Yeremiya 18:8 - Bible en Guidar

⁸ an ɗiy naka dələv nəpel aket vet appanənək mambray net məs dədan su gədəvu vani, asna wanəppan tatwãh an niynan nawgəɗ siti.

Yeremiya 18:8 ပူးပေါင်းရင်းမြစ်များ

2Alabaraɗe Də Mabərkiziti 12:6

Məlĩ dit ɗiy gugriɗ na Israyel aɗiyaŋgək marava, aɓɗaŋ na: «Yawe təstəsi!»

Gəlyaɗe 106:45

Yaŋ aɗɗumon wənmiyna nan dənɗaŋgə, aɗiyək marava va aza mẽmẽtiŋ na moggon nani.

Gəlyaɗe 135:14

Vi Yawe watawwən net ɗiy nani, wawla sasahĩt gewleɗ nani.

Gəlyaɗe 90:13

Amili Yawe! Hã dewe di? Awla sasahĩt gewlet noko.

Əgilye 32:12

Vimi ka mə Eziptiɗ dənahaŋgən na: Sən ndarsaki agilgit vi kawbeyit aka mossorgo, kawzet səka dəlva. Azzayan mokrok səza ədagədəv noko, akkpaŋgan mok səka wəɗɗa mambray aket ɗiy noko.

Əgilye 32:14

Yawe akkpaŋganək man səka ədagədəv nan aka mambray an apel nawgəɗ sit ɗiy nani.

Yeremiya 12:16

An iyak ayaganən ədaw net ɗiy naw kasway də iya naw na: «Də Yawe madarani!» Va ayagan sitin ɗiy naw əsway də ba'al asna wassoŋ də gəla a waleŋgit ɗiy nawa.

Yeremiya 15:6

Yawe aɗiyman na, istə kəzgawa gəm kuktu' dəɓok suwa. Nəslanək vaw akoko, nəzokko, vi nəyək dawla sasãhko.

Yeremiya 26:13

Ya kakaŋ na, məzaɓan tive nokum gəm wəza nokum, məprəm ma Yawe Maŋgəlva nokum, asna Yawe wappan əki tatwãh an apel nawki akokum.

Yeremiya 26:19

Hizkiya məlĩ na Yuda dit ɗiy na Yuda pak abayənək sa? Nam na Yawe ageslne sən ɓa sa? Yas affeten makra Yawe, ndəni Yawe appan tatwãh an apel nawki aketi, ya nam na mənam tat əki tatwãh metiŋgin aka zəmə.

Yeremiya 26:3

Kuzuŋ waprəməni ka ɗəf pak dəmilgin səka tive nan mbəraynəŋka. Asna wanəppan an niynan nawki tatwãh aket vi wəza mambray neti.

Yeremiya 36:3

Kuzuŋ ɗiy na Yuda waprəmən tatwãh nədaɗɗum nawgəɗ sitiŋ pakə, vi dəmulyoŋgən ɗəf pak səka tive mbərayən nani; asna wanəppan sit heslepe net də mambray neti.» Ka dəmilyoŋgən ɗəf pak səka tive mbərayən nani; asna wanəvvuyon əzlzlaɓ neti gəm mambray neti.

Yeremiya 42:10

An kəzbanənək əsso aka dəlvəŋka, asna wanərkukum nəɓzlukum na ɓa; wanəmpukum nəptukum na ɓa. Vi wanəppan gabba əki əray akokum.

Ezekiyel 18:21

«Pay məsdaraw amil səza mambray nan məs agəɗ pakə, an armek mahenziŋɗe naw pakə, tay əɗɗa zəga də tiveni gəm təstəsə, wasan madarani, amtə na ɓa.

Ezekiyel 33:11

Anah sit na: Va nəsaw madarawa Daya Yawe aɗiymani, nəŋgəl məsdaraw əmta ɓa, neŋgəl na məsdaraw dəmilgin səka ədaw nani, dəsangən madaran dərəŋgə! Məmili, məmil səket tiveɗ nokum mbəreytiŋki: Viymi kədamtaŋ di mə Israyelɗe?

Ezekiyel 33:12

Noko, wətən ɗəfa, anah sit ɗiy noko: An ɗəf təstəs agəɗək mbərayən, təstəs nan lahəŋ akõhgən ɓa; an məsdaraw appanək daraw nani, daraw nan lahəŋ azlba na ɓa; an ɗəf təstəs agəɗək mambrayə, asan na madaran vi təstəs nan lahəŋ ɓa.

Ezekiyel 33:13

An nənah sənək ɗəf təstəs na: wakəsok madoroko, yaŋ nan appan zən ammba təstəs nani, yaŋ agəɗ an dəslə ɓa, kaɗɗumi aka təstəs nan məs agəɗəŋ ɓa, wamtə aka zəga məs dəslə ɓa agəɗəŋka.

Ezekiyel 33:14

Ya an nənah sənək məsdaraw na: Əmta kədamta, yaŋ amil səza mambray nani, agəɗ an təstəs gəm an dəslə,

Hose'a 11:8

Mbar nədapsuk di Efrayim, mbar nədawɓap əppok di, Israyel? Mbar nədakkpoŋgok va walaŋgəla-metiŋ na Adma di? Nəgəɗ suk va na Seboyim sa? Makraw tay əgəbəɗa, də as pak əŋgla naw akok ɓəlɓəli yi.

Amos 5:15

Məzel mbərayən, məŋglu moggoni. Məziwgin wən də tiven a təki ətawwəna, Asna kuzuŋ, Yawe Maŋgəlva Məzuɓappak, wawəlsahã aket mambirgit kirtin Yosef soko.

Yonas 4:2

Akkamanək Yawe, amna: «Ha'aw! Yawe aski nədawnah pay nəsaw aka dələv naw ɓa sa? Vini nəgəm zu nənzaw a Tarsis. Vi nəsənka Maŋgəlva məs mbəlembəle də moggon kənani, kada gədəv go' go' ɓa, moggon nok diyɗay sawɓa, ya məsla zuk kənan naffeten mokrok səka əɗɗa mbərayən.

Əmsak aka Mahenziŋ 32:36

Yawe wataw wən net ɗiy nani, wawla sasẽhit belemɗe nani, pay awle addakaŋgə, balam tay ɓa, ɗəf na kiyən tay ɓa.

Mətawaŋwəna 2:18

An Yawe aslən sitik mətawwən pak, Yawe tay əsan də mətawwən vani. Ndən əkõhgit səvet meseŋgiɗit pay nanziya egge na mətawwən van gərakə, vi Yawe amsak əddəɗan man aka wən na vaŋvəl net sit ɗiy dədawsuknən meti, may dədawzimgitin sahã.