Yeremiya 20:5 - Bible en Guidar

⁵ Arya na walaŋgəla-metiŋginiska, wərəh na wəza net pakə, zəgeɗ na sləma net pak gəm wəzaɓ net məlyeŋge na Yuda pak wanəpsit ammba vet məzuzelɗe neti; wappohonəni, wasləpatnəni, wakanən a Babilon

Yeremiya 20:5 ပူးပေါင်းရင်းမြစ်များ

2Alabaraɗe Də Mabərkiziti 36:10

Də manzi na, məlĩ Nabukodonozor ɗiy ammban slən kawkiyəŋ a Babilon dit zəgeɗ na sləma naddəv gəla na Yawe, aɗi Sedekiya məlmən ka məlĩ aka Yuda gəm Yerusalem.

Isaya 39:6

Pay wade, zəga an dəsan addəv gəla noko də an efiŋgiɗuk akkalaŋ pak kawkani a Babilon. Zəga tay təttaka nappa ɓa, Yawe anahə.

Yeremiya 12:12

Aket mossorgoɗe məs daŋdaŋ na kapta-muyã pak məmõhẽtin ɗiy azzoŋko. Masalam na Yawe tay əzəm dələv təŋ sə metteɓ man hã metteɓ man mbərən, ɗəf tay dədawnan nek ɓa.

Yeremiya 15:13

Wanəppan arya nok də əzaɓ nok sən popoho, kawfaɗ suki ɓa vi mambray nok məs kəgəɗ aket meŋge na dələv nok pakəŋka.

Yeremiya 17:3

Aw mossorgo naw na muyã arya nokoko, əzaɓ nokoko gəm gəleɗe-nettuyeŋge nokoko, wanəppan sən popoho, aka wən na mambray naka dələv nokəŋ pakə.

Yeremiya 3:24

Matuya na Ba'al, maŋgəlva net wil azanənək wəza net efiŋgiɗmə, gilew neti, wasliɗe neti, kirtit mezeŋgleket dit muguluŋgiti, far səka sawã namə.

Yeremiya 32:24

Awle məkkpotoŋ baray na dələv yeŋ əzzoŋ a walaŋgəla-metiŋgin vi kawzəmni; məpsiti walaŋgəla-metiŋ ammba vet mə Kaldiyeɗi, wabət avet məzəlpaŋ dəndən sən masalam, mayã gəm gəbaymərma. An kəpel pak agəɗka, is tat horok sekke.

Yeremiya 39:2

Aka wəzva makəlaw kiyən taka na Sedekiya. Də wəvoŋ vaytak na təla mopoɗoni, məɓliwi zlava na walaŋgəla-metiŋ nak səzani.

Yeremiya 39:8

Mə Kaldiyeɗ aɗi sənənək offo sən gəla na məlyã gəm sit gəleɗe net ɗiyi; yas aɓzluwən zlava naka walaŋgəla na Yerusalem.

Yeremiya 4:20

Tay ənahaŋ na əza aka əza, vi dələv pak azəka. Gurzik ləŋ mipiwwet gizlirkeɗe nawa, hara ɗəf pilim taka ləŋ mipiwwet məzlaraɗe naddəvit gizlirkeɗe nawa.

Əɓuhma 1:10

Məzuzel nan atələk van aket zəgeɗ nan en na sləma pakə. Gesiŋ, awlek ɗiy-ɗar ətoŋgoŋ addəv gəlamatuya, məs kəɗi sit wən nan na adaddoŋ addəv əkkal na mahenziŋ nok ɓa naka.

Əɓuhma 1:7

Yerusalem aka asan slorslor addəv əzəmsãha nani, tay əɗɗumet zəgeɗ nan na sləma en dəssoŋ aka pay an lahəŋ pakə. Aka ɗiy nan abətaŋ ammba va məzuzel nan, məza ɗəf əbbah sən ɓaŋka. Məzuzelɗe nan awlanənka amasaŋgək aka əhhi nani.

Əɓuhma 4:12

Milyeŋge nammba dələv dit ɗiy naka dəlva dəɗɗumoŋ ɗah na məzuzel gəm massa wade ətoŋ kəla maddambeɗe na Yerusalem ɓa.

Ezekiyel 22:25

Məskəleŋɗe nan tay ətuvuroŋ wən addəvko tay əhəmaŋ va ɓoolu dampər slu nani, əmpəraŋ ɗiyi; əndanən arya dit zəgeɗ na sləma, ənzlərgitin gil net gəbayɗe addəvən.

Daniyel 1:2

Yawe appanək Yoyakim məlĩ na Yuda ammba vani gəm andək zəgeɗ naddəv gəla na Maŋgəlva; akek aka dələv na Sine'ar addəv gəla net meŋgilveɗ nani, akek zəgeɗ vet addəv gəla nawɗi zəgeɗ na sləma net meŋgilveɗ nani.

Hose'a 13:15

Efrayim wawan zən sə weleŋgit milmiŋgiɗni, Səmyã nammba pay nampum, səmyã na Yawe wasil sə kapta-muyã: heret iŋkile nan wakkpa'aŋgə, vovɗe net iŋkile nan wasa'ãtaŋgə kawmõhti zəgeɗ na sləma sə təki azeɓet pakə.