɗɗaŋ zəga təstəs ɓa, azgaŋ sləma aka mitiwe ɓa, tay əɓayaŋ addəv əraha. Abbahaŋ sənən məzuray ɓa.

Yeremiya 7:23

An nəpel sit dərəŋ na, dəprəməngən mawa, asna wanəsaw Maŋgəlva nokum ya wakəssoŋ ɗiy nawa. Nəɗi sukumuk wən nan kəzbanəngən tive nawa, ka zazay dəsan sukumgəni.

Yeremiya 9:24

Yawe aɗiyman na, pay wade in kawtawwən aket ɗiy en dəskəlaŋ awra na gəɓa ziti:

Əɓuhma 3:36

an tay əraygənən wən na ɗəf aba wətawwən na, Yawe nan awlan ɓa sa?

Ezekiyel 18:12

Tay əsər ma məssahã gəm ɗəf məzəmsahã; tay əhãla; amndan zəga an ataf bas aka dəmən nan ɓa; tay əppan kiyzən sit meŋgilveɗi; tay əɗɗa zəga daryawə.

Ezekiyel 18:7

Awsər ma ɗəf ɓa; tay əmndan zəga an ataf bas aka dəmən nan sən afəni; awmõh zəga na gagay ɓa; tay əpsən way nan sən məs may adə; tay əgulsən lukut sən ɗəf məs nan tay ɓa.

Ezekiyel 22:7

Tay əzeletin may efit dət met anokda; tay əsərnən ma molhõyõ anokda, tay əsərnən met may mitiwe dət gagəbay anokda.

Ezekiyel 45:9

Vaŋ Daya Yawe anahə: Məki, deyeɗe na Israyel! Məppan gagay də əmõhẽt ɗiyi, məgəɗ an dəslə gəm an təstəsə; məppan əmõhẽt ɗiy nawa, Daya Yawe aɗiymani!

Məsdəlveŋge 19:15

Kədataw wən də vurum ɓa: kədabbah sən ɗəf məssahã gəm ɗəf gagdak ɓa, ataw wən aka məlmuk təstəsə;

Amos 5:15

Məzel mbərayən, məŋglu moggoni. Məziwgin wən də tiven a təki ətawwəna, Asna kuzuŋ, Yawe Maŋgəlva Məzuɓappak, wawəlsahã aket mambirgit kirtin Yosef soko.

Amos 5:24

Ɗəɗah wən də tiven dədaw va iŋkile gəm təstəs dəsan va məlpa məs akkpa' ɓa.

Mika 3:11

Ɗiy gugriɗ tay ətawənwən ammba əraha; məsdəlveŋge tahəŋ ərbanən wən ammba ərəha məskəleŋɗe tahəŋ əskaŋ helig vi kawrah koɓeɗi. Də as pak tahəŋ əziw aka Yawe də ənah na: Yawe tay a walaŋgəm ɓa sa? Tatwãh ade na akam ɓa!

Mika 6:8

Mənah suki an dəslə is ɗəfa, an Yawe adawkayan azok na: zəga mbərni balsən wəɗɗa təstəsə əŋgla moggoni əsla zuk ədaw də Maŋgəlva noko.

Malakiya 3:5

Wanədder azzokum vi kawtaw wəna. Wanəsaw məziwe nawgəm zən əpel aket məɗɗaŋ tetele, aket məkuwa a gizbe, aket əswayɗe na tepelke, aket ɗiy məzutakən hanza na məgəɗ wəza, nat gagəbaya gəm na mitiwe, məzəzəmgənən sahã na molhõyõ gəm en awgeslne'eŋ suwən ɓa, Yawe Məzuɓappak anahə.

Matiye 23:23

Əray akokum, munokum mərbaŋ-mahenziŋ dit Farisaɗe, məs muluvuluvuɗe. Munokum tat əpsənən kəlaw na zəga nokum sən Maŋgəlva səzet teɓ net zeŋgeli, teɓ na anisa, teɓ na algaru, ya munokum tat əzgətaŋ kiy wən an metiŋgin naddəv mahenziŋ əɗɗa an dəslə, də ulasahã, də ətafa. Eskiŋ zəgeɗ nazba pay pakə. Ya kədawgəsetin meɓɓet ɓa.

Əmsak aka Mahenziŋ 10:18

Mətaw wən net mitiweɗ dit gil net gəbayɗe təstəsə, məzəŋglu molhõyõ də əpsən wəzəm gəm lukutu.

Əmsak aka Mahenziŋ 24:17

Kədawzan təstəs na molhõyõ awaniɓa na mitiwe aba wətawwən ɓa. Kədawtaf lukut nat gagəbay taf bas aka dəmən ɓa.

Əmsak aka Mahenziŋ 24:7

An mərahi ɗəf dəhãl ɗəf səret milmiŋgiɗin mə Israyelɗe, kawɗiyən ka balamə, may kawvəlni, vasna kawbayni mahãlaska, vas kədawgilgin mbərayən sə walaŋkum.

Əmsak aka Mahenziŋ 25:1

An ɗiy tahəŋ də wən a weleŋti, wazzoŋ aba ətaw wəna, mətawan wən wataw siti; asna karbani na, ɗəf an təstəs na təstəsi, ɗəf an dəraygəni, araygənəka.

Əmsak aka Mahenziŋ 27:19

«Wəray dəsan aka ɗəf məzuzan təstəs na molhõyõ, na mitiwe gəm nat gagəbaya!» Ɗiy pak dəzlanəngən na: «Dəsan vaska!».

Yakob 1:27

Aba Maŋgəlva Afən na, əzba an dəslə yaŋka: əzga sləma aket mitiwɗeŋge gəm aket gil net gəbayɗe addəv əzəmsãhã neti, gəm ətaɗ kizə ɗəf ka adawraygən zən dit zəgeɗ negge ɓa.