Yeremiya 2:20 - Bible en Guidar

²⁰ Far kəŋzlu zuk noko, kəpəlik helegeɗ dəynokuni; kəmna: Nəgəɗ na wəza ɓa! Aka təki ɗagarra gəm ammbet wəleŋɗe tindiŋ tindiŋ pak kəweɗik zuk əɗɗa polkoyo.

Yeremiya 2:20 ပူးပေါင်းရင်းမြစ်များ

1Milyeŋge 12:32

Yerobo'am aɗɗak wəzləra aka təla madodopoɗon də əvoŋ makəlaw kiyən masle'en va wəzləra adaɗɗa a Yuda ɗayɗayə. Ateŋ a matuya naka. Vaski agəɗ a Betel, azaɓ-Maŋgəlva sit kirit wasliɗe avot neki. Aɗi məsdəlveŋge na gəleɗe-nettuyeŋge məs arkə a Betel naka.

1Milyeŋge 14:23

Net van zlaŋ arkaŋgək gəleɗe-nettuyeŋge, ampaŋgək serekɗe dit Astereɗ aket mossorgoɗe pakə may ammba wəlaŋga məndufun pakə.

Gəlyaɗe 107:14

Agilgitik səra guzliyo, səra guzli tiɗimtiɗimi, aŋzliwik ngiyamɗe neti.

Gəlyaɗe 2:3

«Mərsle səm helegeɗ neti, məndol səm sakazlaŋɗe net səzam faraɗa.»

Gəlyaɗe 78:58

Adansənənək gədəvən dit gəleɗe-nettuyeŋge neti; zəgakamaŋgəlva net asilgənək kotorok nani.

Əgilye 19:8

Ɗiy pak azlanənək met taka, aɓɗaŋ na: «Waməɗɗa an Yawe anah pakə.» Yas Moyis aki əpel net ɗiy sən Yawe.

Əgilye 24:3

Moyis pay əboton wən məs Yawe anah pak sit ɗiyi, gəm wənɗe məziwgiti. Ɗiy pak azlanənək met taka: «Əpel məs Yawe anah pak, waməzbani.»

Əgilye 3:8

Nəprik na, vi kawkõhgit səvet mə Eziptiɗi, kawgilgit səka dəlvəŋ, kawket aka dələv moggon fədiy fədiyə, aka dələv məs moŋvo də amama adawdawaŋ akan lokloku, kəlaka təki net mə Kana'anɗe, na Hitti, na Amori, na Perzi, na Hivvi, gəm na Yebusi.

Isaya 1:21

Mbarmbar walaŋgəla-metiŋ an təstəs akkpaŋ məpolkoyo di? Təstəs gəm ədaw sarara tahəŋ addəvən lahəŋka; ya kakaŋ na, məbayaŋ gəbayəŋgə.

Isaya 10:27

Pay dəpaska, waprikgin zəga nawsla nan səka ki voko gəm zuk məs aklak suk a mawəloko, zuk aklak suk van wagəsl sən əkər noko.

Isaya 14:25

Wanəŋzlu gbogboŋ na Asiri aka dələv nawa; wanəndapan aket mossorgoɗe gugriɗ nawa. Wanəprət zuk səma wəleti, gəm wanəzgan zəga nawsla nan səka kiyveti.

Isaya 9:4

Vi hensek na məzuzel məzəkkergin dəlvafuŋ, gəm lukut məs də mbel azan pak wakkpaŋgaŋ zəga nawzəm na offo.

Yeremiya 13:27

Əkəw a gizbe noko, fĩfĩ noko, wil na polkoyo noko! Nulek aket mossorgoɗe gəm awra, nulek zəgeɗ daryawɗe noko! Mə əray mi akokəŋ di Yerusalem, kawŋgəm əbbur zuk əzbaw ɓa! Ka dewe kandi?

Yeremiya 17:2

Va adaɗɗumoŋ aket kirtiti tay əɗɗumoŋ aka təki nawzaɓ Maŋgəlva neti, aket Astereɗ meŋgilveɗ neti, ameŋgevet wəleŋɗe məndufti aket mossorgoɗe məɓeyti.

Yeremiya 2:31

Mənokum ɗiy en kakaŋka, məprəm əpel na Yawe! Nəkkpaŋgək va kapta-muyã aza Israyel sa? Awaniɓa va dələv ara guzli sa? Vimi ɗiy naw anahaŋ na: «Na kiyəm mənani məmil na azok əmpa ɓa di?»

Yeremiya 3:13

Asən mbərayən nok kaka'ə, vi aka Yawe Maŋgəlva nok kəɓoŋgu. Kəmbatək də kakara ammbet meŋgilveɗ meɓɓeti awetdi pak gəm ammba wəlaŋga hirikhirik awandi pakə, kəŋgəm əprəmu ɓa Yawe aɗiymani.

Yeremiya 30:8

Pay dəpas na, Yawe Məzuɓappak aɗiyman na, wanəŋzlu zuk sə wəleti, wanəɓuh helege səzeti. Kəssoŋ na belemɗe net melekeɗ əmpa ɓa.

Yeremiya 5:5

Dəɗah naw nəmmbat azet ɗiy gugriɗe, əpel dənɗaŋgə: vi net asənnənək tive na Yawe, asənənək ətawwən na Maŋgəlva neti. Mbaraka net pak: Aŋzluwənək zuk na ma wəleti aɓuhunək helege an diyneti.

Ezekiyel 16:28

Kəkuwək dit ɗiy na Asiri, vi kawba ɓa, kəkuwək dənɗaŋ də as pak kəbə ɓa'e.

Ezekiyel 16:31

Aka kərka təki nok ɗogro'o ama tive pakə gəm dalas nok kəgəɗ təki pakə, kəgəɗ va məpolkeyeɗ ɓa: kossoh zəga kpẽh ɓa.

Ezekiyel 16:41

wazlenin gəleɗe nok də offo, watawnənwən akok a maheret gil ŋgboŋgu; wanətakuk də əku a gizbe; may kipsit na wəya net gəreŋgiɗuk əmpa ɓa.

Ezekiyel 20:28

Nəkek aka dələv məs nəslan vawa, nəsway sit napsiti. Awlaŋgək mossorgo məɓayən may wəleŋɗe hirik-hirik pakə; azaɓənək-Maŋgəlva net adaka, aɗɗaŋ əvəl net nawdan gədəvuw adaka, aɗiynənək tursan naffeten makret adaka, afloŋgunək mbazla nawpesl net adaka.

Ezekiyel 23:5

Yaŋ Ohola təku a gizbe, məza ɗew viyu ɓa. Təka may nat azet gəreŋgiɗət na Asiri meggeŋgiɗta.

Hose'a 1:2

Wətəŋ əpel na Yawe də ma Hose'a: Yawe aɓsən Hose'a na: «Doko, agəm guluk məku a gizbe, kirin kədawwa dəndəta, dəssoŋgən kirtət məku a gizbe, vi dələv tay əku abe abe də əmzləh səmmba Yawe.»

Hose'a 2:5

Vas ɓa na wanəggbuk zəga səzat kappat zət mekeleŋ zawzawə, wanəkkpaŋgat va pay muwəta, wanəkkpaŋgat va kapta-muyã, wanəɗɗət va təki kpokpõhõ gəm ka in kawbayət dit meme.

Hose'a 3:3

Yaŋ nəɓsət na: «Kəsokgən ka nawa, kədaɗɗa polkoyo ɓa, kədawsok də ɗəf ɓa. Naw pak vas nədawsaw suko.»

Hose'a 4:13

A dadwar kiyit mossorgoɗe gugriɗ adawzaɓaŋ-Maŋgəlva, aket mossorgoɗe adawzlaŋ tursanɗe ammbet wəleŋɗe gugriɗe adawyaŋ na Elon, libne, Ela vi zeŋgile net moggoni. Sən aski, kirtukum muguluŋgit adaɗɗaŋ polkoyo, gil net kirtukum adawkuwaŋ a gizbe.

Hose'a 9:1

Israyel kənneken zuk sam hã kiyuk zlazlaɓ va ɗiy meɓɓet ɓa, vi kələk faraɗa səza Maŋgəlva noko kəgəɗək polkoyo, may kəŋgələk əfaɗ suk aket kelleɗe na haykəmari pakə.

Məsdəlveŋge 26:13

In Yawe Maŋgəlva nokumtə, məs dəgilgukum səka dələv na Eziptə, vi kədassoŋ belemɗe net əmpa ɓa; intə nəŋzliw wəleŋɗe na zuk nokum, nədawgukum wəlokum ɗiliwwe.

Nahum 1:13

Kakaŋ na, wanəŋzlu zuk nan səkoko gəm wanəɓuh ŋgiyamɗe noko.

Əmsak aka Mahenziŋ 12:2

Kəzetingin təkiɗe temtem an ɗiy kədawmõhən dələv net aɗɗaŋ wəza sit meŋgilveɗ neti, en naket gərmeŋɗe məɓeyti, en naket mossorgoɗe gəm nammbet wəleŋɗe məndufit pakə.

Əmsak aka Mahenziŋ 15:15

Kəɗɗumongən na kəssokuk balam aka dələv na Eziptə yaŋ Yawe Maŋgəlva nok abitko. Vini yi, nədawɗi suk wən nan vas dəpaŋka.

Əmsak aka Mahenziŋ 26:17

Yawe yi kənah sən dəpaŋ na, wasan Maŋgəlva noko, gəm wakəzban tive nani, arme mahenziŋɗe nani, wəsəɓɗe dit tiveɗnanziya nani, gəm aprəm mani.

Əmsak aka Mahenziŋ 4:20

Nokum na, Yawe andukuməko, agilgukum sə Eziptə dəsan va mosgoy nanwẽsl təbəz addəvən, vi kəkkpaŋgaŋgən ɗiy na vawray nan va kəssoŋ dəpaŋka.

Əmsak aka Mahenziŋ 4:34

Awaniɓa, maŋgəlva tay dəde əyagan igim ɗiy səka dələv net ɗiy meɓɓet ka nan də ula an nazet dit zəgeɗ narban wəna, dit sekeneɗi, də wəlpaɗe, də gbogboŋ na vani, van təlla, də wəgeslne'git ɗiyi, va Yawe Maŋgəlva nokum agəɗ a Eziptə vikum ama horokum sa?

Əmsak aka Mahenziŋ 5:27

Azar go'o, aprəm an Yawe Maŋgəlva nam adawpele, nok na, kənah səmgən an Yawe Maŋgəlva nam anah suko, waməprəma, waməgəɗ wəza dəndəni.»

Yosuwa 1:16

Yaŋ Azlan sənən Yosuwa də ənah na: «An kəɗi səm naɗɗa pak waməɗɗa, də təki kəslənəm pak Wamələ.

Yosuwa 24:24

Ɗiy aɓsənən Yosuwa na: «Yawe Maŋgəlva nam mədawgəɗ sən wəza, man mədaprəma.»

Yosuwa 24:26

Yosuwa aver əpeləŋ addəv ɗerewel na mahenziŋ na Maŋgəlva, agəm gərəm metiŋgini, ampa adak ammba wəlaŋga metiŋ, adawyaŋ na Sen, a maŋgava gəlamatuya na Yawe.

Hənhən 17:1

Yaŋ taka səret maslay buhul dit hiliŋgiɗ buhul avet nek ade azawa, apel su vaŋka: Ade, wanərban suk va mətawwən akat bərviyak matəŋgəta, ana walaŋgəla-metiŋgin mərkan aket peheɗi.

Mətawaŋwəna 10:6

Mə Israyelɗe azbanənək əɗɗa mbərayən a mahara Yawe. Azbetinik Ba'alɗe gəm Astereɗi gəm meŋgilveɗ na Aram, may meŋgilveɗ na Sidon, may meŋgilveɗ na Mo'ab, may meŋgilveɗ net kirtin Ammon, may meŋgilveɗ net mə Filistiɗe. Ndəɗaŋ mbagən Yawe, aɗɗaŋ sənən wəza ɓa.

Mətawaŋwəna 2:11

Yaŋ mə Israyelɗe aɗɗaŋ mbərayən a mahara Yawe, agekdeketin Ba'alɗe.

Mətawaŋwəna 2:13

Ndəɗaŋ mbagən Yawe friki, ɓa' əɓe' sən Ba'al dit tuyeŋge Astereɗi.

1Samiyel 12:10

Yaŋ ahəmaŋ sənən Yawe, Aɓɗaŋ na: “Məgəɗək mambray vi məppanək Yawe, məzbetik Ba'alɗe dit tuyeŋge Astereɗi. Kakaŋ na, atərəm səvet məzuzelɗe namə, məgəɗ sukgən wəza.”