Yeremiya 2:3 - Bible en Guidar

³ Israyel məwele na Yawe yi va zəga na mabardaw nan dəsəɓ maddaabəŋgi. Ɗəf an dəzəm pak tay də wən akani; tatwãh warəha, Yawe aɗiymani.

Yeremiya 2:3 ပူးပေါင်းရင်းမြစ်များ

Əgilye 22:29

Vas kədaɗɗa dit wasliɗe noko, gəm gilew noko; dəsangən lumu taka də mani; aka pay madodopoɗon na, kəpsugəni.

Əgilye 23:16

Gəm wəzləra na dəgəla aka pay net zəgeɗ na mabardaw nok an maddaabəŋ, an kəzlək a guli anokda, də wəzləra nakkalan zəga sura ama əgrak əzva, pay kədakkalan zəga nok sura pakə.

Isaya 41:11

Ya məs dədaŋ gədəv akok pak wil wadenini, warbaŋ wili! Ɗiy dəkayanən mok pak wazaŋgə, wakkpaŋgaŋ va zəga ɗarə!

Isaya 47:6

Gədəvu adək aket ɗiy nawa. Nəreygitik ɗiy nawray vawa nəppetik ammba voko. Ya kəwəl sãhã aket ɓa, kəŋgrofuk mazza də zəga nawsla gagdak diyɗa.

Yeremiya 12:14

Aŋki an Yawe anah aket meggeŋgiɗu mbəreyit pakə, en məzurəŋgənən zəganawzəmgəla naw məs nipsit ɗiy naw ka neti: sən Israyel. In yakəŋ əptiwit səka dələv neti, wanəptiw ɗiy na Yuda səweleŋti.

Yeremiya 2:4

Məprəm əpel na Yawe, kirtin Yakob, dit mahəlfaɗe net ɗiy na Israyel pakə;

Yeremiya 30:16

Ɗiy en dəzlatkuməni kawzletti yi; məzuseɓɗe nok pak waddoŋ baymet aka balamə; məzundolokun wakkpaŋgaŋ ka zəgeɗ nawndoleti, məzuppohõkuni, wanəpet sən popoho.

Yeremiya 50:7

Ɗiy en dədawrihinin pak tahəŋ əmpirnini, məzuzelɗe net tahəŋ ənahaŋ na: Məraygən ɓa vi aɗɗaŋ mambray aka Yawe, afən təstəsə, Yawe məs efiŋgiɗit aɗɗiyən əɗɗum net akani yi.

Yo'el 1:3

Məŋɗan sit wən nan sit kirtukum mezeŋgleketi, kirtukum sit kirtiti, kirtit tam sən sayit an dədazzani.

Amos 6:1

Əray aket ɗiy dədanziyaŋ kiyit foŋgo a Siyon, gəm en dəɗiyən əɗɗum net aka mossorgo metiŋ na Samari! Petmekel an daabəŋ net mahəlfaɗe. Mə Israyelɗe tay əddoŋ akokum!

Habakuk 1:11

Vasna səmyã tay əɓla, tay əmbata. Araygənək kini; gbogboŋ nan dəkkpaŋ ka maŋgəlva nani!

Zakarya 1:15

Makraw fiyõh fiyõhĩ aket dəlveŋge məs dərəhən kiyti; vi naw gədəvu siɗikke adə, ya net abbahaŋ sənənək əraya.

Zakarya 2:8

Yaŋ aɓsu na: «Anzok anah sən wiyən ndaka, is na: Yerusalem wasan va walaŋgəleɗe gugriɗ məs kiyit viŋŋge, vi ɗiy dit zəgeɗ memeyẽɗ nassoŋ addəvən diyɗaŋka.

Əŋɗa 18:12

Mẽl an moggoni, mbazla na meketepe an neki gəm haykəmari, uwa net wəleŋɗe en dəsɓaŋ daabəŋ məs məpsən Yawe pakis nəpsukuke.

Roma 11:16

An memteke mərɗan daabəŋ salala yi, an məzbəkən pak salala yi. An suwer wəlaŋga salala yi, kivan vaski yi'e.

Roma 16:5

Məsɗet məzutafaŋ məzəkkalaŋ eŋgil anetda. Məsɗan Epaynetus baynaw na makrawa, məs dətaf Kristu aka dələv na Asiya daabəŋ.

Efesus 1:4

Vaski aweləm addəvən tak əzəməɗ dəlva vi məsamgən salala gəm məza də heslepe ama haran ɓa addəv əŋgla.

Əmsak aka Mahenziŋ 14:2

Vi ɗiy salala nawray va Yawe Maŋgəlva nokum kənanəni; anokumi Yawe awel ka ɗiy nawray van sə weleŋgit ɗiy naka dələv gboŋgu.

Əmsak aka Mahenziŋ 26:19

wakkpaŋgok daykiyit ɗiy pak də gagdaka, sləmok wagili gəm wawiɗguk daykiyit ɗiy azəməɗ pakə, wakəssoŋ ka ɗiy salala na Yawe Maŋgəlva nok va anah suko.

Əmsak aka Mahenziŋ 7:6

Vi ɗiy salala na va Yawe Maŋgəlva nokum kənanaŋgə; istə Yawe Maŋgəlva nok awel kəsokgən kanan sə weleŋgit ɗiy nammba dəlvafuŋ pakə.

Yakob 1:18

Də wəŋgla nani apsəm zeŋgile də wəpel nan an gesiŋ, vi məsamgəm dadabya net zəgeɗ en azəməɗ pakə.

1Piyer 2:9

Ya nokum, mahəlfa an muwelin kənanaŋgə, məsdəlveŋge na məlyã, kirtindələv en salala, ɗiy məs Maŋgəlva abit kənanaŋgə, vi kərbanəngən wəza gagdak na məs dəyukum səra guzli ara əkeɗeɗe nani.

Hənhən 14:4

Net dərnokonən zit dit gil ɓa, vi tahəŋ gbuɓɓo. Tahəŋ əzbat ndargayãk a təki təmbat pakə. Net məkõhgiti səret ɗiyi vi kepsin Maŋgəlva gəm sət ndargayãk va zəga dəsəɓ maddaabəŋ.