Yeremiya 2:15 - Bible en Guidar

¹⁵ Bigawleɗ net ɓooliɗ tay əbayaŋ sənən gagay. Tay əbayaŋ gagay zit soksoku. Araygənək dələv nan kuɗupu. Məzleti walaŋgəleɗe gugriɗ nani, ɗiy tahəŋ addivit ɓa.

Yeremiya 2:15 ပူးပေါင်းရင်းမြစ်များ

Ɗerewel na Yob 4:10

Gagay na ɓoolu, ɓaɓəlma əhãy na balgam; slayit kirtit ɓooliɗ aŋzlaŋka.

Gəlyaɗe 57:4

Sə disiŋ adawslən əkõhguwa, arbəsənək wil sən məzusər mawa, Maŋgəlva waslən moggon nan də gegesiŋ nani. Əziwe

Isaya 1:7

Dələv nokum tay addəv tatwãha, walaŋgəleɗe nokum məzletiŋgə. Məzuzelkumən tahəŋ əraygənən dələv nokum a ma horokum; əzəmsahã yi va kəɓəs na məzuzel dugulo.

Isaya 24:1

Daya tay əraygən dəlva, tay əkkpaŋgan kapta-muyã, tay əkkpaŋgani, tay ətraygit ɗiy nakani.

Isaya 5:29

Ɗəf əprəmən na va əhəm na ɓoolu, tay əhay va əhəm net kirtin ɓoolu mugolun aka zəga nazəm neti tay əkanəni, məza ɗəf ətafən ɓa.

Isaya 5:9

Nəprəmək Yawe Məzuɓappak na, gegesiŋ gəleɗe diyɗa wassoŋ miɓzluti, gəleɗe gugriɗe gəm təki lalawɗe nassa wassoŋ məza ɗəf ɓa.

Isaya 6:11

Ndəni nəttokku: Hã dewe di Daya? Azlanək na: Gap walaŋgəleɗe gugriɗe mbo'oŋgu, ɗiy assoŋ na addəvən ɓa, ɗəf taka asan na addəvit gəleɗe ɓa, dəlvafuŋ wasan va kapta.

Yeremiya 10:22

Məprəma, alabara tay əzani. Gogoyo metiŋgin tay əzan səka dələv na kəla disiŋ; kawzet walaŋgəleɗe gugriɗ na Yuda kakkpaŋget ka təki nassa net kirɗemuyã.

Yeremiya 25:30

Ya nok na, kəpel sitgin əpel na kəleŋgəŋ pakə, kənah sitgin na: Sə disiŋ Yawe ahayə; sə təki nassa salala nani tay əslan wəlan əhaya, tay əhayet ɗiy nani. Tay əŋzla vaŋvəl va məɗot uwa net megezlembirkeɗi. Naway dəsan aka dələv pak tay əprəmən.

Yeremiya 25:9

Yawe aɗiyman na, in yakəŋ əslən əkeyet ɗiy na kəla disiŋ pak gəm wanəki Nabukodonozor məlĩ na Babilon gawla naw dəgaygən də dəlveŋka, dit ɗiy naddəvən, dit ɗiy naket dəlveŋge en dəssoŋ kiyən tərwəslə, wanəzet kakãhə, wanəkkpeŋget zəga naggət gəm nawmas aketi, wasan kiməski faɗə.

Yeremiya 26:9

Vimi kəgəɗ kəleŋ də iya na Yawe dawnəh na, gəlaŋ wasan va təki nakkaman Maŋgəlva na Silo gəm walaŋgəla-metiŋgin warayə ɗəf tay nassan addəvən ɓaŋ di? Ndəni ɗiy pak akkalaŋ aka Yeremiya addəv gəla na Yawe.

Yeremiya 33:10

Vaŋki Yawe anahə: «A təkiyəŋ məs kədawnəhaŋ na: Aŋkəlka, ɗiy tahəŋ ɓa, zəgeɗ memeyẽɗ tahəŋ addivit walaŋgəleɗe gugriɗ na Yuda ɓa may tiveɗ na Yerusalem seŋseŋgəŋ məza ɗiy ɓa, ɗiy tahəŋ də gəla ɓa zəgeɗ memeyẽɗ tahəŋ ɓa əŋka, kaprəmi əmpa:

Yeremiya 34:22

wanəɗi sit wən nani, wanəki aka walaŋgəla-metiŋginiŋka, wagayan dəndəni, wamõhuni gəm waɗisənən offo, wanəkkpaŋget walaŋgəleɗe gugriɗ na Yuda va kapta məs ɗəf awsan adak ɓa Yawe aɗiymani.

Yeremiya 4:7

Ɓoolu agilik səddivit geslembeɗi, məzet ɗiy tay aka tive, agilik səgəlani vi kawzan dələv noko. Kaɓzluti walaŋgəleɗe noko, ɗiy assoŋ na addəvit ɓa.

Yeremiya 44:22

Yawe dəɓap əɓəs daraw na wəza mbərayən nokum məs kəɗɗaŋ ɓa, aba zəga daryaw məs kəɗɗaŋgəŋ ɓa, ndəni dələv nokum akkpaŋ kiməskiya, hoŋhoŋ də mefɗeke məza ɗəf akan ɓa va pay dəpaŋkəŋka.

Yeremiya 5:6

Vini ɓoolu siddivit wəleŋɗe asil aket op, kəramuyã sura aboŋgeti. Balgam adasivu walaŋgəleɗe gugriɗ neti kawbakani ɗəf an dəgil səddəvən pakə, vi əɓoŋ net diyɗa yi, əppan Maŋgəlva net anzlərka.

Yeremiya 50:17

Israyel na, time məzani ɓooliɗ arɓahnənka. Ɗəf dəmpər daabəŋ na, məlĩ na Asiri yi. Sisske na Nabukodonozor məlĩ na Babilon məs dəŋgrofet slesleŋɗe nani.

Yeremiya 51:38

Tahəŋ əbay gagay sap va gewleɗ ɓooliɗi tay əhayaŋ va kirtit ɓooliɗ mugolti.

Yeremiya 6:8

Ataf əzga'a Yerusalem, vas ɓa na wamuɗakə vi nədakkpoŋgok va ki kapta, dələv məs ɗiy tahəŋ akan ɓa ɓa.

Yeremiya 9:10

Wanəkkpaŋgan Yerusalem ka korguɗe, ka təki nawɗam net kirɗemuyã, wanəkkpeŋget walaŋgəleɗe gugriɗ na Yuda muyã məs dəf tay adak ɓa.

Yeremiya 9:11

Naway ɗəf məsmaɗɗula naprəm gabba wənəs di? An Yawe apel sənək na dərban sit ɗiy na, vimi dələv azə, məɗi sən offo kpaŋ va kapta-muyã ɗəf awtoŋ dədak ɓa di?

Ezekiyel 36:3

Vini, agəɗ kəleŋgi; kənahgən na: An Daya Yawe anah yaŋka: Vi məraygukumi də wəzəmgukum sahã də təki pakə, vi kəssoŋgən ammba vet ɗiy-ɗar en meɓɓeti, vi metteɓ met ɗiy də hərzlumit ɗiy anəhaŋgək wən azokumu.

Ezekiyel 5:14

Wanəkkpoŋgok ka kiməskiya, ka zəga net wil a walaŋgit dəlveŋge na guw dəssoŋ kiyuk tərwəslə, a maheret məzutoŋgoŋ pakə.

Hose'a 11:10

Wadawaŋ ammba Yawe. Wahəmaŋ va ɓoolu adawhəma; vi an tay əhəma, kirtin wannekenən zit dazzoŋ səma pehe.

Hose'a 5:14

Vi wanəsaw va ɓoolu aza Efrayim, va gawla ɓoolu aza Yuda. Naw in nədawpiweni, sissiŋ wanəmbat dəndəni, ɗəf tay nawmõhən ɓa.

Amos 3:12

An Yawe anah yaŋka: «Va məzutaɗa adawmõh təl zəga sula awaniɓa metteɓ sləman səma ɓoolu, vas adawmõhnin mə Israyelɗe məs dəssoŋ də gəla a Samari, dəssoŋ aket zəgeɗ nawvoŋ may aket ontoŋɗe kukuɗɗeŋki.»

Amos 3:4

Ɓoolu wahəm a muyã an zəga nampər tay arah ɓa sa? Wət ɓoolu wahəm a vov nan an zəga tay arəm ɓa sa?

Amos 3:8

An ɓoolu ahəmək na, naway məs geslne ada na ɓa di? Yawe Maŋgəlva apelke, naway məs agəɗ na kəleŋ ɓa di?

Nahum 2:11

Məmõhõni pakə, məkkporni, məraygəni yi; mekret aɓohko, takpret sulagən gbuduku, zit pak korkoru, heret pak həmhəm pərreŋgi.

Sefanya 1:18

Təbəz babar də meleŋge net aɓap na əkõhgit ɓa, pay net herɗe na Yawe gəm pay na sələh nani dəlvafuŋ bayman wazlə; vi wazan zəga pakə, sesel zəga naw geslne' səni, wagəɗ aket ɗiy nammba dələv pakə.

Sefanya 2:5

Əray akokum, ɗiy naka va na pehe, dələv net mə Keretɗe; akokumi əpel na Yawe, Kana'an dələv net mə Filistiɗe: wanəzoko, vi ɗəf tay addəvuk ɓa.

Sefanya 3:6

Nəzetik dəlveŋge, nəɓzluwik zlavaɗe net məɓeyti; nəreygitik tiveɗ neti: məzutoŋgoŋ tahəŋ ɓa; məreygiti walaŋgəleɗe gugriɗ neti: ɗəf taka tay ɓa, ɗiy tahəŋ də gəla addəvən ɓa.

Zakarya 11:3

Məprəm ɓaɓəlma ənɗəs net məzuteɗeŋge, vi gagdak net azəka. Məprəm əhəm net kirtin ɓoolu, vi əkaɓ na Yurden azəka.

Mətawaŋwəna 14:5

Samson kan prik a Timna də afəni gəm mani. Aka agapaŋ a guli net megezlembirkeɗ a Timna yaŋ gawla ɓoolu pay ələmsən də əbay gagay.