Yeremiya 18:16 - Bible en Guidar

¹⁶ Akkpaŋganənək dələv net va təki məpiweni gəm nafyok akan pay pakə. Məzutoŋ kəla dak pak wasan gərəŋ, waɓlan kini.

Yeremiya 18:16 ပူးပေါင်းရင်းမြစ်များ

1Milyeŋge 9:8

Kaɓzluni Gəla məɓaynəŋka, ɗiy dədawtoŋgoŋ kəlazan pak waggətaŋgə, waɗɗaŋ fofyoko: “Wanahaŋ na, vimi Yawe aɗɗa dəlvəŋ də Gəlaŋ vaŋ di?”

2Alabaraɗe Də Mabərkiziti 29:8

Ndəni ədagədəv na Yawe ateh aka Yuda gəm Yerusalem, akkpaŋgan ka zəga daryaw, nawgeslne' səni, va zəga nawseske' akan va kədawlanən də horokuməska.

Gəlyaɗe 109:25

Naw nəkkpaŋgək ka zəga na əra neti; an awluwənka, ndəɗaŋ əɓlan kiyti.

Gəlyaɗe 22:7

Ya naw tentiwilge nənani, ɗəf nənan ɓa, nəkkpaŋgək zəga na əra net ɗiyi, məzelin net ɗiyi.

Gəlyaɗe 44:14

Kəkkpaŋgamək ka zəga na əra net meggeŋgiɗmə ka zəga nawmasa gəm ka nawzel net ɗiy en dəkaraŋ kiymə.

Isaya 37:22

Aŋki an Yawe apəl akani: Waŋ gbuɓɓo na Siyon tat əzeloko, tat əmas akoko Senakerib, Yerusalem tat əɓlan kiyən galagala dərɓogoko.

Isaya 6:11

Ndəni nəttokku: Hã dewe di Daya? Azlanək na: Gap walaŋgəleɗe gugriɗe mbo'oŋgu, ɗiy assoŋ na addəvən ɓa, ɗəf taka asan na addəvit gəleɗe ɓa, dəlvafuŋ wasan va kapta.

Yeremiya 19:8

Wanəzan walaŋgəla-metiŋginiŋka, wakkpaŋ təki məraygəni. Ɗəf dədawtoŋ də maŋgavan pak wageslne'i, gəm waggət aka an dəgəɗə.

Yeremiya 25:9

Yawe aɗiyman na, in yakəŋ əslən əkeyet ɗiy na kəla disiŋ pak gəm wanəki Nabukodonozor məlĩ na Babilon gawla naw dəgaygən də dəlveŋka, dit ɗiy naddəvən, dit ɗiy naket dəlveŋge en dəssoŋ kiyən tərwəslə, wanəzet kakãhə, wanəkkpeŋget zəga naggət gəm nawmas aketi, wasan kiməski faɗə.

Yeremiya 29:18

Wanəzbet də masalam, də mayã gəm də gəbaymərma, wanəkkpeŋget ka zəga nawgeslnegit milyeŋge naka dələv pakə, ɗiy naket dəlveŋge məs nəɓɓeh adak pak waŋglaŋ sitin əraya, tatwãha, waggətaŋ aketi gəm waretini.

Yeremiya 42:18

Vi aŋki an Yawe Məzuɓappak Maŋgəlva na Israyel anahə: Va ədagədəv naw gəm makraw turõh turõh azlalbay aket ɗiy na Yerusalem vaski makraw turõh turõh adawzlalbay akokum an kəddoŋguk a Eziptə, wakəkkpaŋgaŋ va zəga na mefɗeke, kawmasi akokum, kawpeli əpel nawraya gəm zəga net wili də iya nokum; ya Kulanən na ɗa təkiyəŋ ɓa.

Yeremiya 44:12

Wanəgim en dəmbraŋ sə Yuda, məs dəɗinən heret nawbat aka dələv na Eziptə kassa adaka, wagrakaŋ pak aka dələv na Eziptə. Waskotoŋ ama masalam, sən mayã. Wagrakaŋ təŋ səka muzliya gap ɗəf metiŋgin, wamtaŋ ama masalam gəm sən mayã. Wakkpaŋgaŋ zəga na mahanay, məreygit tipi, ka zəgeɗ net mefɗeke gəm zəgeɗ na əra.

Yeremiya 48:27

Ya Israyeli zəga nawmas nok ɓa sa? Aret məhelɗeŋge mərəhən ka addəv əpel nok akan pak na is əɓlan kiyuk sa?

Yeremiya 49:13

Vi də in sən kiyu nəswayə, Yawe aɗiymani, Bosra wakkpaŋ məraygəni, zəga na əra, kiməskiya, wakkpaŋ zəga na mefɗeke. Walaŋgəleɗe gugriɗ nan pak wakkpaŋgaŋ kiməski hã faɗə.

Yeremiya 49:17

Edom wakkpaŋ təki məraygəni; mətoŋgoŋ dəzan pak wakkereŋgi gəm wafyokoŋgu də ula vamvi an dəgəɗ pakə.

Yeremiya 50:13

Sən ədagədəv na Yawe ɗiy wassoŋ akan ɓa, waray va kiməskiya. Mətoŋgoŋ dəza Babilon pak wakkereŋgi gəm wafyokoŋgu də ula vamvi an dəgəɗ pakə.

Yeremiya 51:37

Babilon wakkpaŋ va kiməskiya, təki nassa net wawayɗe, walaŋgəla məraygən nawɗi fofyoko akani gəm məza ɗiy addəvən ɓa.

Yeremiya 51:43

Walaŋgəleɗe gugriɗ nan arayaŋka, dələv mukuro yi akkpaŋgək təki warwarə, dələv məza dəf akan ɓa, məza məzutoŋ dəkan ɓa.

Yeremiya 9:11

Naway ɗəf məsmaɗɗula naprəm gabba wənəs di? An Yawe apel sənək na dərban sit ɗiy na, vimi dələv azə, məɗi sən offo kpaŋ va kapta-muyã ɗəf awtoŋ dədak ɓa di?

Əɓuhma 1:12

Mənokum mətoŋgoŋ tivetive pakəŋ na, zev aŋ agəɗək ɗah azokum sa? Məzi horokum, mula: an əzəmsahã tay va nawəŋka, va an Yawe aki akaw pay adə gədəvə nanəŋka.

Ezekiyel 12:19

Kənah sitgin ɗiy naka dələv na: Vaŋki Daya Yawe anah sit ɗiy dəssoŋ də gəla a Yerusalem aka dələv na Israyel: Də geslne adawzəmaŋ way neti, də mekret gbawgbaw adawsenin iŋkile neti, vi dələv nan waray də zəga an dəknah aka batam gagay net ɗiy en dəssoŋ akan pakə.

Ezekiyel 27:36

Məzumanən vet naret ɗiy tahəŋ əffyokoŋ akoko: kəkkpaŋgək zəga nawgeslne' suko. Kəsok na ɗah ɓa.»

Ezekiyel 36:3

Vini, agəɗ kəleŋgi; kənahgən na: An Daya Yawe anah yaŋka: Vi məraygukumi də wəzəmgukum sahã də təki pakə, vi kəssoŋgən ammba vet ɗiy-ɗar en meɓɓeti, vi metteɓ met ɗiy də hərzlumit ɗiy anəhaŋgək wən azokumu.

Ezekiyel 6:14

Wanəslan vaw aketi, wanəkkpaŋgan dələv a təki assoŋ də gəla pak məraygən gəm va məzlan təŋ sə kapta-muyã hã gap a Dibla. Asna wasənnən na, intə Yawe.»

Məsdəlveŋge 26:32

wanəraygən dələv nokum dəvawa, məzuzelkumən en dəzzoŋ də gəla adak waggətaŋgə.

Məsdəlveŋge 26:43

Vasna, pay adappanən dələv net friki, pay adawfaɗ pay naffet aka pay adappanən addəv əraya, wafaɗaŋ aka heslepe net vi azgetinik tiveɗnanziya nawa gəm azelinik mahenziŋɗe nawa,

Mika 6:16

Is tat əzban an məlĩ Omri aziwgini, is tat ədaw va gəla na Akab adawə. Is tat əzban təlni! Wanəraygən walaŋgəla-metiŋ, kawmasi aket ɗiy nani. Əra net wil net ɗiy naw wakkpaŋ akokum.

Matiye 27:39

Məzutoŋgoŋ dədak aranənka, aɓlanənək kiyti.

Markus 15:29

Məzutoŋgoŋ dədak aranənka, aɓlanənək kiyti, aɓɗaŋ na: Iskəŋ naɓzlu Gəla na Maŋgəlva, karkan addəv pay hokuŋ,

Əmsak aka Mahenziŋ 28:59

An vaski ɓa na, Yawe dəvan warguk is dit kirtuko, dit huwweɗ na seserge, huwweɗ məŋgoɓoɓ ŋgoɓoɓ məza anzaɗaŋ na gu' ɓa, gbəgbaɗe mbəreyit məza anzaɗaŋ na gu' ɓa.

Əmsak aka Mahenziŋ 29:23

Ɗiy na guw gboŋ pak wanahaŋ na: «Vimi Yawe agəɗ sən dəlvəŋ vaŋ di? Vimi aki herɗe akan gbaŋ di?»