Yeremiya 22:26 - Bible en Guidar

²⁶ Wanəzgok dət mok məs təwuk aka dələv maɓɓani. Dələv məs məwukumi adak ɓa, adak kədamtaŋgə.

Yeremiya 22:26 ပူးပေါင်းရင်းမြစ်များ

2Milyeŋge 24:15

Akak Yoyakin aka balam a Babilon, dət ma məlyã, gil na məlyã, deyeɗe net məzəlpaŋ nani, ɗiy tektek naka dələv vani; ake sə Yerusalem aka balam a Babilon.

2Milyeŋge 24:8

Yoyakin tay də wəzva kəlaw kiyən dodopoɗo, pay akkpaŋ məlyã, azəmək məlĩ a Yerusalem təla hoku. Iya nat man na Nehusta, wətən Elnatan na Yerusalem.

2Milyeŋge 25:27

Aka əzva makaklaw hoku kiyən buhul səza məka Yoyakin məlĩ na Yuda aka balam, aka təla makəlaw kiyən sula də əvoŋ kaklaw sula kiyən buhul na təla, Evil-Merodak məlĩ a Babilon, aka əzva an agəm məlyã, awlak sasãh Yoyakin məlĩ na Yuda, agilgin sə fərsəna.

2Milyeŋge 25:29

Addəɗet sinik lukutɗe na fərsəna, azəmək way ɗayɗay aban pay nanziya nan egge pakə.

2Milyeŋge 25:30

Əzəm nan an ɗayɗayə, məlĩ dədapsən səvan pay pak pay nanziya egge nan pakə.

Isaya 22:17

Awla, Daya warɓohoko ɗəfa, iyna adaynok lewlewi.

Yeremiya 10:18

Vi aŋki an Yawe anahə: in yakəŋ əzget ɗiy naka dələv va də məbəŋbəŋga; aka aŋ na wanəmbese adawkõhoŋ ɓa.

Yeremiya 13:18

Anah sən məlĩ dət ma'ãyə̃k nan na: Məɓe'gin kiyzukum, məssoŋ afuŋ vi kulpup na gagdak nokum dədannek zukum abətək səkokum.

Yeremiya 16:13

Ya wanəndolkum səka dəlvəŋ aka dələv məs mənokum dit efiŋgiɗkum kəsənnən ɓa. Wakəɗɗaŋ wəza sit meŋgilveɗ meɓɓet dəfəɗ də kapay pak adaka, vi naw nəwəl na sahã akokum ɓa.

Yeremiya 22:27

Wakəŋglaŋ əmilye aka dələv nokum ya kəɓapen na ɓa.

Yeremiya 28:4

Gəm wanəmndagan Yekoniya wətən Yoyakim məlĩ na Yuda dit ɗiy en məsimgit sə Yuda a Babilon aŋka Yawe aɗiymani, vi wanəŋzlu zuk na məlĩ na Bibilon.

Yeremiya 29:2

Səza məlĩ Yekoniya, ma'ãykə ɗiy gugriɗ na wəza nani, deyeɗe na Yuda dit en na Yerusalem, məsənaŋ əzaɓ zəga, məzaɓaŋ məslakata na maddamba agilyoŋ sə Yerusalem,

Yeremiya 44:14

Səmmbet ɗiy en dəppan mederet na Yuda məs dəzzoŋ əsso aka dələv na Eziptə, ɗəf tay nawkõh kazzo aka dələv na Yuda məs adaɗɗumoŋ nawmilyeŋ kasso adak ɓa, vi amilyoŋ na ɓa abbər ɗiy en dəndəwəɗaŋ ɓa.