Yeremiya 19:7 - Bible en Guidar

⁷ A təkiyəski nədawraygən an Yuda də Yerusalem aynaŋgə. Wanəzlbe də masalam abet məzuzelɗe neti gəm də vet en məzukayanən zeŋgileti. Wanəpsit kiygəbeyit ka əzəm net biŋgeɗi gəm zəgeɗ nawra.

Yeremiya 19:7 ပူးပေါင်းရင်းမြစ်များ

2Milyeŋge 21:14

Wanəzget madembirgit ɗiy en nawray nawa; wanəppet avet məzuzelɗe neti, wakkpaŋgaŋ ka zəga nawrəh sə ma əgaya gəm zəga ka slu nampər net məzuzelɗe neti,

Wənməkkpaŋga 21:30

Maɗɗula tay ɓa, əwelen wən tay ɓa, may əsəɓ tay aba Yawe ɓa.

Isaya 29:14

Vini kana, wanəzban əɗɗe sekeneɗ naggət aket sit ɗiyiŋki sekene aka sekene. Vi maɗɗula net məsmaɗɗulet dəzəgəni, əsən net məs əsən aket dəɗamgəni.

Isaya 8:10

Miynan an naɗɗa, wazlzlaɓə. Məpel va kədawpeleŋ pakə, ya agəɗ na ɓa, vi Maŋgəlva tay də mənamə.

Yeremiya 15:2

An anahaŋ sukunuk na: Aŋga mədaddam di na? Kəzlan sitgin na: An Yawe anah yaŋka: An namta sən əmta! An na masalam ama masalam an na mayã sən mayã an nawsimgini, kawsimgini!

Yeremiya 15:9

Məs tuwə kirin buhul tətdakka əmpəs agilik səzata. Pay nat atəpək də kapaya. Zəga net wili azata, zət baybayə. Medembirgit na, wanəppet ama masalam abet məzuzelti, Yawe aɗiymani.

Yeremiya 16:4

Əmta damtaŋ sit gbəgbaɗe, kaɗɗay gəlabeyit ɓa, kawndikti ɓa. Wakkpaŋgaŋ ka ba'ar aka dəlvafuŋ. Waggrakaŋ ama masalam gəm sən mayã, kiygəbay net wasan zəga nawzəm net biŋgeɗ na disiŋ gəm zəgeɗ nawra.

Yeremiya 18:21

Vini kana appet kirtit addəv mayã, appet ama masalam. Kirtit gil net dəmtaŋgə, zilŋgiɗit dəmtaŋgə, Dəbeyin gewleɗ net də masalam addəv əgaya.

Yeremiya 21:7

Səɓɓa as əmpa na, Yawe aɗiymani, wanəppan Sedekiya məlĩ na Yuda, məɗɗaŋ wəza nani, ɗiy en dəppaŋ səddəv walaŋgəla-metiŋginiŋ səma gəbaymərma, masalam gəm səma maya ammba va Nabukodonozor məlĩ na Babilon gəm ammba vet məzuzelɗe net məzəŋglaŋ kawbeytini, Nabukodonozor wabey də masalam, sasãh ɗəf tay adawla ɓa, ɗəf tay adappa ɓa, awəl na sasãh ɓa.

Yeremiya 22:19

Kawndəkni va koro, kakdani gbototo kazgani appaka na Yerusalem.

Yeremiya 22:25

Wanəppok ammba vet ɗiy məzukayokun kawbayko, ammba vet ɗiy məs kədawgeslne' siti, ammba va Nabukodonozor, məlĩ na Babilon gəm ammba vet mə Kaldiyeɗi.

Yeremiya 32:28

Vi vaŋki Yawe anahə: Inyakəŋ əppan walaŋgəla metingiŋ avet mə Kaldiyeɗi gəm ava Nabukodonozor məlĩ na Babilon, wazəma.

Yeremiya 34:20

wanəppet ammba vet məzuzelɗe neti gəm ammba vet məkayanən zəŋgilet kawzani, kiygəbeyit wakkpaŋ zəga nawzəm net biŋgeɗi gəm net zəgeɗ nawra.

Yeremiya 46:26

Wanəppet avet ɗiy məzukayanən zeŋgileti: Ava Nabukodonozor məlĩ na Babilon gəm avet məɗɗaŋ wəza nani. Sədərɓaga aska, wasan a gəlan va lahəŋka. Yawe aɗiymani.

Yeremiya 7:33

Gəbay net ɗiyis wasan zəga nawzəm net biŋgeɗ na disiŋ gəm net zəgeɗ darewti, ɗəf tay nawfẽyet ɓa.

Yeremiya 8:2

Kaweɗti ara paya, ara təla gəm gərzleɗ na disiŋ, zəgeɗis pak məs aŋglaŋgəs, məs aɗɗaŋ sitin wəza, məs azbaŋgə, məs askaŋ helik azeti, məs appu'oŋ abeti; net kakkeleti kawndikit ɓa, wakkpaŋgaŋ ka ba'ar aka dəlvafuŋ.

Yeremiya 8:8

Mbar kədawnahaŋ na məs maɗɗula mənani, mahenziŋ na Yawe avami, mbaraka na sən uwawəni, muwaŋ wənəŋ, tay əslokoron mahenziŋ.

Yeremiya 8:9

Məsmaɗɗulet arbaŋgək wili; tahəŋ əkkereŋ sən geslne, mərmetiŋgə. Vi azeleninik əpel na Yawe, maɗɗula net mi atər sit di?

Əɓuhma 3:37

Naway dəpel na zəga nan gəɗe di? Daya dəɗi wən nan ɓa sa?

Məsdəlveŋge 26:17

Wanəsil də mənokum məzuzelɗe nokum dəbaykuməngəni; məzuzelkumən wazəmaŋ məlĩ akokum, wakənzoŋ məza mərɓohokumi dayday ɓa.

Məsdəlveŋge 26:25

Wanəsilgin masalam akokum nampəl ki wənmiyna, wakəkkalaŋ addivit walaŋgəleɗe gugriɗ nokum. Wanəslən gəbaymərma a walaŋkum, kappokumi ava məzuzel nokum.

Roma 3:31

Aməzan mahenziŋ kan də tive na ətaf sa? Agəɗ na ɓa! Ya dərəŋ na, ki mahenziŋ mədawɗiya.

Roma 4:14

An əssa məzəmgəla də əzban mahenziŋgi na, asna ətaf wakkpaŋ zəga ɗarə, iynama wazə.

1Samiyel 17:46

Dəpaŋkəŋka, Yawe wapsukuk su ammba vaw hãslə, wanəbayko, wanərsla kiyko; dəpaŋ wanəpsit sluwit məzəlpaŋ net mə Filistiɗe sit biŋgeɗ na disiŋ dit zəgeɗ darawit naka dəlvafuŋ. Vasna, dələv gboŋ wasən na, Maŋgəlva na Israyel tay.