Yeremiya 2:8 - Bible en Guidar

⁸ Məsdəlveŋge awnahaŋ na: ŋgay Yawe di ɓa? Ɗiy na mahenziŋ dəsənwən ɓa, məzuteɗeŋge net ɗiy atemeŋgik akawa, məskəleŋɗe aɗɗaŋgək kələŋ də iya na ba'al, ammbet zəgeɗ en atəraŋ na wəray ɓa addoŋgu.

Yeremiya 2:8 ပူးပေါင်းရင်းမြစ်များ

1Milyeŋge 18:22

Eliya aɓsit ɗiy na: «Intə nəpəl məskəleŋ na Yawe matakərgu kaka'ə, məskəleŋɗe na Ba'al tahəŋ səkat poɗo də kaklaw sle'i.

1Milyeŋge 18:29

Adan tataŋ pay atoŋgu, maɗɗulet zlazlaɓ, hã pay nawzaɓ-Maŋgəlva gapə. Dəprəmənən wəla ɗəf ɓa, ɗəf tay dəzlan sit ɓa, zəga tay dərbə ɓa.

1Milyeŋge 18:40

Eliya aɓsit na: «Mərme məskəleŋɗe na Ba'al! Təttaka, dayday adawkõh ɓa!» Mərmetiŋgə. Eliya akek a lolohõ na Kison, ataw wəlet adaka.

Ɗerewel na Yob 35:10

Dəf tay dədattok na: «Aŋgay Maŋgəlva məs dəɗɗu məs dədawki səm hənhən na gəlya akam də dəfəɗəŋ di?

Isaya 28:7

Məsdəlveŋge dit məskəleŋɗe pak tay əttapaŋ sən wən na mbazla tay əzaŋ sən əbay na mbazla, mbazla abeyike, tahəŋ gərəŋgərəŋ sən mbazla, tay əzaŋgə, awlanən an dədaɗɗa ɓa awɓapaŋ wətawwən ɓa vi mbazla abeyike.

Isaya 29:10

Vi Yawe aggbo'uk əmpəs nawleŋ kpum akokum; atipik horokum, mənokum məskəleŋɗe, asərətənək kiykum mənokum mulaŋ heligi.

Isaya 30:5

warbaŋ wil azet ɗiy məs atəraŋ sitin na wəray ɓa. Abbahaŋ sitin na ɓa, atəraŋ sitin na wəray ɓa, wassoŋ sitin ka zəga net wili də zəga narba wili.

Yeremiya 10:21

Vi ɗiy gugriɗ pak mətemtiŋgə, dəkayanən Yawe ɓa, vini, dədaw ammbet ɓa, gibek net atrayək pakə.

Yeremiya 12:10

Məzuteɗeŋɗe diyɗa araygitinik megezlembirkeɗ nawa, andapanənək guli nawa. Akkpaŋganənək guli məs nəŋgəl ka kapta-muyã daŋdaŋgə,

Yeremiya 16:19

Yawe istə gbogboŋ nawa, təki nawzeŋ nawa, təki nawɗam naw aka pay na tatwãha. Azoki ɗiy-ɗar adazzoŋ hã səket meŋge na dəlva. Wanahaŋ na: Uwawəni kaka' efiŋgiɗim armaŋgə awziweŋ aka wən taka ɓa tay an nawtər wəray azet ɓa.

Yeremiya 18:18

Aɓɗaŋ na: Mide mətuvur səm wən aka Yeremiya, mahenziŋ azəna vi məsdəlveŋge tahəŋ ɓa ɓa, əzga' vi məsmaɗɗula tay ɓa ɓa, əpel na Maŋgəlva vi məskəleŋɗe tahəŋ ɓa ɓa. Məndam sa akani, məraygən səm iya nani, əpel nan tay mədazga sləma akan ɓa.

Yeremiya 2:11

ɗiy-ɗar addəɗetin meŋgilveɗ net sa? Ya net dərəŋ meŋgilveɗiŋ ɓa! Ya ɗiy naw addəɗanənək gagdak net də zəga an nawtər wərayi ɓa.

Yeremiya 2:6

Dənahaŋ na: Ŋgay Yawe məs dəpeŋgəm səka dələv na Eziptə məs dədawgəm a kapta-muyã, aka dələv məs daŋdaŋ dit məŋkparaɗe, aka dələv mukuro də guzli ndiɗimi aka dələv məs ɗəf dətoŋ ɗah dəkan ɓa, məs ɗəf dəsan ɗah də gəla adak ɓaŋ di?

Yeremiya 4:22

Ɗiy naw kiyit tay ɓa, dəsənwən ɓa. Kirin məs aɗɗumoŋ kpum ɓaŋgə, əsən tay aket ɓa. Maɗulet na naɗɗa zəga mbərayni; naɗɗa moggon na, dəsənnən ɓa.

Yeremiya 5:31

Məskəleŋɗe aɗɗaŋgək kəleŋ na uwawəna, məsdəlveŋge tahəŋ ətaf ərəh net kaka'ə, ɗiy naw tahəŋ ulanən lew a ma hereti. Ya mi kədaɗɗaŋ dərɓaga as di?

Yeremiya 7:8

Ya mənokum tat əmbəɗan zukum də əpel na uwawən məs atər na ɓa.

Yeremiya 9:14

Vi vaski Yawe Məzuɓappak Maŋgəlva na Israyel anah vaŋka: Wanəzəmgit ɗiyin də ndərzla, wanəpsit iŋkile də muhun areti.

Ezekiyel 22:26

Məsdəlveŋge nan tay əggaraŋ ki mahenziŋ nawa, tay əraygitin zəgeɗ salala nawa; awɗakanən an salala də zəga an ɗar ɓa. Arbanən zəga an nawmə'a də zəga an nawmə'i ɓa sit ɗiy ɓa; ndəɗaŋ heret haɗamgən vi pay naffet nawa, nərayək a weleŋti.

Ezekiyel 34:2

«Wətən ɗəfa, agəɗ kəleŋ aket məzutəɗeŋɗe na Israyel, agəɗ kəleŋ anah sit məzuteɗeŋɗe na: An Daya Yawe anah yaŋka: Əray aket məzuteɗeŋɗe na Israyel məzutaɗnən kiziti! Gilew məzutaɗa adawtaɗ ɓa sa?

Hose'a 4:6

Ɗiy naw azaŋka vi dəsənwən ɓa. Adan kəzganək əsəna, wanəzgoko, kəsok na məsdələv naw əmpa ɓa: kəzgətək ki mahenziŋ na Maŋgəlva noko, naw pak wanəzgət kiyit kirtuk mezeŋgleketi.

Habakuk 2:18

Miy zəgakamaŋgəlva məzaɓ-zəga azaɓ adawtər di? Awaniɓa məhəsən dəhəs karba tepelke, hara ɗəf dəzaɓ dəppangən kiyən sən di? Wəza nan na zəgeɗmeŋgilveɗ mə gbimmeɗeŋgə.

Matiye 16:26

Mi adawtər sən ɗəf an arəhək mammba dələv gboŋ ka nan an azanək zeŋgilen di? Awaniɓa, mi ɗəf adawɗi agəla zeŋgilen di?

Luka 11:52

Əray akokum munokum mərbaŋ-mahenziŋ, vi kəgəmənək lekile na wəsəna, munokum sən kikum kətoŋgoŋ ɓa, ɗiy en dədaŋglaŋ ətoŋgoŋ mənokum met takə.

Yohanna 16:3

Waɗɗanən vaska vi dəsənən Afən ɓa, in ɓa.

Yohanna 8:55

Ya nokum kəsənən ɓa, naw nəsənka. An nənahək na nəsən ɓa, wanəsaw məwə wən va munokum. Ya nəsənka, in tat ərma əpel nani.

2Korintus 4:2

Məmpetik zəgeɗ naɗɗa mahaɗamma narba wili. Mawdaw addəv vurum mãy əkkpaŋgan əpel na Maŋgəlva ɓa. Ya də gegesiŋ məs dədarba mədazga' sit ɗiy pak aba Maŋgəlva.

Əmsak aka Mahenziŋ 33:10

Tahəŋ iyaganən tiveɗnanziya nok sit mə Israyelɗe gəm mahenziŋ noko; tahəŋ əɗiyən tursan ama məŋkənko, gəm əvəl nawzla kurmbuɗuk aka təki na matuya noko.

1Samiyel 12:21

Kədawzaraŋ səzan ɓa, as əzbet zəgeɗ ɗar məs atəraŋ na wəray ɓay, aɓapaŋ na wəkõhgənən ɗəf ɓa, adan zəgeɗ mekeleŋ ɗarəŋgə.

1Samiyel 2:12

Kirtin Eliya ɗiyən ɗarə, dəsənən Yawe ɓa.