Yeremiya 21:6 - Bible en Guidar

⁶ Wanəbey ɗiy na walaŋgəla-metiŋgiŋka, ɗiyi gəm zəgeɗ memeyẽɗi wamtaŋ sən gbəgba mərma diyɗa.

Yeremiya 21:6 ပူးပေါင်းရင်းမြစ်များ

Va'Atəŋ 6:7

Yawe amna: «Wanəvvuyet ɗiy nəzəməɗ aka dəlvəŋki, ɗəf titire hã gap azet zəgeɗ memeyẽɗ gugriɗe, gap azet vẽvẽɗe dit biŋgeɗ na disiŋ pakə, nəsawək maw nzok vi nəzəmiɗe.»

Isaya 6:11

Ndəni nəttokku: Hã dewe di Daya? Azlanək na: Gap walaŋgəleɗe gugriɗe mbo'oŋgu, ɗiy assoŋ na addəvən ɓa, ɗəf taka asan na addəvit gəleɗe ɓa, dəlvafuŋ wasan va kapta.

Yeremiya 14:12

An aɗɗaŋgək meme zlaŋgə, nəprəm na əkkam net ɓa. An adaŋ suwənək əvəl nawzla kurmbuɗuk gəm aɗɗaŋ suwənək əvəla, nənnek na dənɗaŋ ɓa. Ya də masalam, mayã gəm gəbaymərma nədawzeti.

Yeremiya 16:4

Əmta damtaŋ sit gbəgbaɗe, kaɗɗay gəlabeyit ɓa, kawndikti ɓa. Wakkpaŋgaŋ ka ba'ar aka dəlvafuŋ. Waggrakaŋ ama masalam gəm sən mayã, kiygəbay net wasan zəga nawzəm net biŋgeɗ na disiŋ gəm zəgeɗ nawra.

Yeremiya 20:4

Vi an Yawe anah yaŋka: In yakəŋ kappok addəv geslne, is dit beyneŋgiɗuk pakə. Waskotoŋ pak ama masalam net məzuzelɗe neti, horok wawla. Yuda də wən nan pak wanəppan ammba va məlĩ na Babilon. Wasimgit a Babilon, wabey də masalam.

Yeremiya 32:24

Awle məkkpotoŋ baray na dələv yeŋ əzzoŋ a walaŋgəla-metiŋgin vi kawzəmni; məpsiti walaŋgəla-metiŋ ammba vet mə Kaldiyeɗi, wabət avet məzəlpaŋ dəndən sən masalam, mayã gəm gəbaymərma. An kəpel pak agəɗka, is tat horok sekke.

Yeremiya 33:12

An Yawe Məzuɓappak anah yaŋka: Əmpa na, a təkiyəŋ dəray hoŋhoŋ məza ɗiy ɓa hã dit zəgeɗ memeyẽɗiŋka, a walaŋgəleɗe gugriɗ nan pak təki nawtaɗ wasan sit məzuteɗeŋɗe nawvoŋgit gilew net dəfɗa.

Yeremiya 34:17

Vini Yawe anah vaŋka: Nokum kəprəmwən ka nawtəlma na, ɗəf pak dəppangən balam nan məs dəsan məlmən may meggen ɓa. Yawe aɗiyman na: inyakəŋ ətəlma nappokum ama masalam, ama gəbaymərma, ama mayã. Wanəkkpoŋgokum ka zəga narban gəslne', zəga narban geslne' sit milyeŋge naka dələv pakə.

Yeremiya 36:29

Kənahgən aka Yoyakim məlĩ na Yuda, na: An Yawe anah yaŋka: “Nok kəzlak ɗerewel məktəmənəŋ dawnəh na: Vimi kəver addəvən dawnəh na: Məlĩ na Babilon wade, wazan dəlvəŋka, wazet ɗiy dit zəgeɗ memeyẽɗ nakani di?”

Yeremiya 42:22

Ya kakaŋ na, məsən na wakəmtaŋ ama masalam, mayã gəm gəbaymərma a təki məs kəŋglaŋ naddasso adaka.

Yeremiya 7:20

Vini kana, vaŋ Yawe Maŋgəlva anahə: Ədagədəv naw dit herɗe naw yeŋ əgbo'oŋ aka təkiyəŋka, aket ɗiyi, zəgeɗ memeyẽɗi, wəleŋɗe nawra gəm uwa na zəga na mabardaw. Wazlə, amtə na ɓa.

Ezekiyel 12:16

Wanəpəl ɗiy siɗikke məs dəkõhoŋ səret səma masalam, səma mayã gəm səma gəbaymərma, vi dəbotetingin zəgeɗ daryawɗe net pak aret ɗiy-ɗar a təki adoddoŋ adaka; vasna wasənnən na, intə Yawe.»

Ezekiyel 14:13

«Wətən ɗəfa, an ɗiy naka dələv dəɗɗaŋ mambray akawa, aɗɗaŋgək an dəslə ɓa, wanətəl vaw aketi, wanərsla wəzəm səmeti, wanəslən may aketi, wanəzet ɗiy dit zəgeɗ memeyẽɗi.

Ezekiyel 14:17

Awaniɓa, an nəkiyək masalam aka dəlvəska, an nənahək na masalam dətoŋ addəv dəlva, wanəbey ɗiy dit zəgeɗ memeyẽɗ səkani.

Ezekiyel 14:19

Awaniɓa an nəslənək gəbaymərma aka dəlvəska, də əka herɗe naw akan vi kawzet ɗiy dit zəgeɗ memeyẽɗ səkani,

Ezekiyel 14:21

Vi an Daya Yawe anah yaŋ seseli: Də nəslən tatwãhɗe naw poɗo pak aka Yerusalem: masalam, mayã, zegeɗ derewti gəm gəbaymərma, kawbey ɗiy dit zəgeɗ memeyẽɗ na,

Ezekiyel 33:27

Vaŋ kədawnah siti: An Daya Yawe anah yaŋka: Va nəsaw madarawa, sessel en naka kiməski wazbəraŋ ama masalam; ɗəf an nawra, wanəpsən sən zəga nawra ka əzəm nani; en dəɗamaŋ aka gərma dit en na bətəŋ gəbaymərma wabeye.

Ezekiyel 33:29

Pay nədakkpaŋgan dələv va kapta-muyã məraygən aka zəga daryaw an aɗɗaŋgə, wasənnən na, intə Yawe.

Ezekiyel 7:15

Masalam appaka, gəbaymərma də may dəŋgili; ɗəf nawra ama masalam adamta, ɗəf na walaŋgəla-metiŋ, may də gəbaymərma wavorgomohnəni.

Hose'a 4:3

Vini yi, dələv van adawhəm na gəlabaya, ɗiy nakan waddakaŋ pak sap dit zəgeɗ nawra, dit biŋgeɗ na disiŋ; may kilfeŋge na pehe dayday wahhiyaŋgə.

Mika 3:12

Aka wən nokum Siyon wakkpaŋ guli minseni, Yerusalem kiməskiya, gəla nakkam məɓayən wakkpaŋ wəleŋɗe kpəŋgə.

Sefanya 1:3

Wanəzet ɗiy dit zəgeɗ memeyẽɗi, wanəzet biŋgeɗ na disiŋ dit kilfeŋge na pehe, wanəzet zəgeɗ dədazbərgit ɗiyi gəm məsdarawɗe, wanəzan ɗəf titir səka dəlvafuŋ, Yawe aɗiymani.

Luka 21:24

Waskotoŋ ama masalam, karmeti a fərsəna aket dəlveŋge net ɗiy-ɗar pakə. Ɗiy ɗar wandapanən Yerusalem hã gap pay net ɗiy-ɗar toŋgu.