Yeremiya 22:21 - Bible en Guidar

²¹ Nəpel sukuk aka kəsok kiyuk foŋgo, ya kənahək na: nəprəm na ɓa. Aski ədaw nok far səka gawloko; vi kəprəm maw ɓa.

Yeremiya 22:21 ပူးပေါင်းရင်းမြစ်များ

2Alabaraɗe Də Mabərkiziti 33:10

Ndəni Yawe apel sən Manase dit ɗiy nani, ya dəɗɗaŋ maɗɗula ɓa.

Gəlyaɗe 129:1

Gəlya nawpəŋ ədda əkkam a Yerusalem. Asərnənək maw təŋ səka gawlawa, Israyel dəmsak ənahən:

Wənməkkpaŋga 30:9

vi nədawba ka in kawzelok də ənəh na: Naway Yawe di ɓa? Gəm nədakkpaŋ məssãhã in kawhala kawraygən iya na Maŋgəlva naw ɓa.

Isaya 48:8

Kəprəmənən ɓa, kəsənənən ɓa, kəpakən sləmokum ɓa. Vi nəsənək na əzəm kiya kədawzəmaŋgə, məɓoŋkum kənanaŋ far adawyukumən səddəvət mokum.

Yeremiya 13:10

Ɗiyəŋ mbəreytiŋ məzuɓoŋgoŋ daprəm əpel nawəŋ, məzəzbanən əɗɗum na mekretiŋ, məzəzbetin meŋgilveɗ meɓɓet kawgəɗ sit wəza gəm kappu' abetiŋki, dəkkpaŋgaŋ va helege na gizeŋ məs atər na kpak ɓaŋka!

Yeremiya 19:15

An Yawe Məzuɓappak Maŋgəlva net mə Israyelɗe anah yaŋka: In yakəŋ əki tatwãh aka walaŋgəla-metiŋgiŋ dit walaŋgəleɗe nan pak va nənahə. Vi aɓɓəlanənək kiyti ka adaprəmən əpel naw ɓa.

Yeremiya 2:25

Asla zuko, vas ɓa na wakəsok mədaw tuluk mekeleŋ ma wulok waŋkəl sit meme! Yaŋ kəzlan na: Agəɗ na ɓa, vi nəŋgluwik meŋgilveɗ melekeɗi, wanənzaw ammbeti.

Yeremiya 2:31

Mənokum ɗiy en kakaŋka, məprəm əpel na Yawe! Nəkkpaŋgək va kapta-muyã aza Israyel sa? Awaniɓa va dələv ara guzli sa? Vimi ɗiy naw anahaŋ na: «Na kiyəm mənani məmil na azok əmpa ɓa di?»

Yeremiya 25:3

Təŋ səza əzva kəlaw kiyən hoku na Yosiyas wətən Ammon məlĩ na Yuda hã gap pay dəpaŋka agəɗək əzva kaklaw sula kiyeŋ hoku, nəpel sukumuk əpel an Yawe apel su məza əppan gabban dawpelin ɓa, ya kəprəmən ɓa.

Yeremiya 25:4

Yawe azbanək əslin sukum məɗɗaŋ wəza nan məskəleŋɗe məza əppan gabban dawslinit ɓa, ya kəprəmaŋ ɓa, kəpakən sləmokum vi kaprəmən ɓa.

Yeremiya 25:7

Kəprəmwən ɓa hara Yawe aɗiymani. Yaŋ dərəŋ kədan suwənən gədəvu də wəza na vokum ka mbərayən akokum.

Yeremiya 25:8

Vini Yawe Məzuɓappak anah vaŋka: Adan kəprəmnən əpel naw ɓa na,

Yeremiya 3:24

Matuya na Ba'al, maŋgəlva net wil azanənək wəza net efiŋgiɗmə, gilew neti, wasliɗe neti, kirtit mezeŋgleket dit muguluŋgiti, far səka sawã namə.

Yeremiya 3:25

Məsamsəm addəvit wil namə, mətaf səm ərbet wil namə, vi məgəɗək mambray sən Yawe Maŋgəlva namə, mənamə va efiŋgiɗmə, far səka sawãmə hã gap pay dəpaŋka; məprəm ma Yawe Maŋgəlva nam ɓa.

Yeremiya 32:30

Vi mə Yudeɗ dit mə Israyelɗe mambray adaɗɗaŋ a maharaw kaka' təŋ səka gawla neti, vi mə Israyelɗe gədəvu adawdan suwən kaka' də wəza na veti, Yawe aɗiymani.

Yeremiya 35:15

Nəbew dawslən sukum məskəleŋɗe məɗɗaŋ wəza naw pak azokum ɓa, əslinit dawnəh na: Ɗəf pak dəmil səka tive nan mbərayən, dəzaɓan wəza nan moggoni. Adazbet meŋgilveɗ meɓɓet kawgəɗ sit wəza ɓa. An kətafənka wakəssoŋ də gəla aka dələv məs nəpsukum anokum gəm sit efiŋgiɗkum. Ya kəpakən sləmokum ɓa, kəprəmwən ɓa.

Yeremiya 48:11

Səka gawla nani Mo'ab tay də əɗɗum ɓa: tay kiyən foŋgo aket ndirkiɓ nani məɗarni ɗah sə mosgoy a mosgoy mbərən ɓa. Məsimgini ɗah ɓa, vini nenek nan asan va lahəŋka. Məŋgənən dəddəɗ ɓa.

Yeremiya 6:16

An Yawe anah yaŋka: məziw sosokko aka tive mula gəm məttok aka tive an lahəŋka. As tive an moggoni sa? Məzbani asna wakəssoŋ zayə. Yas anahaŋ na: Məzban na ɓa.

Ezekiyel 20:13

Yaŋ ɗiy na Israyel aɓoŋgoŋ akaw a kapta-muyã; dədawaŋ va mahenziŋɗe naw aŋglaŋ ɓa, azeletinik tiveɗnanziya naw məs ɗəf adaɗɗa dəsangən madaran dənɗaŋ. Araygənənək pay naffet naw diyɗa. Yaŋ nəmna: Wanəka herɗe naw aket a kapta-muyã kawzeti.

Ezekiyel 20:21

Yaŋ kirin nek aɓoŋgoŋ akawa; dədawaŋ va mahenziŋɗe naw ɓa, dərmenin tiveɗnanziya naw naɗɗa wəza dənɗaŋ ɓa; də wəɗɗa wəza dənɗaŋ ɗəf adawsan madarani. Araygənək pay naffet nawa. Yaŋ nənah na: Wanəke herɗe naw aketi, wanəgapgən ədagədəv naw ŋgbu' aket a kapta-muyã.

Ezekiyel 20:28

Nəkek aka dələv məs nəslan vawa, nəsway sit napsiti. Awlaŋgək mossorgo məɓayən may wəleŋɗe hirik-hirik pakə; azaɓənək-Maŋgəlva net adaka, aɗɗaŋ əvəl net nawdan gədəvuw adaka, aɗiynənək tursan naffeten makret adaka, afloŋgunək mbazla nawpesl net adaka.

Ezekiyel 20:8

Yaŋ aɓoŋgoŋ akawa, dəŋgəmaŋ əprəmwən ɓa, ɗəf tay dəzgan zəga sə maharan ɓa, meŋgilveɗ na Eziptə dayday dəppetin ɓa, nəmna wanəka herɗe naw aketi, wanədəgədəv aket hã ŋgbu' aka dələv na Eziptə.

Sefanya 3:2

Dəprəm iya ɓa, dətaf iyak ɓa, dəppan zən sən Yawe ɓa, dəzar go'o aza Maŋgəlva nan ɓa.

Zakarya 7:7

Aski əpel an Yawe anah də met məskəleŋɗe far pay Yerusalem asan fendeŋ, walaŋgəleɗe gugriɗ nan kiyən tərwəslə, Negev də dələv na Bagərəm məknihit dit ɗiy addəvit ɓa sa?

Əmsak aka Mahenziŋ 31:27

Vi nəsənək əɓoŋ nokum də kiyɓəɓəl nokum: gala in tat madaraw dəpaŋ a waloŋkum tagay, kəɓoŋgoŋguk aka Yawe, ya mbari an nəmtək kandi?

Əmsak aka Mahenziŋ 9:24

Məɓoŋkum kənanən aka Yawe far səza nəsənkumu.

Əmsak aka Mahenziŋ 9:7

Aɗɗumoni, kədazgət na kədan sənək gədəv Yawe Maŋgəlva nok a kapta-muyã ɓa! Təŋ səza pay kəgil sə Eziptə gap əzza nokum a təkiyəŋka, məɓoŋkum kənanən aka Yawe.