Yeremiya 18:10 - Bible en Guidar

¹⁰ an ɗiy vetis aɗɗaŋgək mambray ama harawa, dəprəmnən maw ɓa, asna wanəppan wən na moggon məs nənah na wanəgəɗ sit moggoni.

Yeremiya 18:10 ပူးပေါင်းရင်းမြစ်များ

Gəlyaɗe 125:5

Ya net ɗiy mədawaŋ slokorslokor na Yawe warɓehet sap dit məɗɗaŋ mbərayən! Zazay aka Israyel!

Ezekiyel 18:24

An ɗəf təstəs appanək təstəs nani, yaŋ adaɗɗa zəgeɗ daryawɗe en məsdaraw agəɗə: waɗɗe ndən ɗew madaran sa? An agəɗ təstəs lahəŋ pak kaɗɗumi aket ɓa. Vi əggbak ma nani gəm mambray an agəɗə, aka wən net adamta.

Ezekiyel 33:12

Noko, wətən ɗəfa, anah sit ɗiy noko: An ɗəf təstəs agəɗək mbərayən, təstəs nan lahəŋ akõhgən ɓa; an məsdaraw appanək daraw nani, daraw nan lahəŋ azlba na ɓa; an ɗəf təstəs agəɗək mambrayə, asan na madaran vi təstəs nan lahəŋ ɓa.

Ezekiyel 33:18

An ɗəf təstəs appanək təstəs nani, agəɗ an dəslə ɓa, asna wamtə vini,

Ezekiyel 45:20

Vaski kədaɗɗanə'e aka lumu taka na təla, vi ɗəf an dəgəɗ mambray də əzlzlaɓa awaniɓa məza wa' ɓa. Kəɗɗanəngən matuya nawndolon Gəla na Maŋgəlva.

Sefanya 1:6

En dəmilyoŋ səmmba Yawe, məs awkayanən Yawe ɓa gəm assohõnən ɓa.

Əŋɗa 14:22

taka tay səmmbet ɗiyiŋ dulanən gagdak naw may sekeneɗ naw məs nəgəɗ a Eziptə gəm a kapta-muyã, məs dulanən nazaw təl kəlaw məza əprəm maw ɓaŋka,

Əŋɗa 14:23

səway, taka səmmbet tay nawla dələv məs niynan napsit afiŋgittiŋ ɓa; taka səmmbet məs dəzelewənəŋ tay nawlan ɓa.

Əŋɗa 14:34

Va kəvoŋgoŋ kaklaw poɗo aka əsəŋgləkan mammba dələv naka, wəsɓəta taka ammba wəzva taka kədaɗɗaŋ aka əslan tatwãh na heslepe nokumə, kəsənəngən an məzəɗɗa pay məzgawa.”

1Samiyel 13:13

Samiyel aɓsən Sawlu na: «Va dərway kəgəɗəŋka! Kərma wəsəɓ an Yawe Maŋgəlva nok aɗi suk ɓa, vi kakaŋ Yawe adasɓan məlĩ nok aka Israyel faɗ kəta.

1Samiyel 15:11

«Maw nzoki də wəɗi Sawlu aka məlyã, awla aktohuk gəɓan səzawa, dəzban əpel naw ɓa.» Gədəv Samiyel adəka, ndən kim əkkaman Yawe.

1Samiyel 15:35

Samiyel dula Sawlu ɗah əmpa ɓa, gap əmta nani. Samiyel aɗɗak gəlabay na Sawlu, Yawe man nzoki dawɗi Sawlu ka məlĩ aka Israyel.

1Samiyel 2:30

Vini Yawe Maŋgəlva na Israyel aɗiymani, nənahək lahəŋ na: Gəla nok də gəla na afuko wadawaŋ abaw faɗə. Ya kakaŋ na arayka, Yawe aɗiymani! Vi naw na wanəɗi kiyit məzuɗiynən kiywa, wanəzelet məzelewən tamə.