Yeremiya 16:18 - Bible en Guidar

¹⁸ Wanəfaɗ sit heslepe net də mambray net təɓələn sula, vi arnokonənək dələv naw də kiygəbayit zəgeɗ daryawɗe neti, aknahənək dələv nawzəmgəla naw də zəgeɗ net mbəreyti.

Yeremiya 16:18 ပူးပေါင်းရင်းမြစ်များ

Gəlyaɗe 106:38

Aggbo'inik mbel net ɗiy en slamma, mbel net kirtit mezeŋgleket dit muguluŋgiti azaɓaŋ-Maŋgəlva sit meŋgilveɗ net mə Kana'anɗe, yaŋ dələv arnok dit mbel lokloku.

Isaya 24:5

Dəlvafuŋ arnokuk səmmbet ɗiy nakani, vi amzlahaŋgək səka an Daya ayagan siti akkaɗaŋgək ki mahenziŋ, apələnək wənmiyna, an dəsan faɗə.

Isaya 40:2

Məzzayan makra Yerusalem, məprəman sən na wəza tatwãh nan agrakka, vi afaɗək mambray nani, arahək tatwãh təl sula səva Yawe aket mambrayɗe nan pakə.

Isaya 61:7

A gəlet wili, wakərəhaŋ əzaɓ təl sula. Mbək əra namet ɗiy əsan ka nokum, wakəzəmaŋ gəla aza dələv net təl sula, ənnek wasan sukum hã faɗə.

Isaya 65:6

Zəga məverin abawi yi, nəsaw na ɓat ɓa wanəmpəlkiya dəreŋgə, wanəfə̃h an na makraw pakə.

Isaya 65:7

Nənɗanək heslepe neti gəm heslepe net efiŋgiɗit sapə Yawe anahə, ndəɗaŋ məzuzlaŋ tursan aket mossorgoɗe tahəŋ əmasaŋ akaw aket mossorgoɗe gesiŋ wanəfə̃h an na makraw pakə wanəpsit meŋgesl wəza net dətoŋgu.

Yeremiya 17:18

Məzuzəmguwən sahã dərbaŋ wili, naw nədarba wil ɓa hara! Ageslnegiti naw nədawgeslne ɓa hara! Aki pay na tatwãh aketi, aŋzlet əŋzla təl sula.

Yeremiya 2:7

Nəkikumuk aka dələv məs guli net wəleŋɗe məzuwaŋgə, kəzəməngən uwa neti də ətərwəray neti. Yaŋ kəzzoŋ kərnokonən dələv nawa, kəkkpaŋganənək dələv nawray naw zəga daryawə.

Yeremiya 3:9

Agəɗək polkoyo dit meŋgilveɗ net gərmeŋge gəm net wəleŋɗe, araygənək dələv də wədaw nani.

Yeremiya 44:4

Naw nəppan əslən sukum məɗɗaŋ wəza naw məskəleŋɗe ɓa, əslinit dawnəh na: Kədaɗɗaŋ zəga daryaw məs nəzel ɓa.

Yeremiya 7:30

Yawe aɗiyman na, ɗiy na Yuda aɗɗaŋgək mbərayən ama harawa, aɗiyənən tuya net zəga daryaw addəv gəla məs adayanən iya naw adaka yaŋ arga'anəni.

Ezekiyel 11:18

Adak adazzoŋgu, wazetin meŋgilveɗ meɓɓet pak dit zəgeɗ naɗɗa net daryawɗe pakə.

Ezekiyel 11:21

En məs mekret aket meŋgilveɗ neti, aket zəgeɗ naɗɗa net daryawə, wanəkkpaŋgan ədaw net aketi, Daya Yawe aɗiymani.»

Ezekiyel 36:18

Nəfə̃hək herɗe naw aketi, vi mbel məs aggbo'oŋ aka dəlva, gəm arnokonən dit tuyeŋge neti.

Ezekiyel 5:11

Vini, va nəsaw madarawa Daya Yawe aɗiymani: sessel adan kərnokonək gəla naw salala dit zəgeɗ daryawɗe gəm dit zəgeɗ daryawɗe nok pakəŋ na, naw wanəfaɗ fafaɗə, nəwəl na sasãh ɓa, naw pak tay an nədambra ɓa.

Hose'a 9:7

Pay nawzəm sahã agapka, pay nampəlkiya agapka: Israyel dəsəna! Məskəleŋ akkpaŋgək mətemni, ɗəf məs əmpəs gərəŋgərəŋgə, vi heslepe nok dədayə gəm ərma mama nok adayka.

Məsdəlveŋge 26:30

Wanəzet gəleɗe-nettuyeŋge nokum, wanəzet gəla matuyaɗe na tursan nokum; wanəzget gəbayɗe nokum aket matuyaɗe sit tuyeŋge nokum gəm wanəzelkum.

Mika 2:10

Misili! Məddoŋgu! Vi pay naffeti ɓa! Sən ɗarɗar nokum, tatwãh metiŋgin kədawgaŋgə.

Hənhən 18:6

Məgəɗ sən walaŋgəla nan va agəɗ sukum tamə, məmndan sən an agəɗ sukum haran sula. Addəvət həloŋguk məs aslahan mbazla nani, məslahan sən təl sula addəvta.