Yeremiya 2:11 - Bible en Guidar

¹¹ ɗiy-ɗar addəɗetin meŋgilveɗ net sa? Ya net dərəŋ meŋgilveɗiŋ ɓa! Ya ɗiy naw addəɗanənək gagdak net də zəga an nawtər wərayi ɓa.

Yeremiya 2:11 ပူးပေါင်းရင်းမြစ်များ

1Milyeŋge 11:33

Adan appawən appu'oŋ abat Astera, maŋgəlvak net mə Sidonɗe, aba Kemos, maŋgəlva na Mo'ab gəm aba Milkom, maŋgəlva net mə Ammonɗe, dədawaŋ aka tive naw ɓa, dəɗɗaŋ zəga təstəs ama haraw va mahenziŋ naw dit wəssərəkɗe naw va na Davit afən Salomoŋ ɓa.

2Milyeŋge 1:3

Yaŋ maslay na Yawe, anah sən Eliya mə Tisbe na: «Asil dok ələmsit maslənɗe na məlĩ na Samari, anah sit na: “Vasna Maŋgəlva tay a Israyel ɓa yi, hara kəddoŋgən əska həlik aza Ba'al-Zebub maŋgəlva na Ekron əŋ sa?

2Alabaraɗe Də Mabərkiziti 13:9

Nam na kirɓehetinik məsdəlveŋge na Yawe, kirtin Aron, may mə leviɗe, vi kawɗi məsdəlveŋge na kikum va net ɗiy naket dəlveŋge meɓɓet ɓa sa? Nawaydi pak əzzan kan də medgeɗge sə gazlaŋ nani gəm ndergeyẽɗ buhul nakkpaŋgan ka məsdələv net meŋgilveɗi.

Gəlyaɗe 106:20

Addəɗanənək Maŋgəlva dəsan gagdak net də zeŋgile wasli məzəm kiste!

Gəlyaɗe 115:4

Zəgeɗkameŋgilveɗ net na təbəz babarəŋgə gəm na meleŋge, məɗɗet də va ɗəfa:

Gəlyaɗe 3:3

diyɗaŋ məzupeleŋ akaw na: «Wəkõh nan tay aba Maŋgəlva ɓa!».

Isaya 37:19

Azgetik meŋgilveɗ net akoffo, vi meŋgilveɗ net Maŋgəlvaŋ ɓa, wəza na ɗəfəŋ kaka'ə, məzeɓit dit wəleŋɗe gəm girmeŋgeŋ. Azetinke.

Yeremiya 16:20

Ɗəf wazaɓ meŋgilveɗ nan sa? An azaɓ vet meŋgilveɗiŋ ɓa.

Yeremiya 18:13

An Yawe anah yaŋka: Məttoket ɗiy naka dələv mbərən: Naway dəprəm ɗah zev wən vas di? Ɗiy na Israyel aɗɗaŋgək zəga daryaw sawɓa.

Yeremiya 2:5

Vaŋ Yawe anahə: mi may efiŋgiɗkum arəhaŋ azaw mbərayən ka dəzaraŋgən səzawa di? Azbanənək zəga ɗarə akkpaŋgaŋ ɗarə.

Yeremiya 2:8

Məsdəlveŋge awnahaŋ na: ŋgay Yawe di ɓa? Ɗiy na mahenziŋ dəsənwən ɓa, məzuteɗeŋge net ɗiy atemeŋgik akawa, məskəleŋɗe aɗɗaŋgək kələŋ də iya na ba'al, ammbet zəgeɗ en atəraŋ na wəray ɓa addoŋgu.

Yeremiya 5:7

Aka askəsna wavvuyan suk sa? Kirtuk azgawənka, aswayaŋgək də zəga məs Maŋgəlva yi ɓa. Nəbetke, də as pak ndəɗaŋ əku a gizbe, ndəɗaŋ əsap addəv gəla nat məpolkoyoku.

Ezekiyel 14:5

Vi wanəvok kiyit mə Israyelɗe, ndəɗaŋ məs dəkkpaŋganən mekret səkaw ammbet meŋgilveɗ net ndəɗaŋ pakəŋka.

Ezekiyel 5:7

Vini Daya Yawe anah vaŋka: vi kəɗɗaŋgək hoyohoyo daykiyit dəlveŋge na guw en kiykum tərwəslə, kədawaŋ va mahenziŋɗe naw ɓa, kəɗɗaŋ wəza də tivenanziya an nəɗi temtemi ɓa, kəɗɗaŋ wəza də tivenanziya en dəlveŋge na guw kiykum tərwəslə aɗiyaŋ ɓa.

Mika 4:5

An ɗiy pak tay ədawaŋ naway pak aka iya na maŋgəlva nan na, nam mənam tat ədaw də iya na Yawe Maŋgəlva nam pay pak hã faɗə.

Roma 1:23

Yaŋ akkpaŋganən gagdak na Maŋgəlva məs amta ɓa, aslanən də zeŋgile zəga məzəmta va ɗəfa, biŋgeɗi, zəgeɗ məs təlit poɗo dit en mədawaŋ də gidivti.

1Korintus 8:4

Ya dəwəlsən əzəm slu na əzaɓ-maŋgəlva sit zəgeɗkamaŋgəlva na, məsənka zəgakamaŋgəlva tay təttaka aka dələv ɓa, Maŋgəlva tay maɓɓan abbər ki təttaka kaka' ɓa.

Galatiyen 4:8

Lahəŋka, kəsənən Maŋgəlva ɓa, belemɗe net meŋgilveɗ məza gesiŋgiŋ ɓa kənanəni.

Əmsak aka Mahenziŋ 32:16

Akkpaŋganənək məskotorok də əzbet meŋgilveɗ meɓɓeti, dit zəgeɗ nawmə'a, adan sənən gədəven,

Əmsak aka Mahenziŋ 32:21

Akkpaŋgawənək məskotorok dit meŋgilveɗ en ɗarə, adan suwənək gədəvu dit ɗarɗarɗe neti. Naw pak, wanəsilgin kotorok neti dit ɗiy en dəgapaŋ ɗiy ɓa, wanədan sit gədəvit dit ɗiy məza maɗɗulet ɓa.

Əmsak aka Mahenziŋ 33:29

Mə Ibriɗe istə Israyel! Naway dəslə də mənokum, məs Yawe atərkuməŋ di? Baray nawturki yi, masalam na gbogboŋ noki yi. Məzuzelɗe nok warakokəni, ya wakəndapeti.

1Piyer 1:18

Kəsənənka, də zəga məs nawray yi va təbəz babara awaniɓa meleŋge məmokum səddəv ədaw nokum məs nawtər wərayə ɓa məs kərahaŋ səzet efiŋgiɗikuməŋ ɓa.

1Samiyel 4:21

Təlvan wiyən nak na Ikabod, dawnəh na: «Gagdak azarək faraɗa sə Israyel, vi məgəmni akoti na Maŋgəlva, gəm vi dəhət də zələt amtaŋgə.»