Yeremiya 17:27 - Bible en Guidar

²⁷ An kəprəmwən ɓa, kəgagdakanən pay naffet ɓa, kəkiyaŋgək zəga nawsla kəla maddambeɗe na Yerusalem pay naffet na, asna wanəɗi offo sit maddambeɗe nani. Wazle gəleɗe lelewɗe na Yerusalem, amtə na ɓa.

Yeremiya 17:27 ပူးပေါင်းရင်းမြစ်များ

2Milyeŋge 22:17

Adan azgawən firik ambataŋ əzlaŋ tursan sit meŋgilveɗ meɓɓeti, vi kawdan su gədəvu də wəza na veti. Makraw afyõhũk aka təkiyəŋka, affet na ɓa!”

2Milyeŋge 25:9

Azlak Gəla na Yawe, gəla na məlyã, gəleɗe na Yerusalem pakə, azlek gəleɗe net ɗiy gugriɗ pak də offo.

2Alabaraɗe Də Mabərkiziti 36:19

Yaŋ azlanən gəla na Maŋgəlva, abzlunən zlava na Yerusalem, gəleɗe na məlĩ baymet pak azleninik də offo; zəgeɗ na sləma pak araygitinke.

Gəlyaɗe 122:7

kəta zazay dəsan addəv zlava noko, əssa fendeŋ dəsan addivit gəleɗe na məlĩ noko!

Isaya 1:20

Ya an kətafən ɓa, kəɓoŋgoŋko, də masalam adawbay kuməni. Vaski, ma Yawe dəpeli.

Isaya 1:31

Ɗəf an gbogboŋ wasan va məzləgəlagəla, wəza nan na va offo muhurun, wazlaŋ sulegiti sapə, məza ɗəf namtan ɓa.

Yeremiya 17:24

Yawe aɗiyman na: An kəprəmwənka, Kətoŋgənən zəga nawsla pay naffet kəla maddambeɗe na walaŋgəla-metiŋginiŋ ɓa, gəm kawgagdakan pay naffete məza əɗɗaŋ wəza zəv awandi pak dəpas ɓa na,

Yeremiya 17:4

Is sən kiyuk wakəppan dələv nok məs nəpsuko. Wanəkkpoŋgok balam net məzuzelɗe nok aka dələv məs kəsən ɓa. Vi kəsɗanənək offo na ədagədəv nawa, wasan gidigidi hã faɗə.

Yeremiya 18:1

Əpel an sən Yeremiya səza Yawe yaŋ dawnəh na:

Yeremiya 21:12

Zev Davit: An Yawe anah yaŋka: Aza va addaŋ pak məgəɗ moggoni. Məmõh məs adappətaŋ səmmba va məzəppətni. Vas ɓa na ədagədəv naw wagil va offo məzuzla, məza ɗəf tay namtan ɓa, vi wəza daryaw nokum.

Yeremiya 21:14

Wanətaw wən aka wəza nokum Yawe aɗiymani. Wanəɗi offo sit wəleŋɗe rəɓ nani wazlzlir tutu'u.

Yeremiya 22:5

Ya an kəprəmən əpeləŋ ɓa, suwayə Yawe aɗiymani, gəla na məlyəŋ wakkpaŋ kiməskiya.

Yeremiya 32:29

Mə Kaldiyeɗ watoŋgoŋ əlpa də walaŋgəla-metiŋginiŋka, waɗisənən offo, wazlətin gəleɗe məggbo'o məs adawzlaŋ tursan aket sən ba'al, aggbo'oŋguk mbazla kawpesl meŋgilveɗ meɓɓet vi kawdan su gədəvwa.

Yeremiya 39:8

Mə Kaldiyeɗ aɗi sənənək offo sən gəla na məlyã gəm sit gəleɗe net ɗiyi; yas aɓzluwən zlava naka walaŋgəla na Yerusalem.

Yeremiya 44:16

Əpel kəpel səm də iya na Yawe əŋ na, məprəm suk na ɓa.

Yeremiya 49:27

Wanəɗi sən offo sən zlava na Damas; wazəm gəla na məlĩ na Benhadad.

Yeremiya 52:13

Aɗi sənək offo sən Gəla na Yawe, gəla na məlyã, gəm gəleɗe naddəv walaŋgəla-metiŋ na Yerusalem daysa net ɗiy en tutukprukɗe.

Yeremiya 6:17

Nəɗiyək məgaɗe dəssak sukuməngəni məgəɗ maɗɗula aka ɓaɓəlma gozloro yas azlanaŋ na məgəɗ na maɗɗula ɓa.

Yeremiya 7:20

Vini kana, vaŋ Yawe Maŋgəlva anahə: Ədagədəv naw dit herɗe naw yeŋ əgbo'oŋ aka təkiyəŋka, aket ɗiyi, zəgeɗ memeyẽɗi, wəleŋɗe nawra gəm uwa na zəga na mabardaw. Wazlə, amtə na ɓa.

Əɓuhma 2:6

Va mambara na guli net wəleŋɗe ator zlava nani, abzluwək təki nalma nan də mənamə. Araygənək təki nakkal nani. Yawe aɗɗak ka ɗiy dəzgətaŋgən ki pay na wəzləra gəm pay naffet a Siyon. Addəv ədagədəv nan na, arbəsənək wil sən məlĩ də məsdələv pakə.

Əɓuhma 4:11

Ma ədagədəv nan gbeŋ Yawe eŋgbeŋge, aggbo'uk offo na ədagədəv nani. Asɗak offo a Siyon azəmək gabban məs aziw akani.

Ezekiyel 16:41

wazlenin gəleɗe nok də offo, watawnənwən akok a maheret gil ŋgboŋgu; wanətakuk də əku a gizbe; may kipsit na wəya net gəreŋgiɗuk əmpa ɓa.

Ezekiyel 21:15

Vi Kaŋgroɓ ɗiy yi mətakaɗani, məkkãhən dəwiɗgəni. Wamənnek də zeŋgle na məlĩ na wətu sa? Masalam tay əzelen mogundur pakə.

Ezekiyel 21:3

Kənah səngən wəlaŋga na Negev na: Aprəm əpel na Yawe: An Daya Yawe anah yaŋka: In yakəŋ əsɗa offo addəvko, wazla wəleŋɗe məkdəket naddəvuk pak dit en məkleket pakə; hərzlum offo məŋgiɗŋgiɗ amtə na ɓa, zəgeɗ nadak pak wazlaŋgə, təŋ sə Negev gap kəla disiŋgi.

Ezekiyel 22:8

Is tat əzelet zəgeɗ salala nawa, is tat əraygən pay naffet nawa.

Ezekiyel 23:38

Yaŋ an aɗɗaŋ suwən əmpa: arnokonənək gəla naw pay dəpaska'a, araygənənək pay naffet nawa.

Hose'a 8:14

Israyel azgətək ki an dəzəməɗa, arkək gəla na məlĩ sən kini. Yuda tam awetik walaŋgəleɗe net korguɗe. Ya wanəslən offo addəvit walaŋgəleɗe nani, offo wapalket gəleɗe mogget neti.

Amos 1:10

Wanəslən offo aka zlava na Tir; dəzlegin gəleɗe nawzəm məlĩ nani.»

Amos 1:12

Wanəslən offo a Teman; dəzlegin gəleɗe nawzəm məlĩ na Bosra.»

Amos 1:14

Wanəsɗa offo sən zlava na Rabba; dəzlegin gəleɗe nawzəm məlĩ nani, addəv vaŋvəl nawgay pay nalpa, addəv buwən də səmyã pay na barkataŋ.

Amos 1:4

Wanəslən offo aka gəla na Hazayel, offo van wazla gəla na məlĩ Ben-Hadad.

Amos 1:7

Wanəslən offo aka zlava na Gaza; dəzlegin gəleɗe nawzəm məlĩ nani.

Amos 2:2

Wanəslən offo aka Mo'ab, wazim gəleɗe mogget na Keriyot. Mo'ab wamtə addəv hoyohoyo diyɗa, addəv vaŋvəl nawgaya may ɓaɓəlma gozloro.

Əmsak aka Mahenziŋ 32:22

Gədəvu adək diyɗa: hã gap a təki net ɗiy mimtiti; azlak dəlvafuŋ dit zəgeɗ nakan pakə, azlak suwer mossorgoɗe pakə.

Ibriɗe 12:25

Məzi zukum kədawɓoŋgoŋ aka məzupel sukuməŋ ɓa! Adan məs dəɓoŋgoŋ aka məzupel sit aka dələv dəkõhoŋ səma wəzga' ɓa na, mənamtə dərəŋ məkõh kan, an məktuhuk dəɓam sən məzupel səm hã sə disiŋ.