Yeremiya 17:26 - Bible en Guidar

²⁶ Ɗiy wazzoŋ səddivit walaŋgəleɗe gugriɗ na Yuda, na maŋgava Yerusalem, səka dələv na Benyamin, sə Bagərma, səka mossorgo metiŋ gəm sə Dohoŋ. Wakiyaŋ əvəl nawzla kurmbuɗuku gəm əzaɓ-Maŋgəlva, əvəl na zəga na mabardaw gəm tursan, wakiyaŋ əzaɓ-Maŋgəlva naɗɗa əsoko addəv gəla na Yawe.

Yeremiya 17:26 ပူးပေါင်းရင်းမြစ်များ

Ezra 3:11

«Də wəɗi ki Maŋgəlva, də wəfet aka Yawe, ndəɗaŋ əddəɗanən əpel vaŋka: Lewi, vi moggon nan tay aka Israyel faɗə. Ɗiy pak aŋzlaŋgək vaŋvəl nawɗi ki Yawe vi gabba Gəla na Yawe məɗiyəni.»

Gəlyaɗe 107:22

Dəzaɓaŋ-Maŋgəlva nawɗikiya, gəm dərbetin wəzeɗe nan də wəɗɗəla nanneke.

Gəlyaɗe 116:17

Wanəzaɓ suk Maŋgəlva nawfete, gəm wanəya Yawe də sləmani;

Gəlyaɗe 66:13

Wanətoŋ addəv gəla nok də əvəl nawzla kurmbuɗuku, wanəɗɗa suk an maw aynə suko,

Isaya 58:13

An kərmak zuk pay naffete, vi kədaɗɗa an məs kəŋgəl aka pay salala naw ɓa, an kəɗiyək pay naffet ka əŋgla na Yawe, ka pay gagdaka, gəm is tat əgagdakan məza əzban tive nok ɓa, də əppan kiyzuk sən əŋgla nok ɓa gəm sən əpel ɗar ɓa,

Yeremiya 30:19

Kaprəmi wəlet əya gəlya, sən ənneke. Wanənzlirgiti, arreheŋ na ɓa. Wanəɗɗa ɗiy dəgagdaketingini, kawzeleti ɓa.

Yeremiya 32:44

Kalbahi gulyeŋge də təbəz babara, kawverni wən nan addəv ɗerewel kaɗi ndama akani, kawyay məziwweɗe, vas adaɗɗa aka dələv na Benyamin, walaŋgəleɗe dəssoŋ tərwəsl ki Yerusalem, walaŋgəleɗe gugriɗ na Yuda, walaŋgəleɗe gugriɗ naka mossorgo metiŋ, walaŋgəleɗe gugriɗ na Bagərma, walaŋgəleɗe gugriɗ na dohoŋ, vi wanəzaɓan wən nokum, Yawe aɗiymani.

Yeremiya 33:11

gogoyo na əpepɗeke, gogoyo na ənneke, gəlya na məɓel gulku də əɗɗəla nat məɓelta, wəlet ɗiy məzunəhaŋ na: məɗi ki Yawe Məzuɓappakə, vi Yawe moggoni yi, vi moggon nan hã faɗi yi. Kaprəmi wəlet məkiyaŋ zəga nawfet addəv gəla na Yawe. Vi wanəzaɓan wən na dəlvəŋ va asan lahəŋka» Yawe anahə.

Yeremiya 33:13

A walaŋgəleɗe gugriɗ naggərma, walaŋgəleɗe na Bagərma, walaŋgəleɗe na dohoŋ, aka dələv na Benyamin gəm dəlveŋge dəssoŋ ki Yerusalem tərwəslə dit walaŋgəleɗe gugriɗ na Yuda, gəlew wadawaŋ kaɗkaɗ əmpa dəba məzəŋɗeti, Yawe anahə.

Zakarya 7:7

Aski əpel an Yawe anah də met məskəleŋɗe far pay Yerusalem asan fendeŋ, walaŋgəleɗe gugriɗ nan kiyən tərwəslə, Negev də dələv na Bagərəm məknihit dit ɗiy addəvit ɓa sa?

Ibriɗe 13:15

Də iya na Yesu, məpsən səm əvəl nawɗi kiya sən Maŋgəlva məza əppan gabban ɓa, va ənəh na əpel na mam məzuya iya nani.

1Piyer 2:5

Nokum van kpakə, va gərmeŋge medereti, məssoŋ mərkukum ka gəla nassa na Zeŋgile Salala, ka əsap net məsdəlveŋge salala napsən əzaɓ-Maŋgəlva na əmpəs sən Maŋgəlva məs adawtaf də Yesu Kristu.

Hənhən 1:5

gəm səza Yesu Kristu, miziwe an gesiŋ, məs dəgil daabəŋ səret ɗiy mimtiti, gəm məlĩ net məlyeŋge naka dəlvafuŋ pakə. Aŋgluməka, agilgəmək səddəv mambray nam də əmta nani.