Yeremiya 2:19 - Bible en Guidar

¹⁹ Mambray nok dəzga suko, kəta əppan Maŋgəlva dəkisuk əzga'a! Vasna asəna kulagən na wəzgan Yawe Maŋgəlva nok gəm wəgeslne sən tay ɓa na, wən nan təraŋhi, mbərayni, Yawe Maŋgəlva Məzuɓappak aɗiymani.

Yeremiya 2:19 ပူးပေါင်းရင်းမြစ်များ

1Milyeŋge 18:18

Yaŋ amna: «Intə nəki wəray aka Israyel dərəŋ ɓa, istə də gəla na afuko, vi kəppanən wəsəɓ na Yawe, kəzbet Ba'alɗe.

2Alabaraɗe Də Mabərkiziti 12:5

Məskəleŋ Semaya pay aza Robo'am dit ɗiy gugriɗ na Yuda məkkelit a Yerusalem aka wən na Sisak, aɓsit na: «An Yawe adawnəh yaŋka: “Kəzgawənka! Ya naw van tam nəzgokumko addəv va Sisak.”»

2Alabaraɗe Də Mabərkiziti 21:10

Hã pay dəpaŋka Edom tay məɓoŋgun aka məlĩ na Yuda. Dasək vani Libna pak aɓoŋguk akani, vi appan Yawe Maŋgəlva net efiŋgiɗni.

2Alabaraɗe Də Mabərkiziti 25:16

Aka tay əpel sən vas naka, Amatsiya aɓsən na: «Məɗikuk ka məzəsəɓ sən məlĩ sa? Ampan moko, kəŋgəl dəbaykungən sa?» Məskəleŋ ɓatə, yaŋ amsak ənəh na: «Nəsənək na, Maŋgəlva aynanək nawzoko, vi kəɗɗa vas məza əprəm maw ɓa.»

Gəlyaɗe 36:1

Səza daya net məyaŋgəlya, Davit gawla na Yawe.

Əgilye 33:6

Mə Israyelɗe akgbukinik lukutɗe na mayã net səzet təŋ səza gərəm na Horeb.

Wənməkkpaŋga 1:31

Wazəmən zəga nawrəh na ədaw neti, keketɗe net mbəreyit tusso waki meti.

Wənməkkpaŋga 1:32

Vi kiyɓəɓəl net mətiɓiɓ-tiɓiɓɗe wabeye, əssa fiwwe net dərweŋge wazeti.

Wənməkkpaŋga 5:22

Heslepeɗe na məsdaraw warmanəni, warəm addivit helegeɗ na mambray nani.

Isaya 3:9

Əkəw net tay ərba wən aketi. Tahəŋ ərbanən mambray net va ɗiy na Sodom aɗɗaŋgə dəɗamanən ɓa. Aw əraya, məɗɗaŋ əray ka kiyti.

Isaya 5:5

Kakaŋ na, wanənah sukum an nədagəɗ sən guli net megezlembirkeɗ nawa: wanətor mambara nani, kawtaɗni yi. Kawtilikeni mambara nakani, kawndapani yi.

Isaya 50:1

An Yawe anah yaŋka: Ŋgay ɗerewel nawɗak dət mokum məs nəver narban na nəppatəka di? Awaniɓa naway səmmbet məzəzbawən dəmən nəvəlkum sən di? Mula aka mambray məvəlkum. Vi əɓoŋ nokum məppat mokum.

Yeremiya 1:16

Wanətawwən naw aketi vi mambray neti: azgawənka, yas azlaŋ tursan sit meŋgilveɗ meɓɓeti, gəm appu'oŋ abet zəgeɗ wəza na veti.

Yeremiya 13:22

Ya an kənahək a mokrok vimi zəgeɗ vas adawrəwən di na? Vi memetiŋ na heslepe noki məkros gabba lukut nokum məsilipi, gəm mərma motokpotokpo təlko.

Yeremiya 2:17

As van arəhuk na vi kəzgan Yawe Maŋgəlva noko, gala adakuk tive tive yi ɓa sa?

Yeremiya 3:22

«Məmil azawa, kirin kiyɓəɓəlɗe, wanəmbəlgukum səka ma sula sula nokum!» «Mənam yakəŋkə, midek azoko, vi istə Yawe, Maŋgəlva namə.»

Yeremiya 4:18

Wədaw noko gəm wəza nok dəkinən zəgas pak akoko, əray dəde akoko gesiŋ is tat əttəman tatwãha, gesiŋ tay ətoŋ suk təɗək hã a mokroko.

Yeremiya 5:22

Anawi kəgeslne'eŋ suwən na ɓaŋ sa? Yawe aɗiymani. Kəkkereŋ na abaw ɓa sa? In məs nəɗi hoyoŋko ka meŋge na pehe, meŋge an faɗə məs akkaɗ na kiyən ɓa: Wapilmis samə, ya aɓap na ɓa; vovolumɗe net wabayaŋ gəgay samə akkaɗɗaŋ na ɓa.

Yeremiya 5:24

Awnahaŋ a mekret na: Məgeslne' səm sən Yawe Maŋgəlva namə ɓa. Məzəpsəm buwən aka pay nani, an na mawala gəm an na mənziya, məzugesəm payɗe məɗiyit na mawala.

Yeremiya 5:6

Vini ɓoolu siddivit wəleŋɗe asil aket op, kəramuyã sura aboŋgeti. Balgam adasivu walaŋgəleɗe gugriɗ neti kawbakani ɗəf an dəgil səddəvən pakə, vi əɓoŋ net diyɗa yi, əppan Maŋgəlva net anzlərka.

Yeremiya 7:19

Yawe aɗiyman na, anaw adawdan suwən gədəvu sa? Ana ki zit tusso adarbaŋ sənən wil dərəŋ ɓa sa?

Yeremiya 8:5

Vimi ɗiy na Yerusalem əŋ aɓoŋgoŋ dawsənwən aziweŋ ɓəlɓəl addəv uwawəna, ɓoŋgoŋ damilye azaw di?

Ezekiyel 23:30

Kawgəɗ suki vaska, vi kəgəɗək polkoyo əzbet ɗiy-ɗarə, kərnokonək zuk dit tuyeŋge neti.

Ezekiyel 39:24

Nəgəɗ sitik va haramba net an aɗɗaŋ də əɓoŋ neti; nəɗamanək haraw viti.

Hose'a 11:7

Ɗiy naw aktuhənək gəɓet dazbawa: iyeti, ɗəf tay dədawsilyen ɓa.

Hose'a 13:9

Azokko Israyel; vi kəsil akaw in məzutər noko.

Hose'a 14:1

Samari araygənəka, vi aɓoŋguk aka Maŋgəlva nani: kawbeyti ɗiy nan də masalam, kaŋkinti kirtin na met bide, gil nan də daweyɗe kawbekti.

Hose'a 4:16

Va wasli məɓoŋni, vaski Israyel aɓoŋgu. Kakaŋ kan na, Yawe dəlgən ətaɗən awra va time.

Hose'a 5:5

Wəkaɓ na Israyel tay ətawwən akani. Israyel də Efrayim ataŋgbayãŋgək vi heslepe neti, Yuda pak ataŋgbayə̃k dənɗaŋgə.

Hose'a 7:2

Awnahaŋ a mekret na mbərayən mədaɗɗa ɓa, nəɗɗumonək akawa, kakaŋ na wəzeɗe net akaraŋgək kiyiti, yeŋ ama harawa.

Hose'a 9:1

Israyel kənneken zuk sam hã kiyuk zlazlaɓ va ɗiy meɓɓet ɓa, vi kələk faraɗa səza Maŋgəlva noko kəgəɗək polkoyo, may kəŋgələk əfaɗ suk aket kelleɗe na haykəmari pakə.

Amos 8:10

Wanəkkpeŋget wəzləreɗ nokum ka gəlabayɗe gəlyeŋɗe nokum tam ka wəhəma. Ɗiy pak waynaŋ gomboɗok ama gizeti, kiyit ɗiy baymet wasan məfaɗən, wanəɗi va pay əmta na karmalay. As pak wagrak wəsɓəta mbərayən diyɗa.

Mika 1:5

As pak vi əɓoŋ net kirtin Yakob, gəm mambray net mə Israyelɗe yi Əɓoŋ na Yakob van mi di? Samari yi ɓa sa? Naway dəkdah Yuda addəvit gəleɗe-nettuyeŋge di? Yerusalem yi ɓa sa?

Zakarya 7:11

Ya aɓoŋgoŋko, dəzgaŋ sləma ɓa; ndəɗaŋ kiyvet zloŋgoŋgu, sləmet dəsldəsl vi adaprəmnən ɓa.

Roma 3:18

Geslne na Maŋgəlva tay a maheret ɓa.

Mətawaŋwəna 10:13

Yaŋ nokum kəppawəni, kəzbetin meŋgilveɗ meɓɓeti. Sən aski kan nəzban na əkõhgukum ɓaŋka.