Yeremiya 22:17 - Bible en Guidar

¹⁷ Ya nok horok də mokrok pak aka ərəh noki, gəm aka əggbo' mbel net ɗiy en də mazlibezlibe na meti, aka əsər met ɗiyi gəm aka əɗɗa darawi yi.

Yeremiya 22:17 ပူးပေါင်းရင်းမြစ်များ

1Milyeŋge 21:19

Kənah səngəni, is na: An Yawe anah yaŋka: Adan kəbay ɗəfa, wəɗɗum nok guli nan dəsangən ka nok sa? Kənah səngən dawnəh na: An Yawe anah yaŋka: A təki kirɗe aterne'nin mbel na Nabot iŋki, adak kirɗe adawterne'nin mbel nok tamə.»

2Milyeŋge 23:37

Agəɗək mbərayən a mahara Yawe, səɗek va net efiŋgiɗni.

2Milyeŋge 24:4

gəm viyit mbel net ɗiy en də mezlibezlibe na met aziyə məs aknəh Yerusalem dənɗaŋ məs Yawe dəŋgəm əvvuyon ɓa.

2Alabaraɗe Də Mabərkiziti 36:8

Madembirgit wəzeɗe na Yoyakim, zəgeɗ daryawɗe məs agəɗə may an dəgəɗ akan pak, tahəŋ məverit addəv ɗerewel net milyeŋge na Israyel gəm na Yuda. Yoyakin wətən dəgəm məlĩ a gəlani.

Ɗerewel na Yob 31:7

An təlu amzlahək səka tive, an makraw ambatək ammba əsim na harawa, an vaw arga'ək sən əɗɗa zəga an dəslə ɓa.

Gəlyaɗe 10:3

Vi məsdaraw tay əɗi ki zəni adan aɗɗa an na makrani; adan arah də vurum nani, ndən əran Yawe gəm əmas akani.

Əgilye 18:21

Sissiŋ, kəwəlgən zel tektek səret ɗiy pakə məgeslne'eŋ sənən Maŋgəlva, zel təstəs məza məŋglunən ki zit kaka' ɓa, kəɗigin aket ka deyeɗe, aket ɗiy gabalɗe, səkatɗe, kaklaw sle'ɗe dit kəlawɗe.

Wənməkkpaŋga 24:2

Vi aka əraygən təki yi mekret adaɗɗumo; an adawpeleŋ pak tay aka tələn ɓa.

Isaya 56:11

Kirɗe məs memeyẽɗiŋgə awbaŋ ɓa. Məzuteɗeŋgeŋgə, ya zəga tay asənaŋ ɓa, naway pak əzban tive nani. Naway pak tay əkayan ərəh nan kaka'ə.

Yeremiya 17:11

Va taɓraw məs dəvoŋ aket ɗeŋzle məs awəŋ ɓa vaski məgəɗ arya məs də tiveni ɓa. Aka dadak ənziya nani, arya nan wappani aza əggrak nan na wakkpaŋ mitemin.

Yeremiya 19:4

Vi azgawənka, araygənənək təkiyəŋ də əzla tursan sit meŋgilveɗ meɓɓet məs ndəɗaŋ zək net dəsinnin ɓa, efiŋgiɗit ɓa, milyeŋge na Yuda ɓa. Aknahənək təkiyəŋ dit mbel net ɗiy məs də mezlibezlibe na meti.

Yeremiya 22:3

An Yawe anah yaŋka: Məgəɗ təstəsə gəm an sarara, məmõh ɗiy en adappətaŋ səvet məzəppitetini. Kədawzəmgənən sahã na molhõyõ, mitiwe gəm gagəbay ɓa, kədaɗɗaŋ gəgay ɓa. Kədawbayən ɗəf də mazlibezlibe na man a təkiyəŋ ɓa.

Yeremiya 6:13

Vi təŋ səka muzliya hã gap ɗəf metiŋgini, naway pak tay əkayan ərəh kaka. Təŋ səza məskəleŋ gap aza məsdəlva, naway pak tay uwawəna.

Yeremiya 6:6

Vi vaŋ Yawe Məzuɓappak anahə: Mibil wəleŋɗe, məkkpot dələv ki Yerusalem tərwəslə, ndən walaŋgəla-metiŋgin məs məzga' səni. Əsərma tay addəvni.

Yeremiya 7:6

kədawzəmgənən sahã na molhoyõ ɓa, na mitiwe ɓa, nat gagəbay ɓa, kədawbayaŋ ɗəf də mezlibezlibe na man a təkiyəŋ ɓa. Kədazbetin meŋgilveɗ meɓɓet kawki əray akokum ɓa.

Yeremiya 8:10

Vini nədapsit gil net sit ɗiy mbirti guli net sit ɗiy en nawmõhini Vi təŋ səka muzliya hã gap ɗəf metiŋgini, naway pak tay əkayan ərəh kaka; təŋ səza məskəleŋ gap aza məsdəlva, naway pak tay uwawəna.

Ezekiyel 18:12

Tay əsər ma məssahã gəm ɗəf məzəmsahã; tay əhãla; amndan zəga an ataf bas aka dəmən nan ɓa; tay əppan kiyzən sit meŋgilveɗi; tay əɗɗa zəga daryawə.

Ezekiyel 19:6

Abbalək aweleŋgit ɓooliɗi, akkpaŋgək ka gawla ɓoolu. Ayaganək əbay slu nani, alək əmpa əmpər ɗəfa.

Ezekiyel 19:7

Araygənək gəla na məlĩ neti, aɓzliwik walaŋgəleɗe gugriɗ net hoŋgu; ɗiy naka dələv nan ageslne'eŋke, vi ɓaɓəlma əhəm nani.

Ezekiyel 19:9

Aɗiynənək a gəzəŋlaŋ də teklem, yaŋ akanən sən məlĩ na Babilon; məkan a təki nawga lewlewi, vi wəlan adaprəm aket mossorgoɗe gugriɗ na Israyel ɓa.

Ezekiyel 22:6

Ɗiy gugriɗ na Israyel yeŋ naway pak əbay ɗiy anokda va adawɓapaŋ də gagdak neti.

Ezekiyel 33:31

Wazzoŋ azok hiɗimhiɗimi, wassoŋ aboko, ndəɗaŋ ɗiy nawa, tahəŋ waprəmən əpel noko ya azbanən na ɓa, vi met aka əzban ənnek neti gəm ərəh an mekret asan akani.

Mika 2:2

An asimeŋgik gulyo, ndəɗaŋ əmõhuni; ya an gəlay yi, ndəɗaŋ əmõhuni; ndəɗaŋ əzəmgənən sãhã na ɗəf də gəla nani, əmõh arya na ɗəf vani.

Mika 3:10

Mənokum tat ərka Siyon addivit mbeli, Yerusalem tamə addəv an dəslə ɓa

Sefanya 3:3

Deyeɗe naddəvən tahəŋ va ɓooliɗ məzuhəmaŋgə; mətawaŋwən nan tahəŋ va kirɗemuyã də moskoyo, məs tahəŋ də zəga narras dəmpummo ɓa.

Roma 1:29

Aknahaŋgək də ɗarɗarə, də əɗɗum mbərayən, də əsim deleɗ day, də daraw, aknahaŋgək də əsim zəga, də əbaygəbaya, də ərma mama, də vurum, də zəga mbərayən, məraygənən iya na ɗəfəŋ,

1Korintus 6:10

məhãlɗe, məŋglaŋ deleɗ diyɗa, məs mbazla adawbaya, məraŋ ɗəfa, məvoŋgoŋ tive, atoŋgoŋ na məlĩ na Maŋgəlva ɓa.

Kolosi 3:5

Məbay zəgeɗ negge naddəv gəɓa zukum, polkoyo, mbərayən, mãy na zəga diyɗa diyɗa, əŋgla mbərayən gəm mamayã net deleɗi (mamayã net deleɗ van məstaka yi də əzban zəgakamaŋgəlva.)

Yosuwa 7:21

Səddəv zəga an mərah səma wəgay na, nəwələk lukut metiŋgin na sləma, naka dələv na Sine'ar, gəm deleɗ na təbez babar səkat sula, də meleŋge hirzliŋ naɗɗa wəɗak na kilo. Nəsimik sawɓa, yaŋ nəgime. Tahəŋ məndikit addak gizlirke nawa, deleɗ kəlammbet afuŋ.»

2Piyer 2:14

Heret sekke aka əkuh a gizbe, awyaŋ daɗɗa mambray ɓa. Tahəŋ əmbəɗet ɗiy en dəsɓaŋ ɓa. Aɗiyənək mekret aka əsim nawrəh deleɗi. Kirin məreygitiŋ.

2Piyer 2:3

Addəv əsim deleɗ neti, wawaŋ sukumən tepelke vi kappətkumənən. Far mətawwən aketi, əza net aliy na ɓa.

1Samiyel 8:3

Kirtin dəgəmnən tələn ɓa. Heret ɗəhərra ammba wərəha, wətafaŋ zəga na makaryam, wədoɗonən wən nawtaw sarra.