Yeremiya 20:7 - Bible en Guidar

⁷ Yawe kəmbəɗawəka, nəmbəɗka; kərmuka, kəskak wəlawa. Nəkkpaŋgək zəga nawmas akan pay pakə naway pak tay əmas akawa.

Yeremiya 20:7 ပူးပေါင်းရင်းမြစ်များ

2Milyeŋge 2:23

Ndən peŋ sədak mbat a Betel. Aka tive daddan na, kirin mezeŋgleket memeɗeŋɗe viteŋ sə walaŋgəla-metiŋ, amasaŋ akani, aɓsənən na: «Dok səŋka məfosl kini! Dok səŋka məfosl kini!»

Ɗerewel na Yob 12:4

Zəga nawmas net beyneŋgiɗin, intə, nəyak Maŋgəlva yas azlan suwa. Zəga nawmas akani, ɗəf təstəs-gəraki.

Ɗerewel na Yob 30:9

Ya kakaŋ na tahəŋ əyaŋ gəlya də iyna, nəkkpaŋgək zəga nawpel akawa.

Gəlyaɗe 119:51

Məzukaɓaŋ amasaŋgək akaw diyɗa, ya nəmzlah ki mahenziŋ nok ɓa.

Isaya 8:11

Vi Yawe anah suwəka, va kəɓəs na də va ɗəf mərmuwa, azga suwək nədazban tive net ɗiyis ɓa dawnəh na:

Yeremiya 15:10

Aw haya, vimi əmma təwu di? Nəkkpaŋgək zəga narma mama azawa, gəm nawgəɗ sən memeɗəŋ aka dələv pakə. Nəpsən dəmən sən ɗəf ɓa məvayə dəmən ɓa'a ya naway pak tay ərawa.

Yeremiya 15:18

Vimi əzəmsahã naw asan faɗ di? Gəm uwwa naw məs anzaɗ ɓa aɓoŋ danzaɗ di? Is tat azaw va lolohõ məs dədakkpa' aziwgit iŋkile ɓa!

Yeremiya 17:16

Naw nəɓoŋ dassaw məzutaɗa abok ɓa; Nok kəsənəka, nəŋglu pay na tatwãh əzzan ɓa. An dəgil sə mawa, tay aboko.

Yeremiya 20:9

Ya an nənahək na: Nəɗɗum na akan ɓa, nəpel na də iya nan əmpa ɓa, asna addəv kpum na makrawa tay va offo məzuzla addivit slesleŋɗe nawa. In zu sok əɓəsən ya nawɓapən ɓa.

Yeremiya 29:26

Yawe aɗikuk is Sefanya məsdələv a gəla məsdələv Yoyada, ɗəf matuŋguk kənan addəv gəla na Yawe vi karma ɗəf məzunah na məsdəlvi yi vi kaynan aza wəlaŋga nawlaw ɗiy də helege na təbza.

Yeremiya 38:19

Yaŋ məlĩ Sedekiya aɓsən Yeremiya na: naw intat əgeslne' sit mə Yudeɗ məs dəddoŋ anet mə kaldiyeɗ da. Vi adapsuwən avet dəzəmguwəngən sahã ɓa.

Əɓuhma 3:14

Nəsawək ka zəga nawmas akan azet ɗiy naw pakə, kpaŋ va zəga nawya gəlya net akani.

Ezekiyel 3:14

Yaŋ Əmpəs asilguwa, mah əkuwa; makraw səkəkə, gədəvu mədani. Ya va Yawe armuwək ɓəlɓələ.

Hose'a 9:7

Pay nawzəm sahã agapka, pay nampəlkiya agapka: Israyel dəsəna! Məskəleŋ akkpaŋgək mətemni, ɗəf məs əmpəs gərəŋgərəŋgə, vi heslepe nok dədayə gəm ərma mama nok adayka.

Yonas 4:2

Akkamanək Yawe, amna: «Ha'aw! Yawe aski nədawnah pay nəsaw aka dələv naw ɓa sa? Vini nəgəm zu nənzaw a Tarsis. Vi nəsənka Maŋgəlva məs mbəlembəle də moggon kənani, kada gədəv go' go' ɓa, moggon nok diyɗay sawɓa, ya məsla zuk kənan naffeten mokrok səka əɗɗa mbərayən.

Mika 3:8

Ya naw dərəŋ na, əmpəs na Yawe aknahwək də gbogboŋgo, də təstəsə gəm də gurom nərban səngən əɓoŋ na Yakob gəm nərban səngən mambray na Israyel.

Luka 16:14

Adan Farisaɗe məŋglaŋ deleɗis aprəmən wənəs pakə, amasaŋgək akani.

Luka 23:11

Herodə dit məzəlpaŋ nan azelenənka, amasaŋgək akani. Agul sən lukut məzəwiɗe, amndagan aza Pilat.

Wəza net Masləŋɗe 17:18

Ɗiy meɓɓet mərbaŋ əsən kpukpuməŋ məs adawyaŋ na mə Epikuriɗe dit mə Sitoysiɗe, apeleŋgik dəndən. Ɗiy meɓɓet aɓɗaŋ na: Mi məs manəŋ adaŋgla ənah di? Ɗiy meɓɓet aɓɗaŋ na: Kuzuŋ meŋgilveɗ meɓɓet adaŋgla ərbet soko. Vi Pol alabara nenek na Yesu gəm na əsilye səka əmta adarbani.

Wəza net Masləŋɗe 17:32

Adan aprəmən Pol adawpel wən na əsilye səka əmta, ɗiy meɓɓet amasaŋgək akani, meɓɓet aɓɗaŋ na: Dəɗah məprəmukgən aka wən nan laha.

1Korintus 9:6

Awaniɓa intə kaka də Barnabas məza tive nassa məza əɗɗa wəza ɓa sa?

Ibriɗe 11:36

Ɗiy meɓɓet əmpa məmasi aketi, mərgeti, muɓrukti gəm məzgeti a fərsəna;