Yeremiya 16:11 - Bible en Guidar

¹¹ Asna kəzlangən na: Vi efiŋgiɗkum azgawənka yaŋ azbetin meŋgilveɗ meɓɓeti, aɗɗaŋ sitinik wəza, appu'oŋ abeti, Yawe aɗiymani. Yaŋ naw azgawəni, dərmanən mahenziŋ naw ɓa.

Yeremiya 16:11 ပူးပေါင်းရင်းမြစ်များ

1Milyeŋge 9:9

Kawzlani na: Vi appanən Yawe Maŋgəlva net məs dəgilgit efiŋgiɗit səka dələv na Eziptə yi, vi asapaŋ dit maŋgəlveɗ meɓɓeti, agdukoŋ sitini, agəɗ sitin wəzay yi: sən aski Yawe aki wərayəs pak aketi.»

2Alabaraɗe Də Mabərkiziti 7:22

Kawzlan siti kan na: Vi azganən Yawe, Maŋgəlva net efiŋgiɗit məs digilgit səka dələv na Eziptə; yaŋ azbetin meŋgilveɗ meɓɓeti, appu'oŋ abeti, ndəni aki ərayəŋ pak aketi.»

Yeremiya 13:22

Ya an kənahək a mokrok vimi zəgeɗ vas adawrəwən di na? Vi memetiŋ na heslepe noki məkros gabba lukut nokum məsilipi, gəm mərma motokpotokpo təlko.

Yeremiya 2:8

Məsdəlveŋge awnahaŋ na: ŋgay Yawe di ɓa? Ɗiy na mahenziŋ dəsənwən ɓa, məzuteɗeŋge net ɗiy atemeŋgik akawa, məskəleŋɗe aɗɗaŋgək kələŋ də iya na ba'al, ammbet zəgeɗ en atəraŋ na wəray ɓa addoŋgu.

Yeremiya 22:9

Kawzlan siti na: Vi azganən wənmiyna na Yawe Maŋgəlva neti, appu'oŋ abet meŋgilveɗ meɓɓeti gəm agəɗ sitin wəzay yi.

Yeremiya 44:3

Sən zəga naɗɗa net daryaw aɗɗaŋ suwən də əmbat əzla tursan sit meŋgilveɗ meɓɓet məs dəsinnin ɓa, mənokum ɓa, efiŋgiɗkum ɓa.

Yeremiya 8:2

Kaweɗti ara paya, ara təla gəm gərzleɗ na disiŋ, zəgeɗis pak məs aŋglaŋgəs, məs aɗɗaŋ sitin wəza, məs azbaŋgə, məs askaŋ helik azeti, məs appu'oŋ abeti; net kakkeleti kawndikit ɓa, wakkpaŋgaŋ ka ba'ar aka dəlvafuŋ.

Yeremiya 9:14

Vi vaski Yawe Məzuɓappak Maŋgəlva na Israyel anah vaŋka: Wanəzəmgit ɗiyin də ndərzla, wanəpsit iŋkile də muhun areti.

Əɓuhma 5:7

Efiŋgiɗim aɗɗaŋgək mambraya, net tahəŋ əmpa ɓa. Gagdak na mambray net akami yi.

Ezekiyel 11:21

En məs mekret aket meŋgilveɗ neti, aket zəgeɗ naɗɗa net daryawə, wanəkkpaŋgan ədaw net aketi, Daya Yawe aɗiymani.»

Amos 2:4

An Yawe apel yaŋka: «Aka əɓoŋ an ɗiy na Yuda aɓoŋ təl hoku gəm aka əɓoŋ poɗo, nəppan na wən an nəziwgin ɓa. Vi azganənək mahenziŋ na Yawe gəm dərmenin əsəɓɗe nan ɓa, tepelkeɗ net məs efiŋgiɗit azban nek ezetinke.

Malakiya 3:7

Təŋ səza pay net efiŋgiɗkum, kəmzlahaŋgək səzet meheŋziŋɗe nawa, kəzbetin ɓa. Mimil azawa, wanəmil azokum Yawe Məzuɓappak anahə. Mənokum ənahaŋ na: «Mbarmbari mədawmilye di?»

1Piyer 4:3

Vi, pay məs kəzanən lahəŋ də əɗɗa an nannek zit ɗiy məs dəsənən Maŋgəlva ɓaŋ məkki. Kəssoŋguk addəv əɗɗa ɗarɗarə, wəsim mbərayən, əbay na mbazla, əsmay mbərayən, wəsa mbazla diyɗa də wəzaɓ zəgeɗkamaŋgəlva.

Mətawaŋwəna 2:11

Yaŋ mə Israyelɗe aɗɗaŋ mbərayən a mahara Yawe, agekdeketin Ba'alɗe.