Yeremiya 16:7 - Bible en Guidar

⁷ Kawzəmi way də ɗəf a gəlabay vi kaffeten sən makran aka wən na ɗəf məmtən ɓa, kapsəni zəga nawsa vi kaffeten makran ɓa, kəta afən dəmtə, kəta man təmtə zlaŋgə.

Yeremiya 16:7 ပူးပေါင်းရင်းမြစ်များ

Ɗerewel na Yob 42:11

Yas milmiŋgiɗin mezeŋgleket dit muguluŋgiti gəm ɗiy en dəsənnən farfar pak azzoŋ ulanəni, azəmaŋ way dəndən eŋgil ananda. Ahəmgənənka, affeten sənən makran vi tatwãh an Yawe aki akan pakə, naway pak apsənək təbəz babar taka, gəm ɗəf pak ndama na meleŋge taka.

Məsmaɗula 4:1

Nəkkpaŋgək nula əzəmsahã temtem məzəɗɗa əgge. Əhəm net ɗiy məzuzəmaŋ sahã, ɗəf tay nabbah sit ɓa; gbogboŋ avet ɗiy məzəmgitin sahãyi ɓa na, net ɗəf tay nabbah sit ɓa.

Yeremiya 22:10

Kədawhəmgənən ɗəf məmtən səkay ɓa, kədaskaŋ morkoyo ammban ɓa. Məhəmə, məhəm ammba ɗəf məzəddan dərəngə, vi amil na əmpa kawla dələv nan ɓa.

Əɓuhma 1:9

Ərnok tay aza gabba lukut nani aɗɗumon an nazzan abe ɓa. Əzbər nan agəɗək va na sekene, məzəbbah sən tay ɓa. Yawe awla əzəmsahã nawa; awla va məzuzel naw adawɓaya.

Ezekiyel 24:17

Anɗəs məɓaɓatko; kədaɗɗa matuya na gəlabay ɓa, atər mətərkiya nok akoko, akkpe' hensekɗe nok aka təlko; kədawtər mətərkiya dit eŋgeme na mok pak kahəm kiyət ɓa, kədawzəm way na gəlabayət ɓa.»

Hose'a 9:4

Apesleŋ na mbazla sən Yawe ɓa, əzaɓ-Maŋgəlva net anneken na zən ɓa, wasan va way na gəlabay azeti, en dəzəmaŋ pak arnokoŋko, vi way net sən gidivti kaka'ə, atoŋ na addəv Gəla na Yawe ɓa.

Əmsak aka Mahenziŋ 26:14

Pay nəsaw əhəm kigəbaya tay nəzəm səzan ɓa, pay nəsaw də heslepe, tay nəgəm səzan ɓa, nəpsən səzan sən ɗəf məmtən ɓa. Nəprəmək ma Yawe Maŋgəlva nawa, nəɗɗak va kəɗi su wən nan pakə.