Yeremiya 2:13 - Bible en Guidar

¹³ Vi ɗiy naw aɗɗaŋgək an dəslə ɓa aka zən zaɓzaɓə: Azgawənka, in iŋkile miyma, vi kawso'oŋ vov net iŋkile neti; vov məpɗakən məs awziwgit iŋkile ɓa.

Yeremiya 2:13 ပူးပေါင်းရင်းမြစ်များ

2Milyeŋge 22:17

Adan azgawən firik ambataŋ əzlaŋ tursan sit meŋgilveɗ meɓɓeti, vi kawdan su gədəvu də wəza na veti. Makraw afyõhũk aka təkiyəŋka, affet na ɓa!”

Gəlyaɗe 36:9

Tahəŋ əbaŋ də waynabaya sənokda, iŋkile nenek na məlpa nok kədapsiti.

Məsmaɗula 1:14

Nulak wəzeɗe en dədaɗɗa ammba pay pakə; nərahək na zəga ɗari, əmbat ammba səmyãy.

Məsmaɗula 1:2

Ɗar net zəgeɗ ɗarə, Məsmaɗula anahə, ɗar net zəgeɗ ɗarə, pakgən zəga ɗari.

Məsmaɗula 12:8

Zəga ɗari yi, zəga ɗari yi məsmaɗula anahə, zəga pak zəga ɗari yi.

Məsmaɗula 2:11

Nəɗɗumuk aka wəza nəgəɗə, aka tatwãh nəzəm də wəɗɗani, aka wəza an nəzəm tatwãh dayə. As pak na! Zəga ɗari gəm əmbat ammba səmyãy, ərəh tay aka an nəgəɗ ammba dələv ɓa.

Məsmaɗula 2:21

Ta' nan na, ɗəf aɗɗak wəza nani də əɗɗa maɗɗula, də əsəna gəm ərah əmbat abe abe: ya sən ɗəf məs dəgəɗ wəza ɓa adappan haran nani. As vani, zəga ɗari, tatwãh metiŋgini.

Məsmaɗula 2:26

Sən Ɗəf təstəsə, ndən əpsən maɗɗula, əsəna, gəm ənneke, ya sən ɗəf məgəɗ mbərayən, ndən əpsən gəggrəŋ nawsapani, nakkalani kapsən ɗəf an moggon aba Maŋgəlva. As van zəga ɗari, əmbat ammba səmyãy.

Məsmaɗula 4:4

Naw nulak əzəmsahã na ɗəfa, ədaw na wəza moggon nan pak kotoroki a walaŋgən də meggeni. As pak zəga ɗari, əzban səmyãyi.

Isaya 1:3

Wasli asənək ɗəf dəlbaha, koro tam təki nawzəm məs afən apsənə. Israyel nan dəsən ɓa; ɗiy naw azgan sləma ɓa.

Isaya 1:4

Əray akokum ɗiy məɗɗaŋ mambraya, ɗiy məknehit də əɗɗa an dəslə ɓa, gebbet məɗɗaŋ ɗarɗarə, kirtit məsukoŋmegiɓe! Azganənənək Yawe, azeleninik Maŋgəlva Salala na Israyel, aktuhunək diɓet səni.

Isaya 12:3

Də ənneki kədawmbaɗaŋ iŋkile səddəv heret iŋkile miyma nawki əkõho.

Isaya 5:13

Vini Yawe anah na: kawketi ɗiy naw aka balamə, vi gabba zəga tay asənaŋ ɓa. Ɗiy tektek wamtaŋ sən maya, ɗiy diyɗa wamtaŋ sit meme.

Isaya 55:2

Vimi kədawzanən dala məza aka zəga an nazgəl ɗəfi ɓa, mənokum gəm əyan zukum ammba an aban na ɗəf ɓa di? Məprəma, məprəmwa, məzəm zəga moggoni, gəm əban zukum də da'asə.

Isaya 63:8

Yaŋ anah na, net ɗiy nawəŋgə, kirin məs awaŋwən ɓaŋgə. Asanək məzukõh neti.

Yeremiya 1:16

Wanətawwən naw aketi vi mambray neti: azgawənka, yas azlaŋ tursan sit meŋgilveɗ meɓɓeti, gəm appu'oŋ abet zəgeɗ wəza na veti.

Yeremiya 14:3

Deyeɗe aslinik belemɗe net əmbaɗ iŋkile. Ambataŋgək ama bobok dərəhaŋ iŋkile ɓa. Ndəɗaŋ buryok gagiya net mekeleŋ, wil adeninke, zit so'or so'oru, asərətənək kiyti.

Yeremiya 15:6

Yawe aɗiyman na, istə kəzgawa gəm kuktu' dəɓok suwa. Nəslanək vaw akoko, nəzokko, vi nəyək dawla sasãhko.

Yeremiya 17:13

Yawe yi məs Israyel aɗi kiyən akani, ɗiy en dəzgokun pak wil areti! En dəzaraŋ səzok wazaŋ va iya məverin aka burɗuku. Vi azgokunko, Yawe is heret iŋkile na zeŋgile.

Yeremiya 18:14

Ɓeɓrezle-rizze na Liban wabeweŋ dassoŋ aka milɓe nawra sa? Iŋkile zazay məzəzzoŋ sə guw wakkpa'aŋ sa?

Yeremiya 19:4

Vi azgawənka, araygənənək təkiyəŋ də əzla tursan sit meŋgilveɗ meɓɓet məs ndəɗaŋ zək net dəsinnin ɓa, efiŋgiɗit ɓa, milyeŋge na Yuda ɓa. Aknahənək təkiyəŋ dit mbel net ɗiy məs də mezlibezlibe na meti.

Yeremiya 2:11

ɗiy-ɗar addəɗetin meŋgilveɗ net sa? Ya net dərəŋ meŋgilveɗiŋ ɓa! Ya ɗiy naw addəɗanənək gagdak net də zəga an nawtər wərayi ɓa.

Yeremiya 2:17

As van arəhuk na vi kəzgan Yawe Maŋgəlva noko, gala adakuk tive tive yi ɓa sa?

Yeremiya 2:26

Va wil adawdanən məhala pay məgbat akani, vas wil adawdenin mə Israyelɗe, ndəɗaŋgə, milyeŋge neti, deyeɗe neti, məsdəlveŋge neti gəm məskəleŋɗe neti.

Yeremiya 4:22

Ɗiy naw kiyit tay ɓa, dəsənwən ɓa. Kirin məs aɗɗumoŋ kpum ɓaŋgə, əsən tay aket ɓa. Maɗulet na naɗɗa zəga mbərayni; naɗɗa moggon na, dəsənnən ɓa.

Yeremiya 5:26

Vi aweleŋgit ɗiy nawa, mərəhi ɗiy məsdarawəɗe əsekeɗeŋ təki limbi'limbi' va mərmaŋ biŋgeɗi tahəŋ ənslənaŋ bizwili vi karme ɗiyi.

Yeremiya 5:31

Məskəleŋɗe aɗɗaŋgək kəleŋ na uwawəna, məsdəlveŋge tahəŋ ətaf ərəh net kaka'ə, ɗiy naw tahəŋ ulanən lew a ma hereti. Ya mi kədaɗɗaŋ dərɓaga as di?

Ezekiyel 14:5

Vi wanəvok kiyit mə Israyelɗe, ndəɗaŋ məs dəkkpaŋganən mekret səkaw ammbet meŋgilveɗ net ndəɗaŋ pakəŋka.

Ezekiyel 47:1

Aku a maddamba na gəla na Maŋgəlva, iŋkile yeŋ ərɗiyaŋ səmmba maddamba, dəmmba pay nampum, vi hara maddamba van sek dəmmba pay nampumi; iŋkile vet əprəkoŋ də maŋgava gəla dəka dəzəŋ nani, dohoŋ na təki nawzaɓ-Maŋgəlva.

Mika 2:8

Lahəŋka, kəssoŋguk va məzuzelɗe net ɗiy nawa, Yawe anahə, kəmõhinik lukutɗe gugriɗ net ɗiy məzəmndoŋ səma əgaya məzəddoŋ kiyit foŋgo.

Mika 6:3

Ɗiy nawa, mi nəgəɗ sukum di? Də mi nəyokum di? Məzlan suwa!

Zakarya 13:1

Pay nan na, met iŋkile wakol sən zev Davit gəm sit ɗiy na Yerusalem ka naskoɓ mambray net də haramba neti.

Yohanna 4:10

Yesu azlani, aɓsət na: Va kəsənək əvəl na Maŋgəlva, gəm ɗəf məzunah suk na avay iŋkile nawsaŋ na, istə dərəŋ kədaŋgla, kəta wapsuk iŋkile na zeŋgile.

Yohanna 4:11

Guluk nak təɓsən na: Daya, zəga nawmbaɗ iŋkile tay avok ɓa, vov net iŋkile van fətəkfətəki; səŋga kan kədawrəh iŋkile na zeŋgile vetis di?

Yohanna 4:14

Ya ɗəf dədawsa iŋkile məs nədapsəni meme adanən na kpa' ɓa hã faɗə. Iŋkile məs nədapsəniŋki, wakkpaŋgaŋ heret iŋkile miyma na zeŋgile an faɗ nzõhõ.

Yohanna 7:37

Pay əgrak wəzləra, ndəni pay an na paya. Pay nani Yesu le' ziw apel dayadaya dawnəh na: Ɗəf məs meme adaŋ pak dəde azawa, dəsəgəni,

Əmsak aka Mahenziŋ 31:16

Yawe aɓsən Moyis na: «Nok yaŋ wakəsbet efiŋgiɗuk avovu, ɗiyiŋ waɗɗaŋ polkoyo də wəzbet meŋgilveɗ meɓɓet məs dəssoŋ aka dələv məs adawtoŋgoŋ adakəŋka. Wazgawəni, waŋzluwən wənmiyna nawa məs niynə dənɗaŋ.

2Piyer 2:17

Net tahəŋ va vov net iŋkile dəkkpa'aŋgə, tahəŋ va buwən miyman məs səmyã adawka, guzli titir tay əgeti.

Hənhən 21:6

Yaŋ anah su na: Agəɗək səkay grakə. Intə an daabəŋ wətəŋ nani, də an dirɓe pakə wəgrak nani. Ɗəf məs meme adaŋ pak wanəpsən iŋkile miyma na zeŋgile na mekeleŋ.

Hənhən 22:1

Yaŋ maslay nak arban su məlpa net iŋkile na zeŋgile. Tay wiɗ va darawgal, səka walaŋ mazaŋga na məlyã də ndargayã na Maŋgəlva ade.

Hənhən 22:17

Əmpəs dət waŋ məgəmət aɓɗaŋ na: Ade! Ɗəf dəprəm pak, dənah na! Ade! Ɗəf an meme adawdaŋ pak dəde, ɗəf an dəŋgəl iŋkile na zeŋgile warah na mekeleŋ.

Mətawaŋwəna 10:13

Yaŋ nokum kəppawəni, kəzbetin meŋgilveɗ meɓɓeti. Sən aski kan nəzban na əkõhgukum ɓaŋka.

1Samiyel 12:10

Yaŋ ahəmaŋ sənən Yawe, Aɓɗaŋ na: “Məgəɗək mambray vi məppanək Yawe, məzbetik Ba'alɗe dit tuyeŋge Astereɗi. Kakaŋ na, atərəm səvet məzuzelɗe namə, məgəɗ sukgən wəza.”