Yeremiya 16:16 - Bible en Guidar

¹⁶ In yakəŋ əslən mərmaŋ ɗiy diyɗa də zəva, Yawe aɗiymani, warmenini, səbbər asna, wanəslin mətəvəlaɗe diyɗa wateketin aket mossorgoɗe gugriɗe dit mossorgoɗe pakə hã gap a poporit gərmeŋge.

Yeremiya 16:16 ပူးပေါင်းရင်းမြစ်များ

Va'Atəŋ 10:9

mətəvəla məs sləmani yi aba Yawe. Vini adawnahaŋ na: «Mətəvəla məs sləman va Nimrod, aba Yawe.»

Isaya 2:21

Vi kawtoŋ apoporit gərmeŋge gəm aweleŋgit gərmeŋge səba ədagədəv na Yawe, faraɗa səza gagdak na məlĩ nan pay adawsilyen əki geslne' aka dəlvafuŋ.

Isaya 7:19

Wazzongu, wassoŋ pak a təki məpəlayya məs iŋkile akeren dawdawa gəm addəv poporit gərmeŋge, addivit geslembeɗ məs degirge azet pakə də a təki nawsa iŋkile net zəgeɗ pakə.

Yeremiya 25:9

Yawe aɗiyman na, in yakəŋ əslən əkeyet ɗiy na kəla disiŋ pak gəm wanəki Nabukodonozor məlĩ na Babilon gawla naw dəgaygən də dəlveŋka, dit ɗiy naddəvən, dit ɗiy naket dəlveŋge en dəssoŋ kiyən tərwəslə, wanəzet kakãhə, wanəkkpeŋget zəga naggət gəm nawmas aketi, wasan kiməski faɗə.

Yeremiya 4:29

Sən ɓaɓəlmet mawteŋɗe net pəlsəŋge gəm ɓaɓəlmet məhõnən bəle! Ɗiy na walaŋgəla-metiŋ pak anzoŋko. Ɗiy ətoŋgoŋ addivit geslembeɗi, əpeŋgeŋ aggərma. Walaŋgəla-metiŋ seŋseŋ, ɗəf tay dəpəl təttaka addəvən ɓa.

Yeremiya 49:5

Inyakəŋ əki geslne akoko Yawe Maŋgəlva Məzuɓappak aɗiymani: wade kiyuk tərwəslə. Karɓohkumi ɗəf pak dəkki aɗi harani, ɗəf tay nakkelet ɗiy en dədanzoŋ ɓa.

Yeremiya 6:9

An Yawe Məzuɓappak apel yaŋka: Məgim madambirgit ɗiy na Israyel en dəppaŋ takataka, va adawɓuhnən mokkoyɗe net megezlembirkeɗi; məbbalan vokum məffeket takataka va məɓoh uwa na məgezlembirke adaffekeni.

Əɓuhma 4:18

Heret ammba tələm yarra kawtakəm daddam agəlam. Əgrak nam agapka, əvoŋɗe nam aknahaŋka əgrak nam agapka.

Əɓuhma 4:19

Məzərɓahamən adayaŋgək kiyit gazlaɗe na disiŋ də kakara. Tay ərɓahamən aket mossorgoɗe. Əvoŋ səmən a kapta-muyã.

Hose'a 10:10

Aza əŋgla naw na, wanəzga' siti, ɗiy wasapaŋ aketi aka wən na mambray net wəlan sulaŋka.

Amos 4:2

Yawe Maŋgəlva aswayək də salala nani: Pay yaŋ əzzan akokum məs meseŋgiɗkum adawgilgukumən dit teklemɗe, en nozzoŋ dərɓogokum tam dit tulhoŋge nampa kilfi.

Amos 5:19

Tay va ɗəf məzənzan sən ɓoolu yaŋ zəga darawən adawyaŋ na urs aləm səni. Ndən mbat eŋgil, van gak aza gəla na, dohõ gboŋ əbələn!

Mika 7:2

Ɗəf təstəs tay aka dələv ɓa, ɗəf tay taka mədaw sarara aweleŋgit ɗiy ɓa. Baymet pak sən əggbo' mbel avoŋgoŋ tive; ɗəf pak tay ənslən pew̃eŋ aba məlməni.

Sefanya 1:12

Ya pay nan na, wanəkkesen Yerusalem dit lalamɗe, wanətawwən aket ɗiy dəssoŋ dippi'e aka dagərgiya neti, mənahaŋ də mekret na: Yawe aɗɗa moggon ɓa, aɗɗa mbərayən ɓeŋki.

1Samiyel 24:11

Dəpaŋ kulak də horok va Yawe apsukuk avaw a bətəŋ əŋka. Mənəh na nəboyko. Nulukuk sãhə̃, nəmna nətəl na vaw aka daya naw ɓa, vi mesiya na Yawe yi.

1Samiyel 26:20

Naw kakaŋ na, maw tay aka nəmtəgən faraɗa səza Yawe ɓa. Vimi məlĩ na Israyel agil əkayan dememes ɗar va ɗəf adarɓahan taɓraw aket gərmeŋge di?»