Yeremiya 2:25 - Bible en Guidar

²⁵ Asla zuko, vas ɓa na wakəsok mədaw tuluk mekeleŋ ma wulok waŋkəl sit meme! Yaŋ kəzlan na: Agəɗ na ɓa, vi nəŋgluwik meŋgilveɗ melekeɗi, wanənzaw ammbeti.

Yeremiya 2:25 ပူးပေါင်းရင်းမြစ်များ

2Alabaraɗe Də Mabərkiziti 28:22

Aka pay asan addəv ənziya tatwãhəs pak, məlĩ Akaz azbanək əggbak ma Yawe day ki lahəŋka:

2Alabaraɗe Də Mabərkiziti 28:23

Yaŋ azaɓ-Maŋgəlva sit meŋgilveɗ na Damas məs dəskanən wəlan neki, amna: «Adan meŋgilveɗ net milyeŋge na Aram tahəŋ əbbah sit na, sit anet nədawzaɓ-Maŋgəlva vi dəbbahaŋ suwəngəni.» Assoŋguk ka zəga nazbərgen ndən də Israyel baymani.

Isaya 2:6

Kəzgetik ɗiy nok kirtin Yakob, vi meŋgilveɗ net ɗiy nammba pay nampum aknahaŋgək aka dələv neti wəɗɗaŋ tetele va net mə Filistiɗe, tay əslereŋ dit ɗiy-ɗarə.

Isaya 57:10

Kəyək vi zezek na tive, ya kənah na: Wanəppani ɓa. Kərəhka vini kəddak ɓa.

Yeremiya 13:21

Mə kədawnah pay adawgayaŋ də is di? Kəsərəkgitik də bayna nok ka kiyko, Kəttəman na tatwãh va guluk məɓay uwa ɓa sa?

Yeremiya 13:22

Ya an kənahək a mokrok vimi zəgeɗ vas adawrəwən di na? Vi memetiŋ na heslepe noki məkros gabba lukut nokum məsilipi, gəm mərma motokpotokpo təlko.

Yeremiya 14:10

Aŋki an Yawe anah aket ɗiyəŋki: Vas aŋglaŋ əbbal ɓa, tilit awziw a gəlan ɓa. Ya Yawe tay ənan nek dənɗaŋ ɓa, Ya yaŋ na tay əɗɗumonən mambray neti, watawwən aka heslepe neti.

Yeremiya 18:12

Ya tay ənahaŋ na: Gabban tay ɓa, əɗɗum nam mədazba. Ɗəf pak wasan addəv ki ɓəɓəl nani, mbərayən mədaɗɗa.

Yeremiya 2:31

Mənokum ɗiy en kakaŋka, məprəm əpel na Yawe! Nəkkpaŋgək va kapta-muyã aza Israyel sa? Awaniɓa va dələv ara guzli sa? Vimi ɗiy naw anahaŋ na: «Na kiyəm mənani məmil na azok əmpa ɓa di?»

Yeremiya 22:20

Apeŋ aka mossorgo na Liban aŋgəsl vaŋvəla dəprəm a Basan aŋgəsl vaŋvəl hã səket mossorgoɗe na Abarim vi məbeyti gəreŋgiɗuk gərakə.

Yeremiya 22:21

Nəpel sukuk aka kəsok kiyuk foŋgo, ya kənahək na: nəprəm na ɓa. Aski ədaw nok far səka gawloko; vi kəprəm maw ɓa.

Yeremiya 3:13

Asən mbərayən nok kaka'ə, vi aka Yawe Maŋgəlva nok kəɓoŋgu. Kəmbatək də kakara ammbet meŋgilveɗ meɓɓeti awetdi pak gəm ammba wəlaŋga hirikhirik awandi pakə, kəŋgəm əprəmu ɓa Yawe aɗiymani.

Yeremiya 44:17

Vi əpel an dəgil səmam pak mədazba, kawzla tursan sət Ma'ãyək na disiŋ, waməpeslit va məgəɗə, mənamə, efiŋgiɗmə, milyeŋge namə, deyeɗe namə, a walaŋgəleɗe gugriɗ na Yuda gəm aket tiveɗ na Yerusalem. Gala mədaɗɗa zəgeɗiski, mənam tat əba də zəga nawzəma, mənam tat əsam zayə tatwãh tay məwəl ɓa.

Əɓuhma 1:2

Ndən kim aka əhəma: Sin aran zletzleti. Ɗak tat nawɓətgən səret gəreŋgiɗin ɓa. Beyneŋgiɗin pak appanənka, kpaŋgaŋ məzuzelɗe nani.

Əɓuhma 4:4

Hərzləm məzuwaɗ tay ətip aza geŋɗetin sit meme. Kirin memeɗeŋɗe tahəŋ əŋglaŋ waya; ɗəf tay dədapsit ɓa.

Ezekiyel 20:32

An naddəv əɗɗum nokum agəɗ na ɓa; mənokum tat ənəhaŋ na: “waməsam va ɗiy-ɗar tamə, va mahəlfaɗe naket dəlveŋge mbirti, kappu' sən wəlaŋga də gərma.”

Hose'a 2:3

Mənah sit milmiŋgiɗkum mezeŋgleketi, gəm sit milmiŋgiɗkum muguluŋgit tamə: Ruhama: ɗiy naw məs nəŋgələ.

Hose'a 2:5

Vas ɓa na wanəggbuk zəga səzat kappat zət mekeleŋ zawzawə, wanəkkpaŋgat va pay muwəta, wanəkkpaŋgat va kapta-muyã, wanəɗɗət va təki kpokpõhõ gəm ka in kawbayət dit meme.

Malakiya 3:14

Mənokum tat əɗɗumoŋ na: «Əɗɗa wəza sən Maŋgəlva na ɗari; ərəh mi aza ərma mahenziŋ nani adan mənam tat ədaw na sahã aba Yawe Məzuɓappak di?

Luka 15:22

Yaŋ afən aɓsit belemɗe nan na: Go' məki lukut an moggoni, məgul səni, məgul sən ndama aka vani, məkkpa sən henseki.

Luka 16:24

Aŋgəzlək vaŋvəla, amna: Afu Abraham awəl sahã akawa. Aslən Lazar dəyopgən metteɓ van aret iŋkile, dətte' su gən aka hərzlumwa, vi in tat əzəmsahã diyɗa addəv offoŋka.

Roma 8:24

Vi də əga mərah əkõho, ya əga məs hara ɗəf adawla na əgay ɓa, kawgani an ɗəf adawla əmpa sa?

Əmsak aka Mahenziŋ 28:48

wakəgəɗ wəza sit məzuzelɗe nok məs Yawe adawki akoko, may dit meme wazəmguk sahã, wakəssoŋ də wəray na lukutu gəm net zəgeɗ temtem pakə. Waklak suk zuk awloko, gap pay adawzok kakãhə.

Əmsak aka Mahenziŋ 32:16

Akkpaŋganənək məskotorok də əzbet meŋgilveɗ meɓɓeti, dit zəgeɗ nawmə'a, adan sənən gədəven,