Yeremiya 2:27 - Bible en Guidar

²⁷ Tay ənah sən wəlaŋga məzaɓən na: istə afuwa! Gəm sən gərəm na: istə kəwuwa! Istə kəwəmə! Vi doŋgbolit akkpaŋgan suwən ɓa na hereti ɓa. Ya pay na tatwãh net na, ndəɗaŋ ənahaŋ na: Asil akõhgəmə!

Yeremiya 2:27 ပူးပေါင်းရင်းမြစ်များ

2Alabaraɗe Də Mabərkiziti 29:6

Vi efiŋgiɗəm aggbakaŋgək ma, aɗɗaŋgək zəga mbərayən ama hara Yawe Maŋgəlva namə, azganənka, akkpaŋganənək heret səka gəla na Yawe aktohunək gəɓet səni;

Isaya 26:16

Addəv əzəmsahã, Yawe, aɗiyənək əɗɗum net akoko; an kəzlotuk bereti ndəɗaŋ əkkamokuni.

Yeremiya 10:8

Beymet pak maɗɗula tay aket ɓa mətemtiŋgə, mi adawyaganən səza tuya na wəlaŋga ɗar di?

Yeremiya 18:17

Va səmyã nammba pay nampum nədatreyet aba məzuzel neti. Də modoŋgbolwi ɓa na də harawi nədawlet pay na əray net ɓa.

Yeremiya 2:24

Is tat va koro mugolun nawra, məs dəsərək də kapta-muyã. Pay narka' nani tay əffok səmyã; naway nawtak pay narkã nan di? En mezeŋgleket məzukayanən pak awyaŋ sam ɓa; tahəŋ əpeŋ akan an təla nani.

Yeremiya 22:23

Is məs kəsok də gəla a mossogo na Liban məs gəla nok aket muguguleɗ, wakənɗəsə an zəga nassa arəhkuko hara, wakəsok ɓalwãy-ɓalwãy va guluk məɓay uwa.

Yeremiya 3:9

Agəɗək polkoyo dit meŋgilveɗ net gərmeŋge gəm net wəleŋɗe, araygənək dələv də wədaw nani.

Yeremiya 30:7

Əray midi miy aŋ di? Pay metiŋgin tay va ndən ɓay; pay na əzəmsãhãy yi viyit ɗiy na Yakob! Ya wakohoŋ səddəvən hara.

Yeremiya 32:33

Akkpaŋgan suwənək doŋgbolti məza heret ɓa. Nəppan gabba ərbə sit zəga ɓa ya dəprəmən əyak ka kawrəh maɗɗula ɓa.

Yeremiya 37:3

Ndeni məlĩ Sedekiya aslən Yukal wətən Selemiya gəm Sefaniya wətən məsdələv Maseya aza məskəleŋ Yeremiya dawnəh na: Əŋga akkaman Yawe Maŋgəlva nam ambam ɗa.

Yeremiya 42:2

anah sənən Yeremiya məskəleŋ na: Kamə, aprəm əkkam namə, akkaman Yawe Maŋgəlva nok ammbamə, ammbet ɗiy en dəndəwəɗaŋ pakə, vi siɗikke məpəl səza va məsam gbaŋ naka va horok adawləməŋka.

Ezekiyel 23:35

Vini, vaŋ Daya Yawe anahə: adan kəzgətək kiywa, kəzgawək dərɓogoko, is sən kiyuk aslet wil noko, də polkoyo noko.»

Ezekiyel 8:16

Ndən mah əku a daŋgla na gəla na Yawe, mative na gəla na Yawe yaŋ a walaŋ gəla nawtoŋ dəddəvən a daŋgla gəm matuya, ɗiy tahəŋ gap kaklaw sula kiyit sle'i, gəɓet kutuh kutuh sən gəla na Yawe, heret sek dəmmba pay nampum, əppu'oŋ aba maŋgəlva paya.

Daniyel 9:7

Daya, təstəs noki; nam wil akam pay dəpaŋka, aket ɗiy na Yuda dit en na Yerusalem, aket Israyelɗe pakə, en go'o dit en faraɗa, aket dilveŋge məs kəɓɓeh adak vi aɓoŋgoŋ ki mok pakə.

Hose'a 4:12

Ɗiy naw tahəŋ əssohõnən ma wəlaŋga neti, ya kivan məzuboton siti. Vi əɗɗum na polkoyo azetike. Də əɗɗa polkoyo agohoŋ səza Maŋgəlva neti.

Hose'a 5:15

Wanəmbatə, wanəmndaw agəlawa, hã gap dəsənəngən na araygənənka, addəv əzəmsahã net na dəkayawəngəni dəkkpaŋgaŋgən azawa.

Hose'a 7:14

Səddəv kpukpum na mekret adakkamawən ɓa, an tay əɓuhun met aka zəga nawvoŋ neti, may əntarnən ziti aka wən na haykəmari gəm mbazla na meketepe gəɓet adaktuhoŋ vas səzawa.