Yeremiya 21:7 - Bible en Guidar

⁷ Səɓɓa as əmpa na, Yawe aɗiymani, wanəppan Sedekiya məlĩ na Yuda, məɗɗaŋ wəza nani, ɗiy en dəppaŋ səddəv walaŋgəla-metiŋginiŋ səma gəbaymərma, masalam gəm səma maya ammba va Nabukodonozor məlĩ na Babilon gəm ammba vet məzuzelɗe net məzəŋglaŋ kawbeytini, Nabukodonozor wabey də masalam, sasãh ɗəf tay adawla ɓa, ɗəf tay adappa ɓa, awəl na sasãh ɓa.

Yeremiya 21:7 ပူးပေါင်းရင်းမြစ်များ

Isaya 27:11

An kivet wəleŋɗe aŋkəlaŋka, kaŋzluti, gil wandenin kasɗa offo. Vi maɗɗula tay aket ɗiy vet ɓa. Ndəni məs dəɗɗe dəwəl sãhã aket ɓa, məs dəzəmiɗ tay də mbəlembəle aket ɓa.

Isaya 47:6

Gədəvu adək aket ɗiy nawa. Nəreygitik ɗiy nawray vawa nəppetik ammba voko. Ya kəwəl sãhã aket ɓa, kəŋgrofuk mazza də zəga nawsla gagdak diyɗa.

Yeremiya 13:14

Wanəɓeheti, an taka aka an mbərən, əfiŋgiɗit dit kirtit pak matakə Yawe aɗiymani. Nəmbər na ɗəf ɓa, nəwəl na sãhã ɓa, nə'ugit dawzet ɓa.

Yeremiya 14:12

An aɗɗaŋgək meme zlaŋgə, nəprəm na əkkam net ɓa. An adaŋ suwənək əvəl nawzla kurmbuɗuk gəm aɗɗaŋ suwənək əvəla, nənnek na dənɗaŋ ɓa. Ya də masalam, mayã gəm gəbaymərma nədawzeti.

Yeremiya 15:5

Yerusalem, naway nawla sahã akok di? Naway nawhəmguk di? Naway dədamzlah əttokon zay nok di?

Yeremiya 15:9

Məs tuwə kirin buhul tətdakka əmpəs agilik səzata. Pay nat atəpək də kapaya. Zəga net wili azata, zət baybayə. Medembirgit na, wanəppet ama masalam abet məzuzelti, Yawe aɗiymani.

Yeremiya 19:7

A təkiyəski nədawraygən an Yuda də Yerusalem aynaŋgə. Wanəzlbe də masalam abet məzuzelɗe neti gəm də vet en məzukayanən zeŋgileti. Wanəpsit kiygəbeyit ka əzəm net biŋgeɗi gəm zəgeɗ nawra.

Yeremiya 20:4

Vi an Yawe anah yaŋka: In yakəŋ kappok addəv geslne, is dit beyneŋgiɗuk pakə. Waskotoŋ pak ama masalam net məzuzelɗe neti, horok wawla. Yuda də wən nan pak wanəppan ammba va məlĩ na Babilon. Wasimgit a Babilon, wabey də masalam.

Yeremiya 22:25

Wanəppok ammba vet ɗiy məzukayokun kawbayko, ammba vet ɗiy məs kədawgeslne' siti, ammba va Nabukodonozor, məlĩ na Babilon gəm ammba vet mə Kaldiyeɗi.

Yeremiya 27:6

Ya kakaŋ na, intə nəpsən dəlveŋgeŋ pak ammba va gawla naw Nabukodonozor məlĩ na Babilon, zəga mamayã nawra zlaŋ, nəpsənək dəgəɗ səngən wəza.

Yeremiya 32:4

Sedekiya məlĩ na Yuda wakõh səmmba vet mə kaldiyeɗ ɓa, əpsa nədepsən ammba va məlĩ na Babilon. Wapeleŋ met də mani, haran wawla.

Yeremiya 34:3

Ya noko, kəkõh na səvan ɓa vi ərma adarmukuni, kapsukki ammba vani, horok wawla məlĩ na Babilon, wakəpeleŋ man də moko, ya a Babilon kədoddoko.

Yeremiya 36:29

Kənahgən aka Yoyakim məlĩ na Yuda, na: An Yawe anah yaŋka: “Nok kəzlak ɗerewel məktəmənəŋ dawnəh na: Vimi kəver addəvən dawnəh na: Məlĩ na Babilon wade, wazan dəlvəŋka, wazet ɗiy dit zəgeɗ memeyẽɗ nakani di?”

Yeremiya 37:17

Yas məlĩ Sedekiya aslən əgəmən, məlĩ attokon man mahaɗama eŋgil ananda, amna: «Əpel tay səza Yawe sa?» Yaŋ Yeremiya, amna: Tay; yaŋ amna: kapsukki ava məlĩ na Babilon.

Yeremiya 50:17

Israyel na, time məzani ɓooliɗ arɓahnənka. Ɗəf dəmpər daabəŋ na, məlĩ na Asiri yi. Sisske na Nabukodonozor məlĩ na Babilon məs dəŋgrofet slesleŋɗe nani.

Əɓuhma 2:20

Azi horoko Yawe awla: naway kəzəmgən sahã zev aŋ di? Adahək gil dəmpirningin kirtit məs awaŋ adawsa'aŋgəŋ sa? Adahək əbey məsdəlveŋge dit məskəleŋɗe addəv gəlamatuya nok is Yawe sa?

Əɓuhma 2:22

Va aka pay na wəzləra kiye meggegiɗu en nawgeslne' siti. Pay na ədagədəv na Yawe na, ɗəf tay dəkõh ɓa, tay dəmbər daran ɓa. En nəzgə sləma aketi dit en nəzgəl pak məzuzel naw azetik kakãhə.

Ezekiyel 23:28

Vi vaŋ Daya Yawe anahə: In yakəŋ əppok avet ɗiy en kəzeli, avet ɗiy en kiyuk akkpaŋ səketi;

Ezekiyel 7:9

Nuluk na sãh ɓa, ɗəf tay nədappa ɓa; wanəfaɗ suk va aza ədaw noko, zəga naɗɗa daryaw nok wasan addəvko. Vasna wakəsənnən na, intə Yawe məzərgukumu.

Ezekiyel 8:18

Ya naw pak wanəɗɗa dit herɗe; nəwəl na sãhã ɓa, ɗəf tay nədappa ɓa; waŋzlaŋ vaŋvəl iyu də wəlet dayadaya, nəprəm sit na ɓa.»

Ezekiyel 9:10

Naw pak nəwəl na sasãh ɓa, ɗəf tay nədappa ɓa; wanəslan sit zəga naɗɗa net aketi.»

Əmsak aka Mahenziŋ 28:50

Ɗiy məs heret ɓərsəkə, awɗiyən ki mazza ɓa, awlaŋ sasãh muzliya ɓa'e.