Yeremiya 2:7 - Bible en Guidar

⁷ Nəkikumuk aka dələv məs guli net wəleŋɗe məzuwaŋgə, kəzəməngən uwa neti də ətərwəray neti. Yaŋ kəzzoŋ kərnokonən dələv nawa, kəkkpaŋganənək dələv nawray naw zəga daryawə.

Yeremiya 2:7 ပူးပေါင်းရင်းမြစ်များ

Nehemi 9:25

Aziminik walaŋgəleɗe gugriɗe mərka kiyti də dələv an moggoni; amõhinik gəleɗe məknəhit də zəga nawrəha may vovɗe net iŋkile, may megezlembirkeɗi, heremeɗi, may wəleŋɗe ɗiyɗa nawzəma; Azəmaŋka, abaŋka, akəraŋka, assoŋguk addəv ənnek diyɗa vi moggon nok ɗiyɗa naka.

Nehemi 9:26

Yaŋ asulyoŋ də isi, aɓoŋgoŋ akoko; azganən mahenziŋ nok dərɓegeti, abeynin məskəleŋɗe noko, məs dədawsəɓaŋ sitin kawmilgit azoko; ndəni aɗɗaŋ mbərayən diyɗa.

Isaya 19:25

Vi Daya Məzuɓappak waɗɗa əzaɓ akan də ənah na: «Əzaɓ dəsan aka Eziptə, ɗiy nawa, Asiri an nəzəməɗ də vawa, gəm Israyel, haran an dəsan su moggoni.»

Yeremiya 16:18

Wanəfaɗ sit heslepe net də mambray net təɓələn sula, vi arnokonənək dələv naw də kiygəbayit zəgeɗ daryawɗe neti, aknahənək dələv nawzəmgəla naw də zəgeɗ net mbəreyti.

Yeremiya 3:1

Yawe aɗiyman na: An ɗəf appatək guluk nani yas təgili təkkpaŋ ga ɗəf mbərni, wamsak əgəmət ka gon əmpa sa? As waraygən dələv tipi. Mbaraka nok na, kəgəɗək əku dit gəreŋgiɗuk diyɗa, kawmilyok anawda sa?

Yeremiya 3:2

Aslan horo awəl aket tiveɗi, təki tay məza məvoŋguki adak ɓa sa? Aba tive kədawsok wəge greŋgiɗuk va Arab a kapta-muyã. Kəraygənək dələv də ɗarɗar noko gəm də zəga daraw nok məs kədaɗɗa.

Yeremiya 3:9

Agəɗək polkoyo dit meŋgilveɗ net gərmeŋge gəm net wəleŋɗe, araygənək dələv də wədaw nani.

Yeremiya 32:23

Yas azzoŋ əmõhuni, ya dəprəmən mok ɓa, dədawaŋ aka mahenziŋ nok ɓa, məs kəɗi sit wən nan naɗɗa pak dəɗɗanən ɓa, yas kəki tatwãhəŋ pak aketi.

Yeremiya 32:30

Vi mə Yudeɗ dit mə Israyelɗe mambray adaɗɗaŋ a maharaw kaka' təŋ səka gawla neti, vi mə Israyelɗe gədəvu adawdan suwən kaka' də wəza na veti, Yawe aɗiymani.

Ezekiyel 20:24

Vi dəɗɗaŋ wəza dit tiveɗnanziya naw ɓa, azeletinik mahenziŋɗe nawa, araygənənək pay naffet nawa, aziynin heret ammbet meŋgilveɗ net efiŋgiɗti.

Ezekiyel 20:28

Nəkek aka dələv məs nəslan vawa, nəsway sit napsiti. Awlaŋgək mossorgo məɓayən may wəleŋɗe hirik-hirik pakə; azaɓənək-Maŋgəlva net adaka, aɗɗaŋ əvəl net nawdan gədəvuw adaka, aɗiynənək tursan naffeten makret adaka, afloŋgunək mbazla nawpesl net adaka.

Ezekiyel 20:6

Pay dəpas na, nəslanək vawa, nəsway sit nawgilgit səka dələv na Eziptə, kəlaka dələv an nəkay siti, məzimu moŋvo də amama, dələv moggon daykiyit dəlveŋge pakə.

Ezekiyel 23:35

Vini, vaŋ Daya Yawe anahə: adan kəzgətək kiywa, kəzgawək dərɓogoko, is sən kiyuk aslet wil noko, də polkoyo noko.»

Ezekiyel 36:17

«Wətən ɗəfa, aka mə Israyelɗe assoŋ aka dələv neti, arnokonənək də ədaw neti gəm wəza neti. Ədaw net abaw agəɗək va wəzələh nat gulku.

Hose'a 9:3

Aɓapaŋ na kassoŋ də gəla aka dələv na Yawe ɓa: Efrayim wamil a Eziptə, a Asiri wazəmaŋ zəga nawmə'a.

Mika 2:10

Misili! Məddoŋgu! Vi pay naffeti ɓa! Sən ɗarɗar nokum, tatwãh metiŋgin kədawgaŋgə.

Əŋɗa 13:27

Aŋɗan sənən wənəŋ sən Moyisi, aɓɗaŋ na: «Mələk aka dələv məs kəslənməŋka, dələv van moŋvo də emelemele akan lokloki yi; uwa net wəleŋɗe nadak yaŋka!

Əmsak aka Mahenziŋ 21:23

kigəbayən adawvoŋ aka wəlaŋga ɓa; kəndəkgən dəpaska'e, vi ɗəf məlawən na, awki mefɗeke na Maŋgəlva. Asla zuko kədakkpaŋgan dələv məs Yawe Maŋgəlva nok apsuk ka nok də heslepe ɓa.

Əmsak aka Mahenziŋ 32:9

Vi Yawe awelike, ɗiy nanəŋgə, Yakob aɗi ka nawray vani.

Əmsak aka Mahenziŋ 6:18

Kəgəɗgən zəga təstəs gəm sarara a mahara Yawe, vi zuk dəsangən neki, kəgəmgən dələv moggon məs Yawe asway napsit efiŋgiɗkum ka noko;