Yeremiya 19:4 - Bible en Guidar

⁴ Vi azgawənka, araygənənək təkiyəŋ də əzla tursan sit meŋgilveɗ meɓɓet məs ndəɗaŋ zək net dəsinnin ɓa, efiŋgiɗit ɓa, milyeŋge na Yuda ɓa. Aknahənək təkiyəŋ dit mbel net ɗiy məs də mezlibezlibe na meti.

Yeremiya 19:4 ပူးပေါင်းရင်းမြစ်များ

2Milyeŋge 21:16

Ya əmpa na, Manase abeyik ɗiy də mezlibezlibe na met diyɗa sawɓa, mbel net aknəhək walaŋgəla-metiŋ na Yerusalem, mbəksa mambray nan an atoŋgit ɗiy na Yuda wəɗɗa mbərayən a mahara Yawe.

2Milyeŋge 23:10

Arnokonək Tofet na walaŋ na Ben-Hinnom, vi ɗəf adawzla wətən mizilin may muguluŋgut aka iya na Molek ɓa.

2Milyeŋge 24:4

gəm viyit mbel net ɗiy en də mezlibezlibe na met aziyə məs aknəh Yerusalem dənɗaŋ məs Yawe dəŋgəm əvvuyon ɓa.

Gəlyaɗe 106:38

Aggbo'inik mbel net ɗiy en slamma, mbel net kirtit mezeŋgleket dit muguluŋgiti azaɓaŋ-Maŋgəlva sit meŋgilveɗ net mə Kana'anɗe, yaŋ dələv arnok dit mbel lokloku.

Isaya 59:7

Mənokum tat ənzoŋ kakara əɗɗa mbərayən, mənokum tat əgəm zukum əbay ɗəf məs man bartata. Əɗɗum nokum əɗɗum mbərayni. Aka tive nokum pak na watala gəm əraygən zəga yi.

Isaya 65:11

Ya mənokum məs kəzganən Yawe, məzgətaŋ ki mossorgo salala nawa məpsənən zəga nawzəm sən zəgakamaŋgəlva dəsan a Gad, məzəknahtən huloŋguk na zəgakamaŋgəlva Meni də zəga nawsa məslahani.

Yeremiya 1:16

Wanətawwən naw aketi vi mambray neti: azgawənka, yas azlaŋ tursan sit meŋgilveɗ meɓɓeti, gəm appu'oŋ abet zəgeɗ wəza na veti.

Yeremiya 11:13

Yuda əŋɗa net walaŋgəleɗe gugriɗ nok tay gba net meŋgilveɗ noko gəm gəleɗe net matuyaɗe məs kərkaŋ sən ərba wili, Yerusalem, əŋɗa net gəleɗe net matuyaɗe nok nawzla tursan sən Ba'al tahəŋ gba tiveɗ noko.

Yeremiya 15:6

Yawe aɗiyman na, istə kəzgawa gəm kuktu' dəɓok suwa. Nəslanək vaw akoko, nəzokko, vi nəyək dawla sasãhko.

Yeremiya 16:11

Asna kəzlangən na: Vi efiŋgiɗkum azgawənka yaŋ azbetin meŋgilveɗ meɓɓeti, aɗɗaŋ sitinik wəza, appu'oŋ abeti, Yawe aɗiymani. Yaŋ naw azgawəni, dərmanən mahenziŋ naw ɓa.

Yeremiya 17:13

Yawe yi məs Israyel aɗi kiyən akani, ɗiy en dəzgokun pak wil areti! En dəzaraŋ səzok wazaŋ va iya məverin aka burɗuku. Vi azgokunko, Yawe is heret iŋkile na zeŋgile.

Yeremiya 17:20

Kənah sitgən na, milyeŋge na Yuda, ɗiy na Yuda gəm ɗiy na Yerusalem mətoŋgoŋ kəla maddambeɗeŋ pakə: Məprəm əpel na Yawe.

Yeremiya 18:15

Ya ɗiy naw azgətaŋgək kiwa. Sit zəgeɗ en tektekiŋ ɓa ndəɗaŋ əzlaŋ sitin tursan yaŋ amzlegitin səket tiveɗ net en adazban farə, vi kawmbat də maksaf məza dəka tive təstəs ɓa.

Yeremiya 2:13

Vi ɗiy naw aɗɗaŋgək an dəslə ɓa aka zən zaɓzaɓə: Azgawənka, in iŋkile miyma, vi kawso'oŋ vov net iŋkile neti; vov məpɗakən məs awziwgit iŋkile ɓa.

Yeremiya 2:17

As van arəhuk na vi kəzgan Yawe Maŋgəlva noko, gala adakuk tive tive yi ɓa sa?

Yeremiya 2:19

Mambray nok dəzga suko, kəta əppan Maŋgəlva dəkisuk əzga'a! Vasna asəna kulagən na wəzgan Yawe Maŋgəlva nok gəm wəgeslne sən tay ɓa na, wən nan təraŋhi, mbərayni, Yawe Maŋgəlva Məzuɓappak aɗiymani.

Yeremiya 2:30

Nəyanək zu ərge kirtukum, dətafnən əzga naw ɓa. Masalam nokum abeyik məskəleŋɗe va ɓoolu adampər zəga.

Yeremiya 2:34

Mbel net məzurayɗe də en məs mezlibezlibe na met tahəŋ aza gabba lukut noko, də kəgbot aket daɗɗa mbərayən ɓa zlaŋgə! Ya də as pak zlaŋ na,

Yeremiya 22:17

Ya nok horok də mokrok pak aka ərəh noki, gəm aka əggbo' mbel net ɗiy en də mazlibezlibe na meti, aka əsər met ɗiyi gəm aka əɗɗa darawi yi.

Yeremiya 22:3

An Yawe anah yaŋka: Məgəɗ təstəsə gəm an sarara, məmõh ɗiy en adappətaŋ səvet məzəppitetini. Kədawzəmgənən sahã na molhõyõ, mitiwe gəm gagəbay ɓa, kədaɗɗaŋ gəgay ɓa. Kədawbayən ɗəf də mazlibezlibe na man a təkiyəŋ ɓa.

Yeremiya 26:15

Məsən hara na, an kəbaywənka, məsən na, mbel na ɗəf də mezlibezlibe na man kədaggbo'oŋ akokum, aka walaŋgəla-metiŋginiŋka gəm aket ɗiy nani, vi gesiŋ Yawe dəslənu azokum, ka kawpel əpeləŋ pak asləmokum.

Yeremiya 26:23

Yas agilginin Uriya sə Eziptə, akasənən məlĩ Yoyakim, abay də masalam, azgan kigəbayən addəv magamas net kirtin dəlva.

Yeremiya 44:3

Sən zəga naɗɗa net daryaw aɗɗaŋ suwən də əmbat əzla tursan sit meŋgilveɗ meɓɓet məs dəsinnin ɓa, mənokum ɓa, efiŋgiɗkum ɓa.

Yeremiya 5:6

Vini ɓoolu siddivit wəleŋɗe asil aket op, kəramuyã sura aboŋgeti. Balgam adasivu walaŋgəleɗe gugriɗ neti kawbakani ɗəf an dəgil səddəvən pakə, vi əɓoŋ net diyɗa yi, əppan Maŋgəlva net anzlərka.

Yeremiya 7:6

kədawzəmgənən sahã na molhoyõ ɓa, na mitiwe ɓa, nat gagəbay ɓa, kədawbayaŋ ɗəf də mezlibezlibe na man a təkiyəŋ ɓa. Kədazbetin meŋgilveɗ meɓɓet kawki əray akokum ɓa.

Yeremiya 7:9

Mənokum tat əhala, əbay gəbaya, əɗɗa polkoyo, əsway ɗarə, əzaɓ-Maŋgəlva sən Ba'al, əzbet meŋgilveɗ məs kisinnin ɓa, məs tay dəsopokum dənɗaŋ ɓa.

Əɓuhma 4:13

As pak agəɗ na aka mambray net məskəleŋɗe nani, gəm an məsdəlveŋge nan araygənəni yi, abeyinik ɗiy təstəs addəvni.

Ezekiyel 20:26

Nərnoketik dit əvəlɗe net məs dədaɗɗa dətawnəngən wəlet tiziɗe net sən tuya; vi nəppetgən əzəmsahã, ka dəsənnəngən na intə Yawe.»

Ezekiyel 7:22

Wanəkkpaŋgan haraw səketi, warnokonən zəga an nəzaɓ zaɓə. Masapeɗ wazzoŋ adaka warnokonəni.

Ezekiyel 8:11

Ɗiy məsɓet səret ɗiy na Israyel kaklaw buhul də Yazaniya wətən Safan tay areti, tahəŋ ziwziw abeti, naway pak də zəga nawzla tursan nan avani; enene na tursan serweɗ serweɗi.

Daniyel 11:31

Ɗiy səmmbet məzəlpaŋ nan warnokonən Gəlamatuya na Maŋgəlva mərka kini. Waziwginin əzaɓ-Maŋgəlva nawda ɗayɗay sən Maŋgəlva ya waɗiyaŋ zəga daryaw məraygən təkiya.

Luka 11:50

Vi kattokoni mbel net məskəleŋɗe en məggbo səza mətəŋ gabba dəlvafuŋ a ma sayit ɗiy en Kakaŋkiŋki.

Əmsak aka Mahenziŋ 13:13

An kəprəmək addəv taka səret walaŋgəleɗe məs Yawe Maŋgəlva nokum apsukum kəssoŋgən də gəla adak na,

Əmsak aka Mahenziŋ 13:6

An dəwəlsən məskəleŋ awaniɓa məzula van na, nawbayə yi, vi wən nawɓoŋ aka Yawe Maŋgəlva nokum məs dəgilgukum səka dələv na Eziptə gəm dəbituk səddəv gəla na balam apeli; ɗəfəs man aka əgdahok ɓa' səka tive məs Yawe Maŋgəlva nok aɗi suk nazba. Agilgən mbərayən sə walaŋkum.

Əmsak aka Mahenziŋ 28:20

Yawe waki əray nani, geslne də wəttap aka zəga naɗɗa na vok temtem pakə, hã gap kawzok kuɗupu, hã gap kəhhigən də kakara, vi mambray kəgəɗ kəppaw firikəŋka.

Əmsak aka Mahenziŋ 28:36

Yawe wakuk isi də məlĩ nok pakə, aka dələv net ɗiy meɓɓeti, is dit efiŋgiɗuk kəsinin ɓa, adaka, wakəgəɗ wəza sit meŋgilveɗ meɓɓeti: na wəlaŋga gəm na gərma!

Əmsak aka Mahenziŋ 28:64

Yawe watərayguk a weleŋgit ɗiy-ɗar gboŋgu, adaka wakəgəɗ wəza sit meŋgilveɗ meɓɓeti, is dit efiŋgiɗuk kəsinin ɓa: na wəlaŋga gəm na gərma!

Hənhən 16:6

Adan agbo'inik mbel net ɗiy na Maŋgəlva, dit mbel net məskəleŋɗe, mbeli'e kəpsit ka nawsa. Aslə sitike!

Mətawaŋwəna 5:8

Ɗiy aweleŋ meŋgilveɗ meleketeti, ndəni wəgay asan kan a met maddambeɗe net walaŋgəleɗe; Tuwãhi nawrəh baray taka də tulhõ taka, avet zel gabal kaklaw poɗo a Israyel.