Yeremiya 17:13 - Bible en Guidar

¹³ Yawe yi məs Israyel aɗi kiyən akani, ɗiy en dəzgokun pak wil areti! En dəzaraŋ səzok wazaŋ va iya məverin aka burɗuku. Vi azgokunko, Yawe is heret iŋkile na zeŋgile.

Yeremiya 17:13 ပူးပေါင်းရင်းမြစ်များ

Gəlyaɗe 22:4

Istə Salala: Kəsok aka mazaŋga na məlyã, istə nawɗi kiyuk a Israyel!

Gəlyaɗe 69:29

Iya net dəvvuy səddəv ɗerewel na zeŋgile, kədawverit aret ɗiy en təstəs ɓa!

Gəlyaɗe 71:5

Vi zəga nawga naw kənani Yawe Maŋgəlva, akok nəɗi əɗɗum naw far səka sãwãwã.

Gəlyaɗe 73:27

Vi məzuzaraŋ səzok tahəŋ əzaŋgə; wakəzan ɗəf an dəppoko.

Gəlyaɗe 97:7

«Məgagdeketin zəgakamaŋgəlva pak dərban wili, məzukaɓaŋ dit meŋgilveɗ ɗar pak wil areti; meŋgilveɗ pak tay əppu'oŋ abani!»

Wənməkkpaŋga 10:7

Əɗɗum na ɗəf an təstəs na, nawki əzaɓi yi; sləmet məsdarawɗe na, nan waŋgənə.

Wənməkkpaŋga 14:14

Ɗəf makra mbərayən wabə də ərəh na ədaw nani, ya ɗəf moggon tamə, wabə day kiyən də ərəh na moggon nani.

Isaya 1:28

Ya əzay viyit ɗiy məɓoŋti gəm məs mambrayɗe, wəgrak net ɗiy en dəzganən Yawe yi.

Isaya 66:5

Məprəm əpel na Yawe, mənokum məkkereŋ sənən əpel nani. Milmiŋgiɗkum azelkumənko, aɓɓahkumənək aka batam iya nawa. Tay əmasaŋ akokum dawnəh na: Kəta Yawe dərban gagdak nani, mulagən ənnek nokumu! Ya neti, wassoŋ addəv ərba wili.

Yeremiya 14:8

Is məs Israyel aɗi əɗɗum nan akoko, is məs kəkõhgən aka pay na əzəmsahã, mbarmbar kədawsok va molhoyo aka dələv di? May va malaka məs dəmzla vi kawvoŋ di?

Yeremiya 17:17

Kədassok su zəga nawgeslne sən ɓa, istə təki nawɗam naw aka pay na tatwãha.

Yeremiya 17:18

Məzuzəmguwən sahã dərbaŋ wili, naw nədarba wil ɓa hara! Ageslnegiti naw nədawgeslne ɓa hara! Aki pay na tatwãh aketi, aŋzlet əŋzla təl sula.

Yeremiya 17:5

An Yawe anah yaŋka: Əray aka ɗəf məs dəɗi əɗɗum nan aka ɗəf tirtiri məs dəɗi kiyən aka gbogboŋ na zəni məs dəkkpaŋgan makran səka Yawe.

Yeremiya 19:4

Vi azgawənka, araygənənək təkiyəŋ də əzla tursan sit meŋgilveɗ meɓɓet məs ndəɗaŋ zək net dəsinnin ɓa, efiŋgiɗit ɓa, milyeŋge na Yuda ɓa. Aknahənək təkiyəŋ dit mbel net ɗiy məs də mezlibezlibe na meti.

Yeremiya 2:13

Vi ɗiy naw aɗɗaŋgək an dəslə ɓa aka zən zaɓzaɓə: Azgawənka, in iŋkile miyma, vi kawso'oŋ vov net iŋkile neti; vov məpɗakən məs awziwgit iŋkile ɓa.

Yeremiya 2:17

As van arəhuk na vi kəzgan Yawe Maŋgəlva noko, gala adakuk tive tive yi ɓa sa?

Yeremiya 50:7

Ɗiy en dədawrihinin pak tahəŋ əmpirnini, məzuzelɗe net tahəŋ ənahaŋ na: Məraygən ɓa vi aɗɗaŋ mambray aka Yawe, afən təstəsə, Yawe məs efiŋgiɗit aɗɗiyən əɗɗum net akani yi.

Ezekiyel 13:9

Vaw wasan aket məskəleŋɗe məwaŋ wəna gəm aket məskaŋ helik nawaŋ wəna; assoŋ na addəv əsler net ɗiy naw ɓa; kawverti aret ɗiy na Israyel ɓa; amilyoŋ na aka dələv na Israyel ɓa; wakəsənnən na, intə Daya Yawe.

Ezekiyel 16:63

Vi kəɗɗumongən an dətoŋgu, wil dədukungəni, mok adawkol ɓa sən ərba wil nok pay nədavvuyon suk an kəgəɗ pakə, Daya Yawe aɗiymani.»

Ezekiyel 36:32

Məsən na vikumi nədaɗɗan ɓa Daya Yawe aɗiymani. Wil dəbaykuməni, mərbə wil aka ədaw nokum, mə Israyelɗe.

Daniyel 12:2

Ɗiy diyɗa səret ɗiy mimtit wasilyoŋgu, ɗiy mbirti vi zeŋgile nassa hã faɗə, mbirit tamə vi zəga net wili gəm wəray an faɗə.

Zakarya 13:1

Pay nan na, met iŋkile wakol sən zev Davit gəm sit ɗiy na Yerusalem ka naskoɓ mambray net də haramba neti.

Zakarya 9:12

Məmndoŋ addəv zlava mərkani, məfərsəneɗ məs əɗɗum nawrəh zəga. Dəpaŋ na, nənahək na: wanəfaɗ suk wəya nok zlaɓ sula.

Luka 10:20

Kədannekenən zukum vi əmpəsɗe mbəreyit aɓe'eŋ sukumən dərəŋ ɓa, mənneken zukum vi iya nokum məverni a disiŋ.

Yohanna 4:10

Yesu azlani, aɓsət na: Va kəsənək əvəl na Maŋgəlva, gəm ɗəf məzunah suk na avay iŋkile nawsaŋ na, istə dərəŋ kədaŋgla, kəta wapsuk iŋkile na zeŋgile.

Yohanna 4:14

Ya ɗəf dədawsa iŋkile məs nədapsəni meme adanən na kpa' ɓa hã faɗə. Iŋkile məs nədapsəniŋki, wakkpaŋgaŋ heret iŋkile miyma na zeŋgile an faɗ nzõhõ.

Wəza net Masləŋɗe 28:20

Sən aski kan nəyukum kawlukum gəm kawpel sukum. Vi aka wən na əga net məs Israyelɗe yi miynaw dit ngiyamɗeŋki.

1Timote 1:1

Pol maslən na Yesu Kristu də əŋgla na Maŋgəlva məkõhgəmə, gəm Yesu Kristu əga namə.

Hənhən 20:15

Ɗəf awandi məs iya nan tay meverin addəv ɗerewel na zeŋgile ɓa pak, kazgani addəv vov na offo.

Hənhən 21:6

Yaŋ anah su na: Agəɗək səkay grakə. Intə an daabəŋ wətəŋ nani, də an dirɓe pakə wəgrak nani. Ɗəf məs meme adaŋ pak wanəpsən iŋkile miyma na zeŋgile na mekeleŋ.

Hənhən 22:1

Yaŋ maslay nak arban su məlpa net iŋkile na zeŋgile. Tay wiɗ va darawgal, səka walaŋ mazaŋga na məlyã də ndargayã na Maŋgəlva ade.

Hənhən 22:17

Əmpəs dət waŋ məgəmət aɓɗaŋ na: Ade! Ɗəf dəprəm pak, dənah na! Ade! Ɗəf an meme adawdaŋ pak dəde, ɗəf an dəŋgəl iŋkile na zeŋgile warah na mekeleŋ.

Hənhən 7:17

vi ndargayãk təsat aka walaŋ mazaŋga na məlĩ watəteɗe, watəke amet iŋkile miyma na zeŋgile, Maŋgəlva wapay sit sin səreti.